وعليكم السلام ورحمة الله وبركاته
حياكي الله إختي الكريمه في مدينتك الثانيه الرياض وبتنور السعوديه بقدومكم
بالنسبه لأفخم الفنادق في منطقة العليا هي كالتالي ولك الخيار
1- فندق برج الفيصليه 5 نجوم
2-فندق برج المملكه 5 نجوم
3- كورال السليمانيه 4 نجوم
4- نوفتيل 4 نجوم ويقع في برج العنود
5- فندق التنفيذين 3 نجوم
6-شقق الطيار السياحيه 3 نجوم
مع العلم انه يقع على شارع العليا الكثير من الفنادق ولكني لم أزرها لأبدي رأيي بها مثل ( الهولدي إن - توليب إن - المثنى - مينا - الأندلسيه -الإنتر كونتيننتال .....والكثير الكثير وأي استفسار أنا حاضر

انا ابي شقق فندقيه بس جدا راقيه ونظيفه

اختي العزيزه اغلب الشقق والفنادق الي في منطقة العليا راقيه ونظيفه بس انتي اتصلي عليهم وشوفي إذا فيه حجز لأن الإسبوع القادم يوم الأربعاء تبدأ الإجازه وأكيد حتكون فل

شقق بودل تعتبر من أفضل الشقق المفروشة والمتميزة الي بدأت تنتشر في السنوات الأخيرة وهذا موقعهم
http://www.boudl.com.sa/en/
تمنياتي لكم باقامة سعيدة....وحياكم الله...

اختي
ان شاء الله توصلين بسلامه
ولا تشيلين هم السكن في الرياض
صدقيني بتحصلين اللي تبينه وبراحه تامه وخاصه في شمال الرياض
دعاوتي لكِ بقضاء وقتآ ممتعآ في مدينه الرياض انتي وافراد عائلتك الكريمه

مشكورين وماقصرتوا والله انا لقيت بشقق بودل الفيصليه مستواه زين وشكله نظيف وإن شاء الله يعجبنا...
جزاكم الله خير والله يبيض وجيهكم ياهل الرياض

هلابك
عندك رويال العليا على شارع العليا
السويت 600 ريال
نظيف وحليو
هذا موقعه
http://www.royal-me.com/
او شقق بودل
بس انتبهي تدورين فرع جديد لان له فرووع كثير منتشرة بعضها قديمه ومتهالكه وبعضها جديدة ورائعه

mutargm
ارجوكم البودل لالالا ولا الخليوي الصور اللي في السايت تختلف 100 درجة عن الحقيقة المرة سكن كئيب وقديم
الطيار او الحمراء سويتس في العليا وبس مافي غيرها اسأل مجرب

احلى صباح
والله
انا شفت الصور الي بالموقع وعجبني بودل الفيصليه معقولة الصور غير ؟؟؟
طيب شسوي والحمرا والطيار شلون اعرف مستواهم ويقولون عن شقق اسمها الفهد كيف مستواها؟؟؟
ياريت تنصحوني