أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ايش رايكم في استئجار سيارة في كوالا . وين الاقي سيارات التأجير وكم سعرها باليوم . ورخصتي كافية ولا لازم رخصة دولية وهل عندهم شروط ولا حاجة .
الحقيقة ابغى اروح على كيفي والف العاصمة كلها.
السلام عليكم ...
حياك الله اخوي جاك ...وكل مااشوف اسمك افتكر الرئيس الفرنسي
ولا جاك بمعنى اتى ...
اخوي ...اول شيء سبق ان سقت سيارة دركسونها يمين في اي
دولة بالعالم ...ان قلت لي بلى قد فعلت ...اجل خذ سيارة وانت مطمئن
لكن ان كانت اول مرة ...تكفى لا تجربها ترانا نخاف عليك ...وترى كل
شيء العكس ..حتى الطريق ..النظام كامل يتغير ...وتحتاج لرخصة دولية
تسويها عند مكتب السياحة ..ويكون عند بطاقة بنكية فيزا ولا غيره ..
وتملي استمارة عندهم ..وتختار السيارة ..متعة صراحة تكون سيارة في
يدك بماليزيا وتروح مكان ما تبغى ولا تاكسي يتغلى ويتشرط ولا غيره
وان شفت سواق التاكسي في الشارع ادعسه استغفر الله هذه روح
هذا من القهر عانيت الويلات من اصحاب التكاسي عاد تختار السيارة
اللي تناسبك :
بروتون اسوارا : 120
بروتون واجا:150
بروتون بردانا اتوماتيك :250
واجا ممكن تلاقي اوتو ..وفي اصغر مثل كانشيل ب80 ريال لكن
عادي ..السيارات المستوردة مثل عندنا لكن اضربها في 2 .
مثلاً فولفو قريب 400 ريال .
شركة سماس :0321481199
8موفق بأذن الله ورحلة سعيدة وسواقة رزينة وترجعون لنا بالسلامة .
والسلام عليكم
والله موضوع روعة
تسلم ياخوي على طرحة لانه في بالي
..يابعد قلبي يالشعيبي انا اشهد انك ذيب وما تقصر الله لايقصر في عمرك ياشعلة المنتدى الماليزي
حبيبي يالشعيبي .. لو اسأجرت سياره هناك هل تكون السيارة مؤمنة عندهم ..يعني لاقدر الله وصار حادث او اي شي هل تتحمله الشركه او لا
لاني ودي اقول بسياره هناك واحوس ماليويا حوس
اما من ناحية ان وضع القياده بالعكس ...والله يازين التغيير واهي فرصة نجرب
وهل تتوفر شركات السيارات من المطار او ان الشركات فقط داخل المدينة ...... ناويها من اولها والنهايه اكون عند حدود سيرلانكا مايدري وين يروح
ايضا هل تتوفر الشركات في المناطق الثانيه في بيننج ولانكاوي
الله يطول لنا بعمرك يالشعيبي
ويعلم الله كم ينشرح قلبي لك وكأني اعرفك من سنين ياصديق الطفوله
ولا يهون الجميع
والله يجمعني واياك في الفردوس الاعلى انه على ذلك قدير
اخوك ومحبك عماد
وان شفت سواق التاكسي في الشارع ادعسه !!
وان شفت سواق التاكسي في الشارع ادعسه
وان شفت سواق التاكسي في الشارع ادعسه
ههه الله يقطع سمو سعادة شيطانك ... والله ما قد سيارة يسار بس وماله نجرب ... ياخوي الهنود ماهم اطيب منا .. وعلى فكرة انا برمائي يمين يسار زي بعض المهم تعديلات بسيطة بالدماغ انسى اليمين مرة
وبالنسبة للفيزا لازم ولا ينفع التأمين... عندي وحده فيزا ذهبية اعطانيها البنك مجانا ولا ادري وينها الان ما قد استعملتها... وياليت ياخوي تعطينا معلومات عن اسئلة الاخ عماد
جاك يعني جاك العلوم الزينه يا وجه السعد
السلام عليكم ...
اخوي الغالي عماد يا صديق طفولتي الله يسلمك ...امين يا رب .
اخوي الحبيب جاك لك تحياتي وتقديري .
بمجرد ما ياخذوا الفيزا ويسحبوها يكون خرجوا حق التأمين وترى
التأمين عندهم اجباري ...والشركات موجودة في كل ولاية ...وانت
ان معاك السيارة تسافر حتى بها بين الولايات ....
من خاف سلم ...امركم يهمني ...ماودي اضحكم الان وبكرة اضحك الناس
عليكم ..ونصيحة لله ...ماجربت السواقة لسيارة دركسونها يمين لا تاخذ
السيارة ...ادفع حق التاكسي واشتري راحتك وراحة بالك ...شف كم مرة
اخوي انا رايح جاي لارض الملايو لكن ما تجرأت الا بعد ما ودوني اصدقائي
الملايو لمدرسة تعليم القيادة عندهم وحبة حبة ...مع انه رخصنا معتمدة وكلها
كم ريال وتصير دولية ..ان كنت رايح تشتغل هناك او تعيش اتجه لمدرستهم
وانا معاك ...لكن سياحة ما تستاهل مع انها متعة ..شوارعهم ضيقة يا اخوان
وما عندهم مسامحة وان دقيت شيء خفيف ما يسامحك ...الحق حق ...وعندهم
يا كثر اهل الدبابات ويا كثر اللي يطيحون منها ....صراحة ما اتمنى لكم الا
اللي اتمناه لنفسي ...لا ودي اتورط ولا اشوف غيري مورط ....
الرجاء انكم تراجعون الحسابات ...وربي يوفقكم لما فيه الخير .
وتروحون وترجعون بالسلامة والسلام عليكم
