بسم الله الرحمن الرحيم
الشهر عليكم مبارك
اعاده الله علينا وعليكم بالصحة والعافية
اول مره اروح تركيا ومتخوف من بعض الاشياء وودي اسشتيركم فيها خصوصا الاخوان اللي سبق وانا راحوا لتركيا
بالنسبة لعدد الايام 12 يوم والمسافرين انا وزوجتي وطفل عمره سنة وستة اشهر ( معاناة ) كنت ناوي اخليها
3 اسطنبول 3 يالوفا 3 بورصة 3 اسطنبول
اول ثلاث ايام باسطنبول باسكن في منطقة السلطان احمد في فندق Eternity Hotel ( مبدئيا ) وهذه موقعهم في بوكينق
https://www.booking.com/hotel/tr/eternity-boutique.html?aid=1300939
مدري وش رايكم في الفندق ومنطقة السكن ؟
بعدين مادري وش استخدم في المواصلات خصوصا ان معي طفل صغير فهل المترو ينفع ولا استخدم التاكسي ولا وسيلة اخرى تقترحونها
بعد هالثلاث ايام ناوي استاجر سيارة في يالوفا وبورصة بحيث اقدر امر المدن اللي حولهم وش رايكم استاجر ولا صعبة ؟
بعد كذا برجع اسطنبول ووش رايكم اسكن بمنطقة تقسيم لاني متخوف منها او اسكن بمنطقة السلطان احمد
اي اقتراحات اضافية لا تبخلون على اخوكم
شاكر لكم جهودكم واهتمامكم وحسن التنظيم فجزاكم الله عنا وعن المسلمين خير
وبالنسبه للتنقلات انصحك تتنقل بالمترو والسلطان احمد فيها كثير محطات مترو
لانه التاكسي ياكل اكل واللتر عندهم ب 13 ريال الله يازين الرخص حنا عندنا بس ب 40 هلله
وطبعا التنقل من استنطبول الى بورصه يفضل انه يكون بالعباره ومدة الرحله ساعه ونصف تقريبا وبالعباره الى يالوفا بالعباره من بورصه 45 دقيقه تقريبا
وعموما ماانصحك تسكن في يالوفا او بالاحرى اشوفها كثيره عليها 3 ليالي لانه مافيها شي بعضهم يروحها فقط للاستجمام بالمسابح المعدنيه المفيده للجسم يعني يروحها صد ورد ويرجع
وانصحك تروح ( ابانت ) تراها عن استنطبول بالسياره 300 كيلوا
ومره حلوه تجلس فيها يوم كذا او يومين بالكثير
لاهنت