هلابك يالغالي
أرشح لك ( الماريوت أو قراند ملينيوم ) بقلب شارع العرب ... من أفخم الفنادق وأفضلها ...
أو ( رويال شولان ) ... موقعه بداية شارع العرب

مشكور اخوي على هالرد السريع بس انا تشيكت مع فندق رويال شولان كان خاطري فيه بس مالقيت عندهم غرفة حق ثلاث اشخاص وحتى الجراند ميلينيوم

حياك يالغالي ...
أجل شوف فندق ( البرنس ) ... عندهم غرف ثلاثية

اخوي مشكور وماقصرت بس بقيت اسئلك شرايك بفندق swiss garden residences وهل هو فخم ومميز لانه لقيت عرض حق شقة حلوة وبالنسبة لموقعه اذا كان جيد او لا وشنو عيوبه

حياك ياغالينا
السويس قاردن ريساندس بصراحة فخم وأنيق وراقي جدآ وموقعه مميز ... اعتمد ياغالي
وتفضل التقرير هذا عنه
https://artravelers.com/p/re/524198

اخوي ادري تعبتك معاي بس قالولي موقعه شوي بعيد ولازم تاكسي علشان نروح شارع العرب او البرجين وهل فيه حواليه اسوقه يعني نقدر نتمشى حواليه وبس اخوي انا اول مرة اسافر ماليزيا عندي بس سؤال متى الدنيا تسكر عندهم ونصير صعبه نطلع بحكم احنا عائلة
وفيه شغلة اخيرة لو تخدمني فيها ابي جدول يومي حق الاماكن السياحية في صن واي لمدة يومين واذا بتخدمني اكثر او جدول حق كوالا لمدة خمسة ايام بس يكون شوي مفصل
مشكور وماقصرت دايما ردودك سريعه ووافية

حياك الله حبيبنا الغالي ...
موقع الفندق مميