نسيت اضيف انه مدة رحلتنا اهي 12 الى 14 يوم

اول شي ...
1- احنا مقررين نسافر بشهر ابريل هل الجو باورلاندوو حار :36_1_47: ولا زين؟
الجو أكيدة بيصير أحلى من الصيف ..... التوقيت ممتاز إنشاءالله
2- عقدتوني من مطار نيويورك وجني قريت في بعض المشاركات ان يصير ننزل بمطار ثاني جنه بواشنطن, شنو رايكم انتو؟ وتنصحوني باي خطوط وللعلم احنا منطلقين من البحرين
توكلي على الله و روحي مطار نيويورك ..... مافي إلا العافية ! إحنا لما رحنا أول مرة كان الغلط منا لان ما كان في وقت كافي بين الرحلتين ..... بس لما رحنا ثاني مرة الامور كانت طبيبعة و مريحة
3- شنو اخبار الامن والتجول بالليل في ولاية اورلاندو وباقي الولايات؟ :36_6_10: هل الوضع خطير ولا الوضع امان؟ يعني للساعه جم عادي نكون بالشوارع
أورلاندو منطقة آمنة جدا ..... و عموماً إنتوا بالليل أكيدة بتروحون مطعم أو بتكونون باحد الأماكن العامة مو المدعوسة ! إحنا كنا نرد من الباركات ( ديزني و اليونيفرسال ) الساعة 11 بالليل
4- بالنسبة للفنادق , عجبتني سلسلة فنادق الماريوت من جميع النواحي بس للاسف لمن قريت الشروط للحجز لقيت ان ممنوع فيها التدخين وللاسف زوجي مدخن وماعتقد انه بيرتاح بالمرة, هل في فنادق ثانية بنفس المستوى وافضل انها قريبة من جميع الثيم بارك نوعا ما وبشارع الانترناشيونال درايف على ماقريت انه الشارع الاكثر حيوية, اتمنى تكون اسعار الفنادق بحدود 100 و120 وانا بصراحة لمن سافرت الى ماليزيا وتايلند حجزنا عن طريق الانترنت وبالواقع كانت الفنادق غير فابي من تجربتكم الخاصة
إحنا دووم نحجز مع الماريوت .... بس اول مرة أسمع عن التدخين ..... بس أعتقد ما راح تلقين فندق مستوى زين بسعر 120 دولار ! .. عموما روحي إمباسي سويت سعره حوالي 170 دولار و هي عبارة عن جناح مو غرفة صغيرة
5- شنو سالفة الاشتراك مع الفنادق هل تنصحوني فيها ؟ وهل يرسلون لي بطاقة التخفيض للبيت ولا بس كود؟
شخصياً إحنا مشتركين بالماريوت و الشيراتون ..... بس ما شفت شي !! لازم تجمعين نقاط وايد عشان يعطونج خصم أو ليلة وحدة بلاش !!! أنا ما أشوفها وايد مفيدة إلا اذا كنتوا تسافرون وايد ..... و تستخدمون نفس سلسلة الفنادق .
6- ممكن تقولون لنا وين نروح وين نجي في اورلاندو وماحواليها بس بالسيارة مانبي طيارة واذا ممكن خبرونا كم ساعة يبي لنا ونوعية المكان اللي بتنصحونا يه يعني اهو طبيعة او متاحف والى مالاانهاية
روحوا ميامي أو ديتونا بيج ..... و إنتي بعد عملي Search و شوفوا الي يناسبكم اكثر
7- ممكن اعرف متوسط اجار السيارت :36_7_14: بالضرايب لليوم الواحد علشان اسوي ميزانتيتنا
حسب السيارة الي تبونها ..... روحي لموقع دولار و حددي الموقع الي راح تاخذون منه السيارة و جم يوم و نوعها .... و راح يعطونج السعر على أساسه 8-
ترى ميزانيتانا بدون التذاكر وبدون التسوق تقريبا 2000 دينار يعني 20000الف ريال سعودي
بالنسبة للميزانية 2000 دينار بحريني .... يعني شاملة شنو ؟ حددي لو سمحتي

