- شحالكم يالاخوان
السلام عليكم ورحمة الله
شحالكم يالاخوان
يا جماعه انا ناوي اسوي شهر العسل او اسبوع العسل في موريشيوس في شهر 11 واسئلتي كالتالي :
1- شو افضل فندق او منتجع تتوفر فيه بنغالو + حوض سباحه خاص .. او يتوفر بنغالو فيه (شاليه فوق ماء البحر ) .. بحيث يكون الفندق او المنتجع فخم وايد ومودرن و واسع يعني لو تكاسلت اطلع من المنتجع يغنيني عن الطلعه واقزرها مشي فالمنتجع + يكون قريب من الاماكن الطبيعيه مثل الشلالات و الانهار والبحيرات .. يعني ابغي طبيعه في طبيعه .. وحبذا لو قريب من المطار (( شكلي لازم انا اللي ابني منتجع بهالمواصفات ))
من جد شبابات وبناتات .. نصايحكم مهمه جدا .. بخصوص السعر ( مايهم اي سعر عادي ) بس المكان يستاهل
انا من قبل سرت سيشل وسكنت بالفورسيزن وكان ممتاز بصراحه .. يعني ياليت الفندق ما يقل عن مستواه وفنادق الهيل توب اللي فيه .. كان شي مميز وجديد
تقدرون تعطوني 3 منتجعات وانا اشوف شو افضلها بالنسبه لي
2- شو تتوقعون جو موريشيوس بعد علم رب العالمين في 11 - 11 - 2011 .. هذا تاريخ عرسي بس اتوقع السفر راح يكون بعده بيومين او 3 + هالفتره زحمه ولا كيف ؟
3- بختصار شديد شو افضل الاماكن الطبيعيه وهل تتوفر هناك ملاهي العاب ولا لا ؟؟ شغل مصنع الالماس والشاي والمتاحف ما اميل لهم وايد ( ابي طبيعه خلابه + تسوق + ملاهي )
4- كيف بخصوص النقل والتكاسي هناك .. وهل تتوفر عندكم ارقام سائقين ذوق وخلوقين وفاهمين البلاد والسياحه فيها باسعار معقوله ولا اسوي مثل كل سفره واعتمد على مواصلات الفندق وهي غاليه كالعاده ؟
5- شو فيه موريشيوس من شي مو موجود في سويسرا غير البحر ؟؟؟
ومشكورين وايد وايد سامحوني طولت عليكم بس تعودت منكم اني ما اسافر الا بعد الرجوع اليكم وهذا من عشمي فيكم يا اخواني الاعزاء .. ومب ضروروي تجاوبوني على كل الاسئله بس اجوبتكم مهمه جدا جدا
مشكورين مره ثانيه
اخوكم خريش في هادي
لا توجد وحدات مائية في موريشيوس
لا يوجد تسوق وملاهي في موريشيوس
توجد طبيعة و نشاطات مائية تتمركز في الجنوب و الشرق مذكورة في التقرير المثبت
التاكسي متوفر عند باب الفندق وبامانة كلهم ممتازين وامينين