هلا اختي وحياكم الله في دبي
بالنسبه للسفر بالسياره ماعندي فكره بس الشباب ماراح يقصرون معاك
والسكن اذا حابه في شارع الشيخ زايد صعب جدا تلقين بالسعر اللي ذكرتيه
شوفي مكاتب السياحه عندكم يمكن تلقين عروض سكن مناسبه وشيكي اسعارها في النت بعد ومن المواقع الجيده عندك موقع https://www.booking.com
بس ماذكرتي لنا متى تاريخ سفركم؟

1. وأعتقد ان الشحن بيطلع عليكم غالي وايد


2. شوفي مواقعهم عشان تعرفين الأسعار .. ماعدا السعودية لازم تتصلين فيهم


3. واعتقد بما ان الرحلة قصيرة وعلى الدرجة السياحية .. شوفوا الأرخص

1- لوحبينا نسافر بر بالسيارة من الدمام الى دبي افضل من الطياره من ناحية = ساعات السواقه وامان الطريق ولا في مشاكل لدخول سياره سعودية لدبي ، او نقدر نسافر بالطيران ونشحنها ونستلمها بدبي وماحيكون في ضرائب عليها خاصة اني سمعت في شوارع بدبي اذا مرت فيها السياره تدفع ضرائب ، ولو بنشحنها اي شركة افضل وكم الاسعار تقريباً ؟
السفر بالسيارة اعتقد بياخذ مابين 5 الى 7 ساعات حسب السرعة
وما اعتقد ان الطريق فيه اي مشاكل
ومافي مشاكل لدخول السيارة السعودية لدبي .. بس بالنسبة للضرائب .. هذا صحيح .. اسمها "سالك" .. كل ماتمر السيارة من البوابة اللإلكترونية راح يخصم 4 دراهم
أول ماتوصلون لازم تمرون على أي محطة بترول .. ومن هناك تشترون بطاقة سالك وتحطونها على الزجاج الأمامي للسيارة .. وتحطون فيها رصيد .. وكل ماتمرون يخصم 4 درهم من الرصيد .. واذا خلص الرصيد تعبونه مرة ثانية

وأعتقد ان الشحن بيطلع عليكم غالي وايد

• اذا حبينا نسافر بالطياره وتيسر شحن السياره او تم تأجير سياره بدبي اي افضل طيران وارخص انا بالنسبة لي ارشح الامارات وحابه سعر طيران الجزيرة وكالعاده لو طيران حطلع من البحرين الجاره الحبيبة فودي اعرف اخذ الارخص الجزيره ولا اللي متعودها عليها الامارات .

في شركات طيران كثيرة
العربية للطيران طيران الإمارات طيران الخليج طيران البحرين طيران الجزيرة الخطوط الجوية السعودية http://www.saudiairlines.com

شوفي مواقعهم عشان تعرفين الأسعار .. ماعدا السعودية لازم تتصلين فيهم

واعتقد بما ان الرحلة قصيرة وعلى الدرجة السياحية .. شوفوا الأرخص

• بالنسبة للسكن انا متعوده على فيرمونت وجي دبليو ماريوت بس الحين اسعارهم ولعت فوق 1000 ريال سعودي فتنصحوني فين اسكن انا بقعد 5 ايام فقط واحب اذكركم ان زوجي يخاف من الاماكن العالية انا ودي بفندق كشخه حلو ومرتب والاهم نظيف حوالي 400 الى 600 ريال الليله وموقعه قريب على سيتي سنتر و شارع الشيخ زايد والاهم من ذا كله سوق نايف الشعبي .

ممكن تلاقين بهالسعر فندق حلو ومرتب ونظيف .. بس مش كشخة .. يكون فندق عادي
شوفي المنتدى فيه وايد فنادق
وبخصوص الارتفاع .. ممكن تطلبون غرفة في الادوار السفلية

مشكورين ويعطيكم العافية . . . بس اهم سؤال كيف اشحن السيارة ؟

عن طريق شركات الشحن عندكم
دوري في الجرايد .. ممكن تلاقين اعلانات

السفر بالسيارة اعتقد بياخذ مابين 5 الى 7 ساعات حسب السرعة
وما اعتقد ان الطريق فيه اي مشاكل
ومافي مشاكل لدخول السيارة السعودية لدبي .. بس بالنسبة للضرائب .. هذا صحيح .. اسمها "سالك" .. كل ماتمر السيارة من البوابة اللإلكترونية راح يخصم 4 دراهم
أول ماتوصلون لازم تمرون على أي محطة بترول .. ومن هناك تشترون بطاقة سالك وتحطونها على الزجاج الأمامي للسيارة .. وتحطون فيها رصيد .. وكل ماتمرون يخصم 4 درهم من الرصيد .. واذا خلص الرصيد تعبونه مرة ثانية
وأعتقد ان الشحن بيطلع عليكم غالي وايد
أخي The Watcher انا اول مرة اسمع عن الضرائب
وانا راح ازور دبي أن شاءالله بالسيارة
ياليت تشرح لي اكثر عن الضرائب وسالك والبوابة الالكترونية وطريقتها
انا مو فاهم شي عنها بصراحة
سوف اكون لك شاكراً على تعاونك
تقبل تحياتي

