PINK ANGEL
14-05-2022 - 10:55 am
السلام عليكم اخواني واخواتي
أنا رايحه للمرة الأولى لسويسرا والنمسا وماعرفت ارتب لامده ولاخط سير
وودي اشوف اكبر قدر من الاماكن وبنفس الوقت مابي اصير مستعجله ومايمديني استمتع بالمكان
كيف ابدا الرحله من الى
وكل مدينه كم يكفيها
مثلا انترلاكن عرفت ان منها ممكن اروح لعدة اماكن وحسيت تحتاج مده اطول
زيورخ حسب مافهمت انها نقطه انطلاق لامكان ايضا من جبال الالب وغيرها
جنيف متردده من كثر السب فيها ماعمري سمعت احد يمدحها
مونترو وشامونيه كيف اوصلهم لو بغيت من انترلاكن؟
فيه انسي على الحدود السويسريه الفرنسيه
النمسا فيه
فينا
زيلامسيه
سالزبرج
كم يكفيهم وهل بالامكان استغني عن وحده منهم هالمناطق وتعو ض عنها منطقه اخرى بعباره هل في منطقه مشابهه وتعتبر تكرار وحرام احطها بالجدول؟
ابي اعرف الافضل في التنقل ايش قطارات ولا نستأجر سياره ؟
اما السكن يعجبني نظام السكن النظيف ويفضل على شكل كوخ يعني يطل على منظر طبيعي ماحب السكن في الاماكن الي تحس كانك في قصر
ارجو منكم التعاون وخصوصا الاخ ابوعزيز مبدئيا الرحله 20 يوم
يهمني جدا ان نظام الرحله يكون مريح عشان امي لأنها قالت اذا فيها تعب ماراح اروح وراح تصفى الرحله علي انا واخواني
ويهمني اقتراحاتكم كثير وتشوفون اجمع بين السويسرا والنمسا سهل ؟ او اخليها كلها سويسرا لاني اميل لسويسرا في المقام الاول يعني مابي ارجع واتحسف اني ماشفت فيها منطقه ماتنتفوت
ملحوظه بعد مالفيت القسم
دخت من المناطق
قريت تقرير عن مدينتين انجلبرق ولوزيرن ابي اضمها للمجموعه مع المكان الي فيه منبع ايفيان هل هو شامونيه نسيت ههه احس راسي بينقلب
في انتظار ردودكم
شكرا لكم
والنمسا بعدين مع ميونخ ( المانيا )
لانها اول مره تروحين سويسرا
وكثر الاماكن بتدوخ راسك
غير كذا انتي معك الوالده الله يحفظها
اخاف تتعب
لان النمسا بعيده شوي عن سويسرا
اغلب اللي اعرفهم كذا
فرنسا + سويسرا
المانيا + النمسا
والله يسهلها معاكم