1. بداية السلام عليكم ورحمة الله وبركاته


2. 2- أفضل وأرخص الخطوط الجوية (والأفضل تكون مباشرة الى اسبانيا)؟


3. جواب:


4. جواب:


5. أشياء ما طرحت


6. جواب :

بداية السلام عليكم ورحمة الله وبركاته

اولا فعلا اندهشت من هذا المنتدى اللي عرفته عن طريق صديق استخدم هذا المنتدى الرائع اللي صراحه ابهرني بكمال المشاركات وفائدتها وتفاعل الأعضاء فيها بشكل جدا حلو وفعلا افضل منتدى الى الآن رأيته يختص بأمور السفر: الله يعطيكم العافية والى الأمام.
وبما اني مدحتكم شوي ) فأنا فعلا احتاج مساعدتكم في ابداء رأيكم وخاصة للي راح لأسبانيا. وعذرا راح تكون المشاركة طويلة ولكن حبيت اعرضها في موضوع واحد عشان استفيد اكبر فائدة أفضل من اني كل شوي اطرح سؤال وبرضو اللي غيري يمكن راح يروحون اسبانيا راح يشوفون ان كمية المشاركات في موضوعي قليله ولكن فيها جميع المعلومات اللي ان شاء الله راح تفيدوني فيها.
(طريقة طرحي للموضوع راح تكون نقطتين وراح يكون فيها مجموعه من الاستفسارات اللي ان شاء الله راح تجاوبوني عليها وهاذي الاستفسارات ياليت تجاوبونها نقطه نقطه عشان ما اضيع واللي يقرا الموضوع ما يحتاس بحكم اسئلتي راح تكون كثيرة .بالنسبة للنقطة الاولى راح تكون معلومات عامة احتاجها عن اسبانيا وراح نحدد المدن الافضل خلال 11 يوم اللي راح اقضيها في اسبانيا ومنها نقدر نجاوب على النقطة الثانيه بحكم اننا اخترنا المدن ومو شرط تجاوبون كل الاستفسارات .جاوبوا اللي تعرفونه بس)
حبايبي حنا 3 شباب وراح نروح اسبانيا ان شاء الله لمده 11 يوم بعد عيد الفطر السنه هاذي 2010 . والحين ببدأ بسرد النقاط:
النقطة الأولى1- افضل المدن لزيارتها في 11 يوم اللي فيها وناسه شباب فيه اكشن وراح اقولكم على اللي ابيه بالضبط في النقطة الثانية.(وبعد تحديد المدن تقدرون تجاوبون على باقي النقاط) ؟
جواب:
2- حالة الجو في اسبانيا بعد عيد الفطر؟
جواب:
3- مدة الرحلة في الطائرة (المباشرة)؟
جواب:
4- العملة واللغة وهل يجيدون الانجليزية؟
جواب:
5- هل تنصحوني أقسم 11 يوم بين دولة اسبانيا وبين دولة قريبة منها مثل البرتغال او فرنسا او ايطاليا ولا كل 11 يوم احللها كلها في اسبانيا؟
جواب:
6-افضل اساليب التنقل وتكون متوفرة في اي لحظه ابي اروح فيها لمكان هل سواق خاص او تاكسي او مترو او باص سياحي ؟
جواب:
النقطة الثانية1- الفيزا وكم مدتها وماهي افضل طريقة لاستخراجها؟
جواب:

2- أفضل وأرخص الخطوط الجوية (والأفضل تكون مباشرة الى اسبانيا)؟

جواب:

3- أفضل وأجمل المنتجعات على البحر لو كنا مثلا في برشلونة (تكون شبابية ما يخيم عليها جو العائلة *حلوه يخيم**** يكون فيها أنشطة حلوة . نبي شئ خرافي) أو اذا ماكان فيها بحر مثلا كمدريد.ايش هي افضل واحلى الفنادق تكون فيها اشياء حلوه بعد؟

جواب:

4- الأماكن الحلوة اللي تستحق الزيارة يكون فيها اكشن (اتمنى واحد ينقز و يقول ياخي والله فهمت جوك:0z9rx يعني مثلا زيارة المعالم ومتاحف راح نقلل منها نبي مثلا اماكن قفز من أماكن مرتفعة و براشوت و غوص و بحر و مهرجانات و ملاهي فيها العاب شبابية و طبيعة ونبي برضو اماكن سينما؟
جواب:
5- المطاعم الحلوة طبعا الاكل فيها حلال؟
جواب:
6- أماكن شلالات وطبيعة وأماكن غريبة؟
جواب:
7- اذا كان هناك رحلات بحرية؟
جواب:
8- راح نحضر المباريات ان شاء الله فكيف طريقة حجز التذاكر؟
جواب:
9- رأيكم بجزر الكناري في اسبانيا؟
جواب:

أشياء ما طرحت

جواب :

وكذا انا الحين تقريبا اغلب الاسئلة اللي انا اريد اجابتها ومتاكد ان الكثير برضو يتمنون موضوع مثل هذا يشمل تقريبا جميع الأسئلة اللي في بالهم. وأذكر ياليت تجاوبون بالترتيب ولذلك تعمدت اني اضع كلمة جواب بعد كل سؤال. ولو فرضا واحد عنده معلومه انا ما سالت عنها يطرحها في اخر نقطة اللي هي (أشياء ما طرحت).
واخر نقطه ابيها اذا احد عنده برنامج يقدر يسويه لي اكون فعلا شاكر ومقدر وتكون مواصفات البرنامج زي ما قلنا فوق في المشاركة.
في النهاية اشكركم جزيل الشكر مقدما لاني فعلا حاس اني راح القا تفاعل في الموضوع هذا.
تقبلوا تحياتي
W7eed_aljazerah