وعليكم السلام ورحمة الله وبركاته
من ناحية الامان للاخوة السعوديين الحمدلله بشهاده الكثير منهم مافي مضايقات و المناطق المقترحه لك بانكوك - شنغماي - بوكيت - بانكوك واسعار الفنادق يعتمد على ميزانيتك ؟

هلا اخوي الحوسني يعطيك العافيه على ردك واهتمامك
طيب بروح زي ماقلت بس بانكوك مرور بس يمكن ليله وحده وبالرجعه ليله
الميزانيه تقريبا 9 الاف ريال من غير التذاكر
واشكرك على مرورك

هلا اخوي الحوسني اشكرك على مرورك واهتمامك
انا بروح زيماذكرت بانكوك- شنقماي - بوكيت
بس بانكوك ماراح اطول فيها بس مرور يوم بالروحه يوم بالرجعه
الميزانيه تقريبن 9 الاف ريال من غير التذاكر الدوليه
واشكركم على جهودكم

هلا اخوي ابوعبدالرحمن
الامان اكثر من ما تتخيل والسعوديين لم ينقطعو عن تايلند ارتاح واطمن
الجدول
4 ليالي شنقماي اول ماتوصل بانكوك تغير الطائرة على طول للشنقماي
5 في بوكيت و2 في بانكوك
الفنادق راجعها للميزانيتك ،،، خذ لفه على المنتدى واختار اللي تبيه واعرضها هينا والجميع راح يفيدك
تحياتي

دولي9 الله يعافيك ماقصرت كفيت ووفيت يالقرم
واعذروني على كثر الاسئله لاني ماقد جيته
اشكرك اخوي على اهتمامك

مافيه أي مضايقة أبد بالعكس أمن واحترام فوق ما تتخيل
أنصحك تطلع مباشرة على شنغماي تجلس 3 ليالي وتروح على بوكيت مباشرة على خطوط تايلند وإن ماحصلت عليها على اير آسيا عن طريق بانكوك تجلس 5 ليالي وبعد كذا بانكوك 3 ليالي . لأن أسواق بانكوك لاتعوض .
ميزانيتك 9000 ريال معقوله يعني يوميا حدود 818 ريال يوميا .
طيب بصراحه يبغالها اقتصاد حبتين عشان تقدر تستمتع بالرحلات وأنصحك توفر في السكن قد ماتقدر يعني تاخذ فنادق 3 نجوم وترى فنادق 3 نجوم بعضها حلو ومعقول والأهم إنها نظيفه. وبحدود 200 - 300 ريال .
هذا الصيف سكنت في شنغماي فندق والله نسيت اسمه لكن سعره 1700 بات نظيف جدا لكنه متواضع من ناحية الاستقبال وموقعه بعيد شويه عن نايت بازار . وفي بانكوك سكنت فندق اسمه رويال آيفوري بسعر 2200 بات برضه حليوه ونظيف . وفي بوكيت فندق رويال بلام بيتش بينه وبين الشاطئ شارع فقط . حلو لكن نظافته مش ولا بد سعره 1500 بات . لكن فيه فندق مره حلو اسمه باتونق بريمير روعه روعه بينه وبين الشاطئ 3 دقايق مشي لكنه نظيف جدا بحدود 2200 بات .
بالسلامه