مشكورةةةةةةةةةةةةةةةةةةة اختي لكجري ودايما منج نستفيد
بس ليش محد عبرني غير الاخت لكجري
هذا وانا كاتبه لكم لاهل الخبرة
اختي لكجري الميزانية هذي لمدة عشر ايام شاملة الفنادق واجار السيارة والاكل والدخول الى الاماكن الترفيهيه
يعني تقريبا 600 الى 700 فنادق ( طبعا ميزانية عشوائية لحد مانحدد الفندق)
اجار السيارة والبانزين تقريبا 300 دينار
الصرف اليومي للاكل تقريبا 400 دينار
تذاكر الاماكن الترفيهه تقريبا 500 دينار
شرايكم؟؟؟
وابي اسال شرايكم بفندق best western lake buena vista resort
واحنا اغلب الظن بنروح الماريوت

هلا إختي .... بالعكس إنتي إخت و عزيزة و اذا أحد من الإخوان و الأخوات مكن يفيدونج ..... أتمنى إنهم يشاركونا ببعض المعلومات و خبرتهم ..
الفندق على قولتهم ( مش بطال ) بس في فنادق ثانية أحلى و بنفس السعر تقريبا ً... أي ماريوت حاطة ببالج ؟ لأن في كذا ماريوت هناك
اعتقد إن ميزانيتكم لازم تزيد شويتين ..... ماراح تكفي

1. الشئ اللي بدفعينه + الضريبه يعني مع بعض

1-احنا مقررين نسافر بشهر ابريل هل الجو باورلاندوو حار ولا زين؟
ألجو وايد حلو في هذي الشهر
2- عقدتوني من مطار نيويورك وجني قريت في بعض المشاركات ان يصير ننزل بمطار ثاني جنه بواشنطن, شنو رايكم انتو؟ وتنصحوني باي خطوط وللعلم احنا منطلقين من البحرين
ما في شئ مطار نيويورك انا بعد عقدوني بس يوم رحت تري عادي ما في تفتيش انفرادي او أي شئ من اللي يقولونه تتطمني انا رحت علي الKLM
3- شنو اخبار الامن والتجول بالليل في ولاية اورلاندو وباقي الولايات؟ هل الوضع خطير ولا الوضع امان؟ يعني للساعه جم عادي نكون بالشوارع
علي فكره من احلي المناطق اورلاندوا وخصوصا اذا رايحين اول مره علي ديزني لاند تري اورلاندوا بوحها يبيلها 10 ايام الي 15 يوم يعني ما يمديج تروحين منطقه ثانيه لأن وايد فعاليات تسوينها هناك يعني يبيلج كل يوم في حديقه وبعدين لازم تزوريت الأسواق يبيلها يومين يعني وايد فعاليات فانا من رائي الشخصي انك تروحين بس اورلاندوا علشان تستانسين عدل والحذر واجب يعني لاتروحين اماكن مدعوسه يعني دايما مع العالم وتري ما يخوف المكان والشرطه دايما موجوده عندهم في الشوارع
4- بالنسبة للفنادق , عجبتني سلسلة فنادق الماريوت من جميع النواحي بس للاسف لمن قريت الشروط للحجز لقيت ان ممنوع فيها التدخين وللاسف زوجي مدخن وماعتقد انه بيرتاح بالمرة, هل في فنادق ثانية بنفس المستوى وافضل انها قريبة من جميع الثيم بارك نوعا ما وبشارع الانترناشيونال درايف على ماقريت انه الشارع الاكثر حيوية, اتمنى تكون اسعار الفنادق بحدود 100 و120 وانا بصراحة لمن سافرت الى ماليزيا وتايلند حجزنا عن طريق الانترنت وبالواقع كانت الفنادق غير فابي من تجربتكم الخاصة
الفنادق اللي عندهم نظافتها وايد زينه وتري في وايد فنادق اختاري اللي يعجبج وبس سوي حجز وبعدين اذا وصلتي تبين تغيرين تقدرين تقولين لهم وعادي يحاسبونك باليوم
6- ممكن تقولون لنا وين نروح وين نجي في اورلاندو وماحواليها بس بالسيارة مانبي طيارة واذا ممكن خبرونا كم ساعة يبي لنا ونوعية المكان اللي بتنصحونا يه يعني اهو طبيعة او متاحف والى مالاانهاية
ارجوا انك تقرين مواضع الأعضاء الصراحه كفوا ووفوا من الأماكن الجميله اللي موجوده في اورلاندوا يعني اهم الأماكن هي زيارة حدائق ديزني لاند وينوفيرسال استوديوا بتلاقين موضوع الأخ Impact موضوعه اكثر من رائع وبتستفدين منه لأن شارح بتفصيل الممل عن اورلاندوا https://artravelers.com/s/175
7- ممكن اعرف متوسط اجار السيارت بالضرايب لليوم الواحد علشان اسوي ميزانتيتنا
والله ما عرف باليوم بس دخلي علي موقع دولا ر http://www.dollar.com/
8- على طاري الضرايب شسالفتها هناك؟ هلى الدفع بكل مكان يعطونا اياه شامل الضرايب ولا السعر شي والدفع شي

