عاشقة استراليا9
اخواني واخوتي عشاق السفر الى سويسرا .. لدي بعض الاسئلة اتمنى اجابتي عليها ولكم مني الدعاء باذن الله
سيكون السفر باذن الله من السعودية الى جنيف والعوده من باريس الى السعودية
مدة الأقامة بتكون 14 يوم من 1 اكتوبر 2011 الى 14 اكتوبر 2011
استفساراتي :
1- هل تاريخ السفر مناسب من ناحية الجو؟
مناسب جداً وسافرنا مرتين هالتاريخ
2- بالنسبة للسكن نبغى ثلاث مدن فقط .. (جنيف و زيوريخ و انترلاكن وباريس) .. هل نختار جنيف أو زيوريخ؟ وماهو أفضل خط سير بين هذه المدن؟
جنيف - انترلاكن - باريس
3- هل تنصحون باستئجار سيارة من مطار جنيف القسم الفرنسي ويصير تسليمها في مطار باريس وهل توجد ضريبة عند تسليمها؟ او يفضل السفر من سويسرا الى باريس بالقطار؟
في باريس ماتحتاجون سياره فاخذوا السياره من مطار جنيف وسلموها بعدين في المدينه ..ومن جنيف اخذوا القطار لين باريس ..
4- كم ضرائب السفر بالسيارة في طرق سويسرا مثلا
بين مدنها؟
مافي ضريبه
5- بكون معانا جهاز جي بي اس من السعودية هل بتكون السواقة سهله وواضحه وغير خطره؟
اسهل مما تتوقعون
6- زيارة باريس من اجل والت ديزني فقط هل الافضل السكن في فندق داخل والت ديزني وتكون مشمولة تذاكر الدخول؟ وكم سعر اليلتين بكون؟ وهل تستحق الزياره من اجلها؟
هل معاكم اطفال !
اذا معاكم اطفال اسكنوا هناك واذا لا اسكنوا في الشانز واخذوا المترو من الشانز لين ديزني والسعر ب 6 يورو للشخص
7- هل افضل طريقة لزيارة باقي مدن ومناطق سويسرا من انترلاكن؟ والرجوع بنفس اليوم!
هذي طريقتنا المفضله ..فيه كذا قريه من ضمنها مورين
8- هل توجد مناطق ريفية في سويسرا تستحق الزياره بدون السكن فيها؟
زيرمات
ارجوا اني ماثقلت عليكم بالاسئلة وللحديث بقية،
وعليكم السلام ورحمة الله وبركاته
هلا وغلا عاشقه
الاجابات فوق وان شاءالله قدرنا انفيدكم بشي
واي خدمه احنا في الخدمه

الله يجزاك خير اخوي القطري ..
1- اذا ضفت مدينة رابعة خارج سويسرا ايش تفضل اختار ميونيخ؟ او غيرها من ايطاليا او المانيا ؟ وكيف راح يكون سير الخط طبعا زي ماذكرت فوق الوصول جنيف والعوده باريس وزيارة انترلاكن..
2- زيارة والت ديزني بدون اطفال .. كم تبعد الشانز عن والت ديزني ؟؟ وكم سعر الفندق ليلتين تقريبا؟ وكم سعر دخول والت ديزني كاملة؟
3- هل القطار من جنيف الى منطقة الشانز؟؟ وكم سعر التذكرة لشخصين؟
4- اذا استئجرنا سيارة من مطار جنيف القسم الفرنسي .. نقدر نسلمها في مدينة جنيف؟ وهل فيها ضريبة؟
اتمنى الرد اخوي القطري وشكرا مره اخرى،

الله يجزي الجميع ان شاءالله
الأفضل مااتزيدون شي على اساس ايكون في نوع من الأستقرار ..
من انترلاكن ممكن اتزورون ميلانو وترجعون في نفس اليوم ..
بما انكم بدون اطفال الأفضل ماتسكنون هناك وبالمترو نص ساعه ب 6 يورو ..
وبدون اطفال بتخلصونها في يوم واحد ..
والقطار من جنيف الى باريس ( محطة قاردي نور ) وهذي قريبه من الشانز ..اتروحون بالتاكسي من المحطه لين الشانز
السياره اجروها من مطار جنيف القسم السويسري ..وسلموها في جنيف وبدون ضريبه
واي خدمه احنا في الخدمه

