أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا حديلك برنامج جميل بس انت اللي بتسنعوا حسب مزاجك وفلوسك نبدا تاتا تاتا طبعا عايز تركب لاسكندرية بتركب القطار من رمسيس التذكرة طبعا درجة اولي بحوالي 35 جنية والمسافة بقطعها القطار فيى ساعتين اذا كان التوربيني اما اذا كان المجري فهو في ساعتين ونصف حتوصل محطة سيدي جابر بالاسكندرية وتركب تاكسي ب10 جنية من المحطة وتروح على احد فنادق المنتزه لمدة ليلة واحدة حيث يمكنك ان ترتاح قليلا وتامن العائلة وتذهب تبحث عن شقة مفروشة في ميامي اورشدي ولن يستغرق بحثك طويل اسئل البوابين او احد السماسرة وفي عمارة نظيفة وجيدة بجانب الاكاديمية اسمها برج الاهرام هي مش على البحر بس العمارة ممتازة اذا لاقيت شقة فيها كويسة يبقي كويس وخصوص علشان فيها امن وموقعها كويس حيث انك ستجد المطاعم تحت العمارة زي ماكدونالد والشامي وحتلاقي جنبك كنتاكي وابوربيع بتاع الفول وابوفارس السوري طبعا انا بنصحش بالشقق اللي على البحر مباشرة لان معظمها قديمة واثاثها تعبان حتلاقي الشقة في الصيف غالية شوية يعني 150 - 200 جنية في اليوم والاسعار حسب النظافة والاثاث وموقع العمارة وفي ستمبر يعنى ب100 جنية اليوم في الشتا ارخص بتحجز 5ايام مثلا قابلة للتجديد علشان اذا معجبتكش تقدر بعد كدة تغيرها السمسار باخد حوالي 50 جنية بالكتير وممكن تحجز شقة عن طريق الانترنت في مواقع كتير بديلق الموقع من عندي http://www.alex4all.com/cat/links/a.../sister_cities/ بس انا حاقولك على المطاعم اللي جربتها زي بيتز هات طبعا ليها فرع في رشدي يعني لشخصين عايز 70 جنية بالكتير وزي فقيه الطازج جنب بيز هات والوجبة لشخين في حدود 55 جنية وفية قرية بلبع مشاوي في شارع الملك حفني بسيدي بشرالوجبة لشخين برضوة حدود 70 او 80 جنية اذا كنت حتطلب وتاكل اكيل يعني وشامي وابو فارس ودول اسعرهم متقاربة لشخصين يعني حسب من 50 الى 80 جنيةعايز تاكل سمك عندك قدورة وابواشرف ببحري الوجبة حتكون لشخين حوالي 120 جنية اذا كنت بتحب السمك التاكسي من ميامي او المندرة لغاية الرمل او المنشية من 8الي 10 جنية بكتير لازم تروح مكتبة الاسكندرية بتفتح الساعة 11 صباح حتى 7 مساء التذكرة للمصي 2جنية وللاجنبي 4 جنية ده بالنهار وبلليل على فين على جرين بلاز بسموحة تاكسي رايح فين يا باشا سموحة فين في سموحة جرين بلازه تديلوه من 7 الى 10 جنية اذا كنت نواحي ميامى او المنتزة اذا كنت في رشدي 5 جنية بالكتيرهناك حتلاقي كل حاجة تسوق قهاوي مطاعم حلويات سينمات سوبر ماركت طيب انا زهقت اروح فين في عندك حدائق المنتزه طيب بلاش طيب روح على كارفور يعنى التاكسي عايزلوا 15 جنية مش مشكلة بس اللي يعرف كارفور وشافوا في الامارات يجي يقارن طبعا مفيش مقارنة بس حلو عايز اتمشى عل الكورنيش واقعد على البحر اشرب شيشة واسرح واعمل نفسي رومانسي بس عندك خد بالك معظمهم اللي على المياه نصبين شوف سعر الطلبات والقاعدة قبل متحاسب بلاش يضحكوا عيك ياباشا اما القهوي اللي على الكورنيش في كويسه يعني عايز انت والمدام حوالي 7 الى عشرة جنية بالشيشة بتعتك طبعا طبعا لازم تروح محطة الرمل وتتمشي في شارع سعد زغلول وشارع صفية زغلول وتروح المنشية وزنقة الستات اذا معاك اولاد بلاش زنقة الزتات على شان متزنقش طبعا في قهاوي جميله عل البحر وبعدين في عندك الابرهيمية بتروح تتسوق وتتفرج انت والمدام يمكن تشترولك قميص ولا منديل للمدام وبعدين عندك زهران مول في سموحة وبدين يعني اقلك روح على حلقة السمك اشترك شوية جمبري( ربيان) ووقار (هامور) وسلطان ابراهيم وخليهم ينظفوهملك وحتلاقيهم اطعم من اللي في الخليج ومتشتريش على طول لف ثلات مرات اربعة علشان حتلاقي الاسعار في كل مرة نزلت وخلى المدام تغذيك والاولاد يعيشو اصل اقولك حاجة السمك واللحمة ليه طعم تاني في اسكنتدرية بعدين اوعى تنسي تزور عمك ابو شقرة ليه فرع في جرين بلازا وفرع في لوران عل البحر ومش غالي يعنى ليكو لنتو التنين 70 جنية اذا مستغفلكش مشاوي ممتازة عايز اكل حلو ياعم روح على ديليس في محطة الرمل مش حتلاقي زيوه دور السينما عثمان جروب مترو ريسينانس 6صفية زغلول 4870432 سموحه مول 9/ 4245897 سموحه ت : 4240866 4240844 سينما ريالتو سينما رويال 3شارع صفية زغلول ت : 4864694 2طريق الحرية ت : 4866329 سينما أمير سينما مترو 1طريق الحرية ت : 3927693 26 شارع صفية زغلول ت : 3927693 سينما راديو سينما ريو 2ميدان سعد زغلول ت : 4870432 31 طريق الحرية ت : 4870282 مسرح سيد درويش مسرح قصر ثقافة الأنفوشي 2طريق الحرية ت : 4865106 الأنفوشي 4804805 مسرح محمد عبد الوهاب مسرح السلام طريق 26 يوليو محطة الرمل ت : 4863637 طريق الجيش مصطفى كامل ت : 5426543 مسرح العرائس مسرح جلال الشرقاوي طريق الجيش مصطفى كامل ت : 5474550 قصر المنتزه ت : 547455 مسرح بيرم التونسي طريق الجيش الشاطبي
تحياتي