داايم الشووق
21-01-2022 - 03:23 pm
السلام عليكم ورحة الله وبركاته
مسيتم بالخير للجميع . الموضوع الي ابي اتكلم عنه هو اسعار التذاكر وهذا الشي مهم عند البعض والبعض اول شي يبداء فيه بالتخطيط للسفر معرفة سعر التذاكر اذا كانت غاليه غير الوجهه لدوله ثانيه فأنا اقترح علي الاداره تثبيت موضع عن اسعار التذاكر واي واحد يسافر يحط سعر التذكره وعلي اي خطوط ومن وين عشان الواحد يخطط كويس.
طبعا الجميع يعرف ان ارخص اسعار التذاكر للقاهره من الدمام ارخص من الرياض وجده ماادري ايش السبب المهم خلينا بالموضوع انا بحثت عن الاسعار علي الخطوط الاتحاديه وهي الارخص طبعا ب 1350 ريال من الدمام بس المشكله توقف 12 ساعه في ابو ظبي يعني مشواار . وفيه الخطوط المصريه ويااعييني عليها سواقين محترفين ودعاء السفر ولا فيه خرابيط بالطياره نفس الخطوط السعوديه طبعا سعرها ارخص من الخطوط السعوديه بشوي بس لكن اي واحد يبي يحجز من مكتب يطلب عرووض الخطوط المصريه المخفضة سعارها وانا اخذتها اكثر من مره ب 1550 ريال بس لازم تقول لموضف المكتب ابي العرض المخفض لانك لو ماطلبته يعطيك السعر العادي .
انا رحلتي يوم الاثنين واخذت التذكره ب 1550 ريال دايركت
واتمني من الاداره وضع موضوع مثبت عن اسعار التذاكر وتحدث دايماا والي يعجبه الموضوع يصووت هنيا ببلاش بعد
يعطيكم العافيه
