Honey
27-09-2022 - 05:56 am
السلام عليكم
ممكن اعرف شلون طريقة ااجر سيارة في دبي وهل تنصحون فيها ولا لا ؟
وشنو الاسعار والسيارات الي ياجرونها وهل العداد مفتوح ؟
وثاني شي شنو في فنادق مو 5 نجوم بس اسعارها زينه وشرحه او حتى لو قريبه على البحر
امي مكان هادي ونظيف وشرح وما ييب الكآبه
جربت من قبل فندق ستي سنتر والبستان وجم فندق بالديره بس ابي فندق او شقق فندقيه فيها مكان نصفط فيه السياره من غير دوره وفراره
بسافر باجر بزيارة عمل جان زين تفيدوني الله يفيدكم
وشاكرلكم
ايجار سياره سهل للغايه اهم شي يكون عندك كردت كارد او تخلي الجواز عندهم
بعض المكاتب تطلب الاثنين جواز و كردتكارد
المكاتب متوفره في كل مكان
والي في المطار اغلى من بره بس يقدمون خدمه وهي انهم يعطونك سياره مأمنه يعني لو صار حادث لاقدر الله
بس دق عليهم ويجون ياخذون السياره ويعطونك سياره جديده
و اسعار السيارات الصغيره 4 سلندر مثل الكورلا وصني تتراوح من 80 الى 110 في اليوم
واهم شي العداد مفتوح مو مثل السعوديه يقولك 100 كيلو بس
تروح وترجع بالسلامه