الشئ اللي بدفعينه + الضريبه يعني مع بعض

ترى ميزانيتانا بدون التذاكر وبدون التسوق تقريبا 2000 دينار يعني 20000الف ريال سعودي
الميزانيه يبيلها زياده شوي لأن السكن واجار السياره يكون وايد غالي وحتي الأكل انت اول شئ حجزي حق السياره من المقع شوفي كم يطلع طبع في الموقع ما يذكرون مع الضريبه احنا طلع علينا لمدة عشرة ايام في اورلاندوا حولي 400 دينار بحريني السكن في اورلاندوا كان اليوم 100دولار يعني 1000 دولار في الأسبوع وكان الفندق جدا نظيف وراقي بس نسيت اسمه ان شاء الله بسال زوجي وبعدين اكتب لك اسمه
الأكل كنا نصرف في اليوم علي الأكل تقريبا 150 دولار تري نحب ناكل لأن تكون النفسيه مرتاحه فالأكل يزيد وطبعا عندي انا اطفال وماوديتهم معاي فكنت من اشوف شئ اشتري لهم
والله يعينج علي الصوغه بروخه يبيلها ميزانيه
واذا في أي استفسار ارجوا انج تكتبين وانا راح اجاوبج
اختك ام فهد من البحرين

شك را اختي لكجري على الاهتمام والمتابعة
وهم شك را اختي ام فهد بنت بلادي رايج صج كان وافي وكافي
يعطيكم الف عافية وبهالردود اعتقد اني راح ارتب الميزانية اكثر اتوقع ان لو زدناه الف أو الف وشويه راح تكون كافية ووافية
وانا ماقصرت قريت كل التقارير ابتدا من تقرير المبدعة لكجري وتقرير المفاجات للاخ امباكت وتقرير ام يوسف ام الكاكاو بعد وهم باقي الاعضاء

Loola888
اختي الغالية ام فهد
نورتي البوابة من جديد
ومن طول الغيبات جاب الغنايم ...
يسعدنا ويشرفنا مشاركاتك بمساعدة الاعضاء في استفساراتهم !!
ونتمنى ان لا تتركينا وان تكوني معنا بتقاريرك وتميزك

