حياك الله أخي الكريم , وأيامك أسعد يارب ..
الحمد لله السلامة والله ييسر لكم رحلتكم القادمة على خير ..
الأفضل تذكر لنا جدولك السابق عشان ما يتكرر في الجدول الجديد
وأيضا ماهي الفنادق اللي سكنتوها
والأهم ماهي درجة الفنادق اللي تفضلها , فنادق 5 نجوم أو اقتصادية ؟؟
وأقترح عليك مبدئيا الجدول التالي وهو مريح جدا حسب طلبك ..
ليلتين .. سيلانجور
6 ليالي .. لنكاوي
4 ليالي .. بينانغ
4 ليالي .. كوالا
وأشوف 6 ليالي كثيرة على لنكاوي ولكن بما انك قريب عهد بماليزيا أكيد اخترت عن قناعة
موفق بإذن الله ..
أختك .. شموخ

هلا بك اخوي نورت الموضوع
اخوي انا بالنسبة لي نفسي اخلي جدول الجديد كله للاستمتاع بالجو والطبيعة والفنادق ياليت 5 نجوم و 4 لاني مثل ما قلت اول ما احب الاسواق لعشان كذا ابغا اخلي لنكاوي 6 ايام وكوالا بصراحة كثير عليها اربعه ايام الا اذا كان الفندق يحمس ويشجع على الجلوس يعني فيه طبيعة وكذا
في سيلانجور سكنت في صن واي لاقون
ورحت الشلالات والينابيع الساخنة وبعض الاسواق
في لنكاوي سكنت في لنكاوي لاقون ورحت القرية الشرقية والتلفريك ورحلة المانجروف
بينانج : سكنت في قولدن ساندس ورحت الهضبة بالقطار وحديقة الفراشات وحديقة الطيور
كوالا : سكنت في امبيانا بس مره ما اعجبتني العاصمة مافيها غير اسواق وانا بصراحة ما احب الاسواق

إذا حاب تغير البرنامج وتخليه يميل للهدوء والطبيعة أكثر ممكن تخليه بالشكل التالي ..
3 سيلانجور .. 6 لنكاوي .. 3 كاميرون هايلاندز .. 4 كوالا ( ومنها يوم لجنتنغ هايلاندز ) ..
بالإضافة إلى البرنامج المقترح في البداية وانت اختار بينهما ..
سيلانجور .. فندق صن واي لاقون ( فلة خاصة ) أو إذا الميزانية ما تسمح خذ البيراميد ..
لنكاوي .. أول 3 أيام في الوستن أو بيلانجي بيتش
وأخر 3 أيام في ذا اندمان أو ذا دانا ( وأنصحك لنكاوي لا تستخسر في فنادقها )
بينانغ .. فندق الراسا ساينغ أو بارك رويال ( رغم اني ما أفضله ) لكن عموما
فنادق بينانغ ليست بجمال فنادق لنكاوي وفخامتها
أو كاميرون هايلاندز .. فندق كاميرون هايلاندز ( 5 نجوم ) أو اكواتيريال ( 4 نجوم ) ..
كوالا .. أنصحك بفندق تريدرز الساحر فهو أجمل وأمتع فندق في كوالا بإطلالته الساحرة على البرجين والحديقة الرائعة ..
موفق بإذن الله ..

طيب اخوي شموخ عتيبة بالنسبة لحجز الفلل الخاصة في صن واي قون ماني محصلها في موقع بوكينق ابداا من الصباح ادورها وما خليت طريقة

وايضا بالنسبة كاميرون هايلاندز اين تقع هذه هل هي مدينة او جزيرة لاني اول مره اسمع فيها

دامك رحت لماليزيا قبل كذا وقريب كمان ليه تروحلها مره ثانيه اصلا؟!
نصيحه بما انك قد زرتها وناوي تسافر مره ثانيه وبتخسر وتتكلف روح دوله ثانيه

ياهلا أخي الكريم وعذرا عالتأخير ..
بالنسبة للصن واي , أكيد بتلاقي الفلل وجميع أنواع الغرف بمواصفاتها وأسعارها في موقعهم الرسمي ..
وبالنسبة للكاميرون هايلاندز .. كما هو واضح من اسمها بأنها مرتفعات وتشتهر بطبيعتها الخلابة
ومزارع الشاي الشهيرة وجوها بارد وضباب وهي منطقة ريفية بسيطة ومافيها نشاطات كثيرة ومولات
فقط طبيعة وجو عليل وهدوء ويوجد بها بعض الأسواق التي تقضي احتياجاتك فقط ..
وتقدر تروح لها من كوالا أو بينانغ وتبعد عن كل منهما حوالي ( 4 ساعات ونصف )
في طريق ( جبلي ) ولكن جمال الطبيعة تنسيك تعب الطريق ..
وأي سؤال حاضرين أخي الكريم ..

ما شاء الله اخوي عتيبه بصراحة شئ يشجع بصراحة
بس اتمنى تستحملني في استفساري هذا
طيب الان انا بروح بينانج ومنها باخذ تاكسي الى الكاميرون وبجلس اربع او ثلاث ايام في الكاميرون ثم اخذ تاكسي من الكاميرون الى كوالا هل يوجد خوف من التكاسي ن اربع ساعات كثير وكم ياخذ التاكسي اللي يوصلني للكاميرون وهل تتوفر تكاسي في الكاميرون توصلني لكوالا والا يرفضون نها بعيده وعلى قولك منطقة ريفية

أبد ولا يهمك حاضرين ..
طيب ممكن تكتب لي الجدول اللي استقريت عليه لاهنت عشان أرتبه لك ؟؟
ثانيا .. الكاميرون كثير عليها 4 ليالي راح تمل اكيد مهما كنت من عشاق الطبيعة والهدوء ..
وأفضل مدة لها ( ليلتين ) لكن اقترحت عليك 3 لأنك تبغى هدوء واستجمام اكثر ..