سالك هي بوابة إلكترونية .. اذا مريت من تحتها يحسب عليك 4 دراهم
هالبوابة موجودة في أربع أماكن في دبي
جسر القرهود
جسر المكتوم
شارع الشيخ زايد - بجانب حديقة الصفا
شارع الشيخ زايد - بجانب مول الإمارات
ولمزيد من المعلومات
http://www.salik.ae/

ردي حيكون على جزئين
1- سالك البوابة الالكترونية
2- طريقة السفر بر او جو
1- سالك البوابة الالكترونية :
يخص السيارات التي تحمل لوحات اماراتية فقط اما حنا السعوديين فوسعي صدرش مري 100 مرة في اليوم من عند اماكن الرسوم ولا راح ينحسب ولا درهم واحد (( وهذا عن تجربة شخصية ))
2- طريقة السفر بر او جو
اذا كان عن طريق البر
فالمسافه كتالي :
من الدمام الى البطحاء حدودنا مع الامارات 450 كيلو تقريباً
من بعد الحدود الى دبي 500 كيلو
يعني اجمالي المسافه 950 كيلو وعليش حساب الوقت ((حسب سرعتكم))
الضرائب :
هناك تأمين للسيارة يدفع عند الحدود قيمته 100 ريال لعشر ايام او 200 ريال لمدة شهر
داخل دبي :
تأكدي من وجود موقف مجاني تابع للفندق لان دبي زحمة وماراح تلقون مكان توقفون فيه عند الفندق في الاغلب .
المواقف العامه يحسب عليكم مبلغ حسب عدد الساعات والتسعييرة موضحه على عداد الموقف
ملاحظة على المواقف
فيه فتره في اليوم يكون القوف مجاني واعتقد انها من الساعه 8 المساء الى 7 الصباح ولكن تاكدو من خلاال المعلومات المدونه على عداد الدراهم الى امام الموقف .
انتبهو توقفون في المواقف الى تكون مميزه عن غيرها بشخوط بيظاء لانها مخصصه للمعاقين
لاتستهينون بالانظمة تراى ماعندهم لعب ولا تساهل
اذا عن طريق الجو
ارخص طيران اين كان لان المسافه ماهي مستاهله كلها 50 دقيقة بالظبط انتو في مطار دبي
بالنسبة لشحن السياره :
ترى السالفه ماهي محتاجه كل هتعقيد على 5 ايام استأجرو سيارة اصرف لكم لان شحن السياره وحسب ما ذكرلي احد الاخوان تكلف 2000 ريال وانتي لوحسبتيها صح حيكون سعر اجار السيارة افضل
الحين اتفقنا انكم تأجرون سياره واحد واثق زود
اول ماتنزلون المطار تأجرون من مكاتب التأجير الي مالي المطار وكلها يم بعض
طبعا لازم يكون معاكم رخصه سارية المفعول
بطاقة فيزا عشان يحجزون عليها مبلغ واذكر انهم احجزو علي مبلغ 2000 ريال طبعاً هذا يعتبر تأمين ولا يقبلون الكاش
انتبهو
فيه نظاميين لتأجير اما ان تكون السيارة مؤمنة وهنا ياخذون 20 درهم زيادة كل يوم او تكون غيير مؤمنة وهنا بتكون ارخص
يعني اذا السياره غيير مؤمنة 120 درهم تكون المؤمنة ب 140 درهم
نصيحتي خذوها مؤمنه افضل عشان تفكون انفسكم من البلى في حالة حدوث حادث لاقدر الله
تأكدو من بنزين السيارة لحظة استلامه كم فيها من كمية وكم سجل عنده في الاوراق لانكم اذا جيتو ترجعون السيارة لازم يكون فيها بنزين بنفس الكمية الي استلمتوها فيه.
هذا كل ماعندي الان ومع السلامة واي طلب حنا في الخدمة والمعذرة على الاطاله

والله يالغالي ماتسوى تروح بسيارتك على اقل من اسبوع راح يكون تعب وارهاق واذا انت بالدمام ممكن تروح البحرين بسيارتك وتاخذ طيران الجزيرة الي مطار دبي اوفر واسرع وارخص
سعر التذكره مرجع مع الضرائب 40 دينار بحريني خلال الشهر القادم وعندهم رحلتين باليوم
وجهة نظر

The Watcher
مشكور اخي بارك الله فيك
ولكن هل تحسب على السيارات السعودية
لاحظت في رد الاخ rb2844 بارك الله فيك ان سالك لا يحسب عل السيارات السعودية
ارجوا التوضيح منك ومن الاخ rb2844
نعرف انا تعبناكم معنا ولكن اعذرونا
وتقبلوا تحياتي