اربيلا شيرتون ........... خمس نجوم
كل شى فيه
نظافه وامان وتكييف وجرايد وكفى شوب وسيرفس ( شوي ويجيبون لك عنز تحلبينها الصباح على الريق ):36_1_42:

صباح الخير اختي عابرة سبيل ..
بالنسبه للفندق اربيلا شيراتون بارك ..فندق 5نجوم ومن ناحية الامان امن ونظييف وفيه تكيف وفيه بلاكونه حلوه ..في منطقة هادئه اربيلا بارك ..وقريب من محطة القطار 3 دقايق مشي وتروحيين اي مكان تبيين ..الفندق يعتمد عليك انتي اذا تبيين مكان الزحمة والاسواق والمطاعم وشارع المشاه ..عندك الميرديان ..هذا اللي راح اسكنه انشالله بعد 22يوم
واي استفسار انا حاضر

نعو اوافق اخواني الراي .. الفندق ممتاز و في مكان آمن,, خاصة بأن الساحة تحت الفندق مباشرة و في الساحة مخبز . جمعية.. و كوفي شوبز
باختصار .. تناسب العوايل

فندق رائع بصراحه نظافه وامان ورقي..
بس انه بعيد عن الاسواق والزحمه..

الفندق 5 نجوم و رائع بكل المواصفات لكن يعيبه البعد عن المارين و السنتر و الاسواق ..
يقع في منطقة اربيلا بارك الهادئة ( المنطقة اللي فيها الملحق الصحي لسفارة الإمارات ) و قريب منه محطة الاندر جراوند
مثل ما قال اخوي قطري 2008 الفندق يعتمد عليج انتي .. اذا تحبين الزحمه و الاسواق ما اعتقد يصلح لج =)
بس من ناحية النظافة و الأمان ممتاز جداً

هلا اختي انا انزل في هذا الفندق من الثمانينات مريح وله مزايا كثيره
امامه ساحه كبيره
سكان هذا المكان كلهم عوايل خليجيه
كوفي شوبس ومطاعم
سوبر ماركت قريب جدا
محطة الاندرقراوند قريبه جدا
امان للاطفال ساحه كبيره للعب
الفت هذا المكان ولا اقدر اغير عنه
بوتيكات صغيره وراقيه
مخبز
مكتبه
في نهاية الاسبوع يكون فيه مثل عربات لبيع خضروات المزارع وبضايع مختلفه
وبس والتجربه خير برهان
الله يوفقكم في رحلتكم

السلام عليكم
بعد التحيه
ممكن واحد يعطينا موقع الفندق عشان نحجز فيه
وهل لو احجز فيه عن طريق الانترنت امان
يعني الاقي حجزي لما اروح OK
دمتم

شكرا لمروركم جميعا
جزاكم الله خير