1. http://www.kayak.com/s/cars.jsp?searchid=FPihhmoSN3iXVTu$AVVm


2. http://www.hotwire.com/hotel/results.jsp?searchTokenId=4345581133

حياكي اختي loola888 ومبروك الزواج مقداما والله يتمملكم على خير ويرزقكم بالذريه الصالحه ان شاء الله....
اولا: بالنسبه للمطار فانصحك بمطار واشنطون دي سي بصراحه نيويورك سيء جدا جدا. انا اول ما جيت قبل سنتين جلسوني فيه 4 ساعات والكرسمس الي فات في شباب جلسوهم فيه نص ساعه وتانين جلسو فوق ال4 ساعات يعني انت وحظك اما واشنطن فالكل ينصح فيه انا الوالده كانت عندي في الكرسمس وجات عن طريقه وهي الله يحفظها ماتعرف انقليزي وجايبه معاها انواع الاكل ما جلست ولا نص ساعه بعد ما استلمت العفش الا وهي طالعه بدون مايفتشو الشنط ولا شي. هذا بالنسبه للجيه من البحرين اما بالنسبه للرحله الداخليه الى اورلاند فا شتروهااون لاين احسن وكل ما كانت المده اطول بين شراء التذكره وقت الرحله كل ما كان السعر ارخص وتلاقيها تقريبا ب140 دولار للشخص ذهاب وعوده من واشنطون دي سي وطول الرحلة تقريبا ساعتين وشوي اذا بدون توقف.
ثانيا بالنسبه للسياره فانا عملت بحث لمدت اسبوعين من 10-24 ابريل ولقيت ارخص شي هي سيارة
كيا ريو ب$222.59 هذا السعر شامل التاكس ورسوم الخدمه ولكن لايشمل التامين مع التامين (اختياري وليس الزامي بس نصيحه التامين ريحت بال والواحد مايدري وش يصير) على حسب الموقع طالع ب$167.86 يعني المجموع 390.27$ ما ادري كم دينار بصراحه وعلى فكره اذا كان زوجك عمرو تحت ال25 سنه راح ياخذو مبلغ زياده يا15 او 25 دولار في اليوم
وللبحث عن ايجار السياره انصحك بموقعKayak
موقع جدا رائع يبحثلك عن اسعار السيارات في جميع المواقع

http://www.kayak.com/s/cars.jsp?searchid=FPihhmoSN3iXVTu$AVVm

ثانيا: بالنسبه للفنادق اذا انكم بتستاجرو سياره فمكن انك تسكنو بعيد شوي عن ديزني او ينيفرسل استديو
على العموم انا عملت بحث لنفس المدة الي عملت فيها للسياره طلع الاسعار متفاوته فراح احطلك رابطين للموقعين الاول هو hotels وهذا انا مجربو شخصيا والي دايما احجز منو والتاني hotwire ما قد جربتو بس ينصحو فيه ناس جربوه. هذي الروابط والاول الفنادق مرتبه فيه حسب البعد عن الينيفرسل استوديو

http://www.hotwire.com/hotel/results.jsp?searchTokenId=4345581133

اما بالنسبه للاماكن في اورلاندو فالاخت Luxury_Traveller ماقصرت ماشاء الله في تقريرها عن اورلاندو والميزانيه فاعتقد انها ابخصبها بحكم انو انا طلعتها طلعت شباب والصرفيه تفرق عن العوائل وفي مدن تانيه جمب اورلاندو ممكن تزوريها زي دتونا بيتش وتامبا اما بالنسبه لميامي و كي وست فما انصح فيها لانو ميامي مدينه شبابيه جدا انا درست فيها 3 شهور ونقلت جوها روعه بس انو الاسبان فيها كتير ولا فيها ذيك الاماكن الكثيره المناسبه للعوائل الي حلو فيها هو الساوث بيتش بس الوضع زي ما قلتلك انا اشوف انو غير مناسب للعوائل اما بالنسبه للكي وست فتبعد عن اورلاندو تقريبا 7 ساعات سياره ويكثر فيها الشواذ( القيز) اكرمك الله
اتمنى انو اكون افدتك واي سؤال او استفسار انا في الخدمه......

بالنسبه للضرايب نسيت اقولك انو تحتفظي بالفواتير وبعدين هم يرجعولكم هيا بحكم انكم سياح فحاولو انو يكون الدفع غالبا بالكردت احسن بس كيف الطريقه ما ادري والله لانو انا طالب هنا وادفع زيي زي المقيمين هنا والتاكس في فلوريدا على ما اذكر انو 7%