وعليكم السلام ورحمة الله وبركاته
وكل عام وانت بخير
بالنسبة لإسئجار السيارة أبرد عليك من تجربتي
إستئجار السيارة من ألمانيا أرخص
وعند الإيجار يجب أن يكون معك الرخصة السعودية الجديدة + الرخصة الدولية + بطاقة فيزا او ماستر كارد
ومن ناحية سعر الوقود مافيه فرق بين الديزل والبنزين اسعارهم متقاربه لكن الديزل افضل لانه يعطيك مسافة اكثر
وبالنسبة لقيمة الإيجار فهي تفرق على حسب نوع السيارة هل هي عادي او اتوماتيك
والعادي ارخص بكثير من الاتوماتيك
انا أخذت سيارة من ميونخ وسلمتها في مطار جنيف وكلفت علي تقريباً 4800 ريال لمدة 13 يوم والسيارة اتوماتيك
ولو اخذت نوع السيارة عادي بتكون اقل من كذا
والشركة الي استئجرت منها السيارة هي شركة ايفس
واتمنى اني اضفت لك شي أخوي king of my self
تقبل تحياتي

ثامر الله يرزقك من ثمار الجنه
يا عزيزي انا ما راح اصوب ناحيه المانيا ولا راح اقربها كلها ما بين سويسرا والنمسا
زبده الكلام يا غالي انا الحين ما عندي رخصه دوليه ما عندي غير الرخصه السعوديه الجديده و تقول راح تكون تكلفه السياره من 3000 الى مثلا 4000 على سبيل المثال هذا اذا كانت عادي .. بس المشكله في الرخصه انها سعوديه وليست دوليه مدري هل تقبل السعوديه دون الدوليه او لا ؟؟ وهل ياجرون القارمن هناك او لا ؟؟
>> مشكله استئجار السياره جاء موخرا وقبل السفره بايام معدوده

آمين وياك يارب
الرخصة الدوليه أمرها سهل مر أقرب مكتب سفريات ويطلعها لك وانت واقف اهم شي تجهز لك صورة شخصية وانت لرايح المكتب
وتطلع الرخصة الدولية ب 100 ريال
والجارمن ياجرون لك بس تطلبه عند الايجار
بس انا اشوف انك تشتريه من هنا افضل من ناحية اللغة
والله يسهل امورك يارب
تقبل تحياتي

اتعبنك يا عزيزي ولكن الله يجعلها في موازين حسناتك
يا غالي السفر يوم 3 سبتمبر يعني حاولت ولكن ما فيه وقت للرخصه الدوليه وابغى القارمن اذا هو موجود في السوق الحره في قطر او البحرين لانه رحلتي من هناك عن طريق القطريه واذا راح يأجرونه هناك كم راح تزيد على القيمه ؟؟

ممكن تجده في السوق الحرة
وممكن تدخل على موقع حجز السيارة وتعدل حجزك بطلب جهاز القارمن وسوف يعطيك قيمة الايجار لأن الشركات تختلف
ولكن جهز معاك الاحداثيات او خذ فكرة عن كيفية استخدامه
رحلة سعيدة

ممكن تجده في السوق الحرة
كم راح يكون سعره يا غالي ؟؟
وممكن تدخل على موقع حجز السيارة ( وش افضل المواقع من ناحيه السعر والجوده ) >> الميزانيه حقت السياره من 3000 ريال الى 4000 ريال وهل هي كافيه .... وتعدل حجزك بطلب جهاز القارمن وسوف يعطيك قيمة الايجار لأن الشركات تختلف كم راح يكون قيمه ايجار القارمن هناك و هل الافضل اني اخذه من هنا والا من هناك
ولكن جهز معاك الاحداثيات او خذ فكرة عن كيفية استخدامه >> ما يحتاج لا توصي
رحلة سعيدة الله يسعد ايامك ان شاء الله

الاسعار تختلف من وقت لآخر لأن الشركات تسوي عروض
السيارة الاوتوماتيك غالية والعادي رخيص
الاستئجار من المانيا ارخص
الاستئجار من مطار جنيف الجانب الفرنسي ارخص من الجانب السويسري
جرب تدخل على مواقع الشركات وشيك واختر السعر المناسب لك
وفي الغالب يكون سعر القارمن مع السيارة من40يورو ومافوق تقريبا ولكن الشراء افضل لك وللزمن
لو حبيت اعطني تواريخ السفر ومنطقة الوصول والمغادرة وانا اشيك لك على الاسعار

عندي لك قارمن حلو ورخيص ...
وعندي لك موقع اجار سيارات حلو ورخيص ...