سفرك في فترة الموسم والسعر اللي حصلت به التذاكر ممتاز جداً خاصة وأنه مسترجع مرة ممتاز .. كلبش فيه ولا تفرط فيه
عندك 15 ليلة صافية فترة مرة ممتاز وميزانيتك 15000 ريال (من غير التذاكر الدولية) كافي إن شاء الله
وأقترح عليك البرنامج التالي:
2 سلانقور : فندق صن وي بيرميد
4 لنكاوي : فندق متيارا غرفة سوبريور كابانا على البحر
3 بينانج : فندق بارك رويال غرفة ديلوكس مطلة على البحر
5 كوالا : فندق رويال شولان غرفة ديلوكس
1 بورت ديكسون : منتجع قراند لكزس فيلا جيلوكس بمسبح داخليالمجموع = 15 ليلة
رحلة سعيدة إن شاء اللهبالمسبة لتوقيت الحجز قبل السفر بشهرين ماعندك مشكلة إن شاء الله أو علشان تطمن ممكن تحجز قبلها بثلاث شهور
وأنا أقول لك كذا لأن بعض الفنادق يطلبون الدفع مقدم ويكون غير مسترد وما أحد يضمن الظروف

الله يعطيك العافيه
بس بالنسبه للحجوازات عن طريق مكتب ممكن مكتب زين تنصحني فيه ابي سواقين والا مايحتاج التكاسي هناك؟
والطيران الداخلي ماحجزتها؟
لأن ماعندي ماستر كارد

اخوي معليش الظاهر المكاتب ممنوع ذكرها في المنتدى انا اسف
بس طلب اخير اذا ممكن اسعار الفنادق اللي تم ذكرها والطيران الداخلي من المحتمل اسعارها
واكون ممنون لك
تعرف بعض المكاتب غالين مره مع العلم اني اتابع المنتدى من فتره في احد الاشخاص كان السعر عنده فارق ب5000 ريال عن طريق مكتب
والاخوان حاولو ينصحونه
ابي اعرف الاسعار المحتمله وابني عليها
وشكرا جزيلا لك اخوي

يا خوي
خل المكاتب تبرد
احجز بنفسك
وزين امورك بنفسك
واقرا واجد
بالمنتدى
وتوكل على الله اولا واخيرا
اترك عنك
لهط المكاتب
بس اهم شي طلع لك
ماستر كارد
وانصحك
بالاهلي
بدون حساب
مسبقة الدفع
رسوم اصدار 100 ريال
تجيك على البريد حقك في 10 الى 14 يوم
او ادفع 100 زياده
وتجيك في 5 الى 7 ايام
عن طريق
dhl
واذا جاتك
ههه ادعس
واشتري واحجز
وزبط
و زين
وسوي اللي تبي
اتمنى لك التوفيق
ولكن
انصحك
بتقوى الله
في السر والعلن
بالذات في بلد منفتح
مثل
ماليزيا الخضراء

السلام عليكم
مدة السفر 16 يوم / 15 ليلة
نبدا وعلى حسب الميزانية
تذاكر السفر وعلى الخطوط الماليزية بهذا السعر ممتازة
توكل وقص التذاكر
او يومين سلانجور فندق ارمادا 4 نجوم سعرة 215 رنقت لليلة
بعدين بالباص الى بينانق تقريبا 55 رنقت لشخص الواحد
عن طريق باص اير لاين
4 ايام بينانق فندق فلامنجوا غرفة ديلوكس مطلة على البحر ب 298رنقت لليلة
بالفيري الى لنكاوي 60 رنقت الشخص
4ايام لنكاوي فندق متيارا كبينة مطلة على البحر ب 331رنقت لليلة
طيران من لنكاوي الى كوالا تقريبا 120 رنقت لشخص الواحد
4 ايام كوالا لمبور فندق سنترال بودل ديلوكس ب146 رنقت لليلة
اخر ليلة في بورت دكسون فندق قراند لنكس فيلا بمسبح خاص ب480رنقت
من الممكن اخذ يوم من بينانق ومن لنكاوي واستبدالها اما بجنتق او ايبوه
وانا عن نفسي افضل جنتق اجواء باردة ومدينة العاب وتكون قبل كوالا
مجموع اسعار الفنادق + الضرائب = 4611رنقت =5764ريال
تاكسي + اماكن سياحية + اكل =400 رنقت لليوم الواحد *15=6000رنقت = 7500ريال
مشتريات + هدايا لاتقل عن 1500 رنقت
الملخص
تذاكر دولية ب 4960
طيران داخلي وباص وفيري =587 ريال
فنادق=5764ريال
ترفية =7500ريال
مشتريات =1500 ريال
المجموع = 20311ريال