السلام عليكم
صورة من خرائط قوقل ماب توضح مسار الطرق بين مدن سويسرا

(A)
Geneva جنيف
(B)
Lausanne لوزان‏
(C)
Interlaken انترلاكن
(D)
Bern برن
(E)
Lucerne لوسرين
(F)
Lugano لوغانو
(G)
Zurich زيورخ
كما هو واضح لوزان الاقرب الى جنيف وممكن زيارتها من جنيف
وبعدين راح نتقل الى انترلاكن ومنها سوف نزور برن ولوسرين ولوغانو وزيورخ
بعض الاسئله لمسار ..
1- بالنسبة لجنيف بتكون الاقامة فيها يومين .. فاعند زيارة لوزان ممكن المرور عليها عند السفر الى انترلاكن ولا تستحق يوم كامل الذهاب اليها من جنيف والعوده الى جنيف
2- هل زيارة المدن التالية برن ولوسرين ولوغانو وزيوريخ وزيرمات من مدينة انترلاكن والعوده بنفس اليوم ممكن؟ ولا توجد بعض صعوبة في بعض منها ؟
3- هل تستحق انترلاكن الاقامة فيها لمدة اسبوع وزيارة ضواحيها؟
4- اذا توجد بعض المناطق لاتستحق الزياره ارجوا ذكرها
5- وايضا اذا توجد مناطق اخرى ممكن زيارتها من انترلاكن او جنيف ولم اذكرها ارجوا ذكر اسمها

الله يبارك فيك اخوي
على قولتك مراح نزيد ان شاء لله .. عندي اسئله بعد واسفه على كثرتها..
1- مدينة زيوريخ ممكن زيارتها من انترلاكن ولا افضل الاقامة فيها وكم المدة تستحق؟
2- نفكر نعكس خط السير يعني السعودية باريس .. جنيف السعودية .. مدة الاقامة في باريس ليلتين لزيارة والت ديزني وثم التوجهه الى جنيف .. هل اسهل لنا كذا؟ ولانه كمان من ناحية الطيران ارخص!

لاتتأسفين ..
من حقكم تسألون وواجب علينا انرد ..
سبحان الله !
كتبت في اول رود انه افضل لوا اتخلون السفر من السعوديه على باريس والعوده من جنيف ولكن بعدها حسيت انه تطفل مني وكمسحت الرد ..
زيوريخ مافيها الا شلال الراين ..الأفضل اتمرون عليها بس ..
والشور لكم
واي خدمه احنا في الخدمه

والله ماسجلنا وسئلنا الى نبغى مشورتكم وتوجهكم لنا.. ابشرك اخوي القطري تم الحجز من السعودية الى باريس والعوده من جنيف
عموما هل سعر ايجار السياره من باريس ارخص بكثير من جنيف؟ علشان يصير السفر فيها من باربس الى جنيف؟ ولا تفضل القطار!
لو استخدمنا السفر بالقطار من باريس الى جنيف .. بكون من محطة ( محطة قاردي نور ) وهذي قريبه من الشانز .. وين تنزلنا بجنيف؟ وهل يوجد مكتب قريب منها لاستئجار سيارة ؟؟ وهل الافضل حجز السيارة من الانترنت؟

اخوي القطري اتمنى اسمع رأيك وشكرا

السلام عليكم
ان شاء لله سوف نسافر في اكتوبر الى باريس من السعودية والعوده من جنيف ..
هل نحتاج فقط فيزا الفرنسية ونستطيع الدخول بها الى سويسرا؟ او لازم نستخرج الفيزا الاوروبية (الشنغن) ؟؟
ومن وين نستخرجها بااسرع وقت؟ وكم تكلفتها؟