السلام عليكم ورحمة من الله وببركاته
احب ارحب بكل مرتادي بوابة المغرب ومحبين المغرب الكرام
كيداير .. ؟ لاباس عليكم ؟
توني واصل من المغرب وكلي شوق للرجعة لها
عن جد هالبلد ساحره بطيبة اهلها وجوها الروعه تخليك ترجع لها غصب عنك
وبودي اني اطرح تجربتي بالمغرب في البوابة للاستفاده من الاخوان الموجودين وخصوص الذين لم يسبق لهم الذهاب للمغرب
كانت اقامتي موزعه بالشكل التالي :
يومين بكازا - 4 ايام بمراكش الحمراء - اليوم الاخير بكازا
السفر كان عن طريق طيران الاتحاد وحاليا ما انصح تسافر عن طريقه اذا كانت رحلتك قصيره الا بطريقه واحده
في حالة انك بالمنطقة الشرقية بالسعوديه اطلع عن طريق طيران الاتحاد من البحرين في رحلة الصباح الساعة 10 , لان لو طلعت عن طريق الدمام راح تنتظر في مطار ابوظبي 13 ساعة
تطلع من الدمام الساعة 11 بالليل وراح تمشي من ابوظبي الساعة 2 الظهر يوم ثاني
وانتبه من نقطة اذا جيت تحجز عن طريق الدمام انك ماتاخذ lima class لانهم مايعطونك سكن هناك
يعني تخيل راح تجلس 13 ساعه بالمطار ولا عندهم فيك ( هذا اذا كنت لوحدك )
اذا كنتوا اكثر من واحد انصحكم تاخذوا lima class وتحجزوا السكن براحتكم في ابو ظبي
التذكرة قيمتها 2180 ريال على lima class واذا كنت تبي تاخذ الدرجة اللي يعطونك معها سكن تدفع فرق 400 ريال
احنا كنا اثنين فحجزنا فندق في ابوظبي قيمته 330 ريال في فندق اسمه روتانا والتاكسي كلفنا ذهاب وعوده 120 درهم اماراتي
يعني تقريبا وفرنا تقريبا 350 ريال واذا كنتوا اكثر راح توفرون اكثر
وصلت لكازا بتاريخ 27/4/2007 الساعة 8 بالليل
طبعا بالنسبه لمعاناة الجميع الا وهي الاكراميات في المطار
نشبنا لهم انا وخويي كل ماجينا عند واحد جلس يتفلسف ونرد عليه بان الى الان ماصرفنا
الى ان وصلنا الى العفش وانتبهوا ياشباب بيجونك ناس يطلبوا منك مساعدة في حمل العفش وتراهم بيقصون ظهرك لو وافقت انت خذ عفشك بنفسك واذا كنت لوحدك واغراضك كثيره ماهو مشكلة مشيها بس الله يعيينك
وتوجهنا للجمرك
طبعا الوحيد اللي ماطلب مننا شي هو موظف الجمارك طحنا في رجال كبير والحمد لله حتى الشنط مافحتها
توجهنا الى خارج المطار وطبعا هناك راح تجد عند البوابة ناس تسألك اذا كنت تبي تاكسي لاتعطيه وجه
كمل الى خارج المطار ولاتستعجل
التسعيره مكتوبه 230 درهم
طبعا اول كانت 200 درهم الكل بيقولك 250 او 260 طبعا انت التزم باللي مكتوب باللوحه وهو 230 درهم
اخذنا التاكسي وعلى طول على وسط كازا
وسكنا في فندق كازبلانكا بلازا ( الهوليدي ان سابقا )
بصراحه فندق حلو بالمره وموقعه ممتاز في وسط البلد وكل شي قريب منك
قضينا اليومين وتوجهنا الى محطة القطار طبعا فيه اثنتين بكازا اللي هي الوزيز والثانية المسافرون
نصحنا موظف الريسبشن اننا نطلع عن طريق محطة المسافرون لانها اقرب على شان صاحب التاكسي لا يضربك بالسعر
قيمة التذكرة الى مراكش درجة اولى ( 125 درهم )
للاسف الكاميرا ضاعت علي والحمد لله ان كنت مصور بالموبايل ويعني جبت كم صورة لكم من طريق مراكش اللي كان في قمة الجمال
وفيه مناظر روعه لكنها راحت علي مع الكاميرا
طبعا هذا اللي طلع بيدي وجبته لكم
وصلنا الى مراكش وكانت مليانه عن بكرة ابيها سياح اجانب من كل انحاء العالم من اسيا واوروبا وامريكا
حصلنا سكن متواضع وهو فندق اقدال ( هذا اللي كان متوفر في ذاك الوقت ) الفندق نظيف ولكن غرفه صغيره ولايوجد ثلاجه بالغرفه
تكلفة السكن 518 درهم اول يوم والايام الباقية كانت ب 416 درهم
لكن كانت الخدمه في الفندق خدمة فنادق 5 نجوم عن جد اطلب تجد ويشلونك شيل
ويميز الفندق موقعه الرائع كلها 3 دقائق مشي وتلاقي نفسك في شارع محمد السادس ( فرنسا سابقا )
بتلاقي المطاعم حولك والمقاهي
ولايفوتكم شباب تطلبوا على الفطور ( خليع ) عباره عن لحم مجفف وبيض اكلة قمه في الروعه
ويجيك معها عصير برتقال , واتاي ( شاي مغربي )
طبعا اهم حاجه تعملها في مراكش الحمراء انك تاخذ الحافله السياحية قيمتها 140 درهم ومدتها 24 ساعه
تلف فيك الاماكن السياحيه كلها
طبعا انت اذا نزلت في مكان معين خذ راحتك ولف واذا خلصت اطلع على الشارع وانتظر الحافله اللي بعدها تجي وتوديك الموقع الي بعده
طبعا اهم الاماكن اللي بتوديك لها الحافله حدائق ماجوريل ( وما ادراك بحدائق ماجوريل ) قمة في الجمال
جلسنا فيها ساعتين ولا ودنا نطلع منها
وايضا من الاماكن الحلوه الا وهي ساحة جامع الفنا
مكان روعه تلاقي فيه فرق شعبيه تعزف وايضا سوق شعبي بجواره وايضا لاتفوتك المطاعم المفتوحه الموجوده راح تلاقي فيها ماطاب ولذ من الاكلات الشعبيه المغربيه
وطبعا لايفوتكم احلى عصير برتقال شربته في حياتي
الكاس ب 3 دراهم
طبعا افضل طريقة للحصول على الاماكن السياحيه في مراكش انك تسأل الفندق
بالنسبه لفندق اقدال عطانا خريطه واشر على اهم الاماكن السياحية وايضا عطانا كتيب عنها
وايضا رتب لنا امور الحافلات السياحيه واللي تبدأ رحلاتها الساعة 9 الصباحطبعا بكذا تقريبا لحصت لكم اهم الامور اللي حصلت
الان احب اعطي بعض الملاحظات اللي لاحظتها على المغرب
البلد نوعا ما غالي جدا

• غلاء عجيب فيها يعني تتغدى غدا بسيط يكلفك مايقارب 70 الى 100 ريال للشخص الواحد
• بالنسبه للمطاعم قبل لاتطلب شوف طلبك كم يكلفك واذا خلصت اكل اطلب الفاتورة وقارن

لانها حصلت لي مره واخذ اكثر من حقه 50 درهم وبعدها صرت ادقق معهم
ايضا اذا خلصت لاتنسى الاكراميه يعني 10 الى 15 درهم بتكون كفاية اذا حبيت تخدم صح
صارت لنا مره ان فطرنا في مقهى ممتاز وخويي نسى عن يعطييهم اكراميه وفي اليوم اللي بعده رفضوا ان يخدمونا
يعني الوضع طبيعي انك تعطي الاكراميه .

• الاوضاع الامنية :

بالنسبه لكازا جيده جدا لاكن الشرطة احيانا يتفلسفون عليك خلك لطيف معهم وهو راح يتركك اذا كنت ماشي في السليم
بالنسبه لمراكش :
ولا احد حولك اوضاع امنيه جدا ممتازه ولا صادفتني اي مضايقات من احد ( عيبها المتسوليين كثير ) وخصوصا في ساحة جامع الفنا
مراكش مدينة هادئة واحس انها مهضوم حقها في البوابة
اخيرا اتمنى اني افدت في هذا التقرير المختصر وكنت اتمنى ارفق الكثير من الصور ولكن للاسف
اي استفسارات انا حاضر