بخصوص المكاتب لم أتعامل معها ابدا وإذا كنت مستعد تدفع مابين 500 ريال إلى 2000 لأمور يمكنك إعدادها بنفسك فهذا شئ راجع لك وترى حجز المعهد سهل جدا
أبتعد عن الخطوط الأماراتية لأنها مهما قالوا لك راح يمروا بأستراليا ومع الأسف موظفيهم عادة لا يعترفون بهذا الشئ (هو توقف للتزويد بالوقود أو شئ من هذا القبيل)
عندك
الخطوط الماليزية ممتازة
والخطوط السنغافورية
والكاثي بيسفيك
وبرناوي
أما بالنسبة لتكاليف الدراسة لمدة شهرين لا أستطيع أن أحدد لك بالضبط لأختلاف الأسعار على حسب الأماكن والمعاهد
لكن توقع تكون التكلفة مابين 4,500 دولار نيوزلاندي إلى 7,500 تقريبا
وأنصحك تقوي لغتك هنا أول شئ قبل لاتروح.

مشكلة المكاتب مو في ال 500 ريال اللي راح تعطيهم ..!! المشكلة
إنك راح تكون مجبور على المعهد اللي هم مختارينه لأنك تكون دفعت
الفلوس لهم . وبالتالي ما عاد تقدر تغيّر .
مثلا ً في كراست تشيرج الشرق آسيويين هذولا يلفّون على المعاهد ويطلبون
يوم دراسة تجربة .. في كل معهد يدرسون يوم ويشوفون أحسن معهد ناسبهم
إضافة إلى أن السعر اللي بيحجز لك فيه المكتب اللي بالسعودية أغلى من السعر العادي .
واذا بتحجز من المعهد نفسه برضوا كويس لكن اذا تعرف مكاتب هناك من عندهم أحسن
فيه مكتب أتذكر في كراست تشيرج كان يحجز لك المعهد ب 280 في الأسبوع
بينما المعهد نفسه يحجز لك ب 300 دولار , وهالكلام قديم ما أدري هل لا زال موجود أو لا ..!!
نصيحتي بشكل مختصر :
إذا أنت خايف على نفسك بأي شكل ولغتك ضعيفة , أنصحك تشتري راحتك
وتحجز من هنا .. وأنصحك تحجز أسبوعين أو ثلاثة فقط واذا رحت هناك إسأل
وتعرف على المعاهد المجاورة والسعوديين ما يقصرون بيدلونك وغيّر من هناك
إن شاء الله مشاركتي كانت مفيدة لك , والله يوفقك

اخي خذ نصيحتي
اذا كنت راح تطلع نيوزلندا بدون فيزا سايح.. تقدر تروح بنفسك واذا وصلت هناك تشوف بنفسك
وتحكم على المعاهد افضل من انك تاخذ مكتب ويجيب لك قبول بمعهد مايعجبك
واغلبيتهم حراميه.. اما اذا انك بتطلع فيزا دراسيه فافضل انك تاخذ معهد شهر فقط احجز معهد لمده شهر
علشان اذا رحت شفته اوكيه تكمل معهم اذا مو تمام تنقل منه

اذا تبي قبول في معهد ممتاز ومدينه كل السعوديين الي فيها بيرجعون وقت الدراسه الا اثنين في المعهد الي مقابلك
انا ارسل لك القبول
واعطيك بيان الاسعار
واجيب لك هومستي حلو
واضبط وضعك
انا مسار بعد اسبوعين للسعوديه
اذا تبي رد بسرعه
لاتنسى تدعيلي

mito
أنا أبي ياميتو ,,
أبي معهد في قرية بالجزيرة الشمالية وأهم شي خارج أوكلاند ويفضل في روتوروا أو تورنقا .
أوكلاند درست فيها قبل رمضان ودرست في معهد لانقوج إنترنشنل وبصراحة المعهد كويس لكن فيه عرب بحكم أنه معتمد في الملحقية الثقافية ,,
وأنا يكون في علمك أني أدرس على حسابي لذلك لا أبحث عن معهد يكون معتمد عند الملحقية لجل الأبتعاث .
أنتظر تجاوبك ,, وإن شاء الله نتخاوى بعد سوا

أخوي نصيحتي لك أنت راسل المعهد والله يخلي مترجم قوقل