ما اتوقع مبلغ عشرين الف ريال كافيه لكل شي
اذا كان سعر التذكره لايقل عن 3000 الاف
يعني الطيران 0600
السكن متوسط من 400 الى 500 ريال
المصروف اليومي من 100 الى 200 يورو
الشنقل يكلفكم مبلغ 1500 ريال
بالاضافه الى المواصلات سؤاء كانت سياره بحدود 2000 ريال
او استخدام المواصلات العامه

أحس المبلغ قليل
بس اذا حصلتي سكن وطيران بسعر مناسب يمكن في أمل
حاولي 10000 يكون للسكن والطيران والفيزا
والباقي للصرف هناك
ويفضل تأجير سيارة
انا ما عندي خبرة في المواصلات العامة الا المترو
وزيلامسي مافيها

ووين عشرين الف خميسن الف وفوق

لا اختي 20000 ريال ماتكفي
واكيد ماراح توصل 50000 ريال زي ماقال الاخ يابدون
انتي قبل شيكي التذاكر كم بتطلع وبعدين شوفي السكن بكم يطلع
لكن نصيحه اللي وده يسافر برا يحط في باله انه موكل شوي مسافر برا
يعني يحط ميزانيه كويسه يتمشى وهو مرتاح نفسيا ان الميزانيه بتكفيه وانه انبسط في السفره ولا خلى شي ماراح له
الله ييسرلكم اموركم اختي وان شاء الله تحصلين لكم عرض ممتاز تغيرون جو وتردون بلسلامه

اهم شي احجزوا السياره وهي ماتكلفكم اكثر من 2500 ريال
استغرب من اللي يقول اليوميه لشخصين 200 يورو
والله اتغدى واتعشى وادوج بسيارتي ماتوصل 80 يورو
انتم احسبوا السكن والسياره والتذاكر و10 الاف في اسبوع تكفي وزود

والله شكل البنيه ضاق خلقهاا من الردودكسرتوا مجاديفهاا

الله لا يكسر مجاديف احد اخوي
بس النصيحه واجبه لا بكره تسافر وتتوهق

6000 = تذاكر 4000 = فنادق على اعتبار ان الفندق ب 500 ريال باليوم
يبقى عشرة آلاف ريال يعني تقريبا 2000 يورو
لو قسمناها على أسبوع صارت اليومية 285 يورو باليوم
يعني معقولة ماتكفي !!!!!!!!!!!!!
اللي يقولون ماتكفي متأكدين إنها ماتكفي عشرة آلاف في أسبوع ؟!!!
على حسب ماقريت بالمنتدى إنها تكفي
ننتظر خبراء المنتدى يعلموننا

بعض اللي ردو
أتجهو على مضمون الموضوع من غير مايقراون العنوان
خاصة اللي قال خمسين ألف
الظاهر انه مسافر عن طريق مكتب سياحي واخذ منه المكتب
مايكفي لرحلة شهر كامل لأوربا
اعتقد أنها قالت أسبوع
ولو افترضنا التذاكر لشخصين
6 الاف ريال مثلا
والسكن بمعدل 700ريال بالليله
أي 7 الاف ريال كحد اعلى فنادق
والسياره يوميه سياره حليله ومضبوطه 7 أيام بافتراض انها تستخدم السياره بسالزبورغ وزيلامسي ويتم تسليمها لحظة الوصول لميونخ
يوميه ب200 ريال
ب1400 ريال المجموع
والأكل والتمشيه ب500 ريال باليوم مثلا
ب3500 ريال مجموع
وبنزين السياره
بيكلف عليهم 500 ريال
يعني وأنتم مرتاحين ومعكم سياره بتكفي 18 الف ريال
متعة السياره غير تروحون وين ماتبون
ارياف مزارع خطوط حلوه مافيه زحمه قرى صغيره متعه أستثنائيه ستتذكرونها لسنين وسنين
تخيو وأنتم ماشين شفتم هكالشلال أعجبكم بغيتو توقفون عنده
بحيره حبيتو منظرها تبغون تروحون لها
لن يحس بكلامي الا من عاش التجربه
والسياره ليست معجزه ولامستحيله
كل ماعليك أن تكتبو في قوقل
((شرح رجل شرقي لقيادة السياره في أوروبا ))
وحمل الملف وستجد السياره سهله جدا
نصيحه مني لاتكثرون المدن
وحرام خساير تذاكر ومسافه وطائره واخرتها 7 أيام
وش رايكم بهالجدول
زودوها 11 ليله
الوصول فيينا والعوده ميونخ
وخلوها ليلتين فيينا و ليلتين سالزبورغ و 5 ليالي زيلامسي وليلتين بميونخ
مجرد نصيحه
وزيدو الميزانيه ألى 25 ألف أحتياطا
وابتعدو عن فنادق خمس نجوم
وعليكم بالأربع نجوم
أبتعدو عن المطاعم العربيه فهم نصابين في السعر
عليكم بالطبخ وخاصة في أطول مدة أقامه لكم أقصد كابرون
لاتسكنون في زيلامسي
أسكنو في منطقه بجوارها أسمها كابرون وخذو لكم شقه او كوخ
ستجدون سعره أرخص من شقق جده او أبها
ومنها تغيرون ستايل الفنادق وتحسون انكم بشقه تمدون نظركم فيها واكثر خصوصيه لكم
بتحصلون شيء حلو ب400 ريال لليله بكابرون
أطبخو رز مكرونه بيض والأمور سهالات بتوفرون مبالغ كثيره بخصوص الاكل
الدجاج بتحصلونه ببقالة تركي مسلم بزيلامسي
حاولو أن تأخذون معظم الفنادق بالفطور((أقصد في فيينا وسالزبورغ وميونخ فقط) وكثرو من الفطور
بتلاحظون انكم ماراح تشتهون الغدا
واذا جا العصر خفايف مثل شيبس كراسون
واتركو الوجبه الرئيسيه عشا
من ماكدونادلز او من اي مطعم وجبات سريعه
أستئجار السياره شيء مهم
أبتعدو عن التكاسي
فمثلا مشوار من مطار فيينا الى فندق بوسط فيينا يكلف عليكم التاكسي 300 ريال
مع ان المسافه لاتتعدى 20 كم
أبتعدو عن التكاسي في أوروبا ألا للحاجه مثل من والى المطار فقط
أستخدمو الأندرقراوند بفيينا والسياره بسالزبورغ وزيلامسي
والباص والأندرقراوند بميونخ
هذه بعض النصائح لتخفيف الميزانيه دون المساس بمتعة الرحله
ودمتم سالمين