• اسعار الفنادق ماخوذة من موقع بوكينق وهي افضل من المكاتب السياحية

وسهولة الحجز فيها وبالعربي ما انصحك بالمكاتب الامور سهلة وراجع
الصفحة الاولى في المنتدى يوجد موضوع مثبت الدليل السياحي
راح تحصل فية كل ماتريد حتى طريقة الحجز

• المجموع النهائي لشخصين

تقبل تحياتي

طبعاً مثل ماذكروا الأخوان لوتحجز بنفسك أفضل أوفر لك وأيضاً تسلم من خداع بعض المكاتب
لكن على العموم تفضل أخي هذي الأسعار علشان لما تروح المكتب تكون عارف الأسعار لكن أحب أنبهك لنقطة مهمة وهي أن المكتب يقول لك غرفة في الفندق الفلاني ويتركها هطذا بدون مايذكر وش نوع الغرفة ولا الإطلالة وهذي تفرق كثير في السعر أحياناً يكون فيه فرق 200 رنقت بين غرفة وغرفة بسبب نوع الغرفة أو بسبب الإطلالة فالمطلة على البحر أغلى بكثير من المطلة على الحديقة
تفضل الأسعار من الإنترنت:
2 سلانقور : فندق صن وي بيرميد (340 رنقت)
4 لنكاوي : فندق متيارا غرفة سوبريور كابانا على البحر (300 رنقت)
3 بينانج : فندق بارك رويال غرفة ديلوكس مطلة على البحر (900 رنقت)
5 كوالا : فندق رويال شولان غرفة ديلوكس (340 رنقت)
1 بورت ديكسون : منتجع قراند لكزس فيلا ديلوكس بمسبح داخلي (481 رنقت)الأسعار المذكورة في الأعلى قبل إضافة الضرايب ورسمو الخدمة والتي تعادل 16% في كل المدن ماعدا لنكاوي 10% فقط
لو أردنا نحسب الميزانية لرحلتك ستكون كالتالي:
فنادق = 9203 ريال
طيران داخلي = 1200 ريال (شخصين)
مصروف يومي = 500 * 15 يوم = 7500 ريالالمجموع = 17903 ريال شامل كل شيء من غير التذاكر الدولية
لو شايف المبلغ كبير ممكن نغير فندق بارك رويال (لأنه غالي) ونستبدله بفندق فلامنقو ( 300 رنقت)
زبالتالي سوف تنخفض التكلفة الإجمالية للرحلة إلى : 15419 ريال
اتمنى أن الصورة قد اتضحت لك الآن مع تمنياتي لك برحلة سعيدة إن شاء الله

اشكركم من كل قلبي على تعاونكم بأمانه اخجلتوني بكرمكم
وخدمتوني
تعبتكم معي (حسبه وفنادق واسعار وايام ومجموع)
الله يجزاكم كل خير ويعطيكم الف الف عافيه
بس بالنسبه للطيران الداخلي كيف احجزه؟
شكرا

لا شكر على واجب أخي الكريم وكل اللي نحتاجه منك الدعاء
بالنسبة للطيران الداخلي يوجد شركيتن هما الخطوط الماليزية وطيران إيرأسيا والحجز والدفع عن طريق الإنترنت بواسطة البطاقة الإئتمانية
تفضل هذا رابط طيران إيرأسيا
http://www.airasia.com
وهذا رابط الخطوط الماليزية:
http://www.malaysiaairlines.com/my/en.html
وبالتوفيق إن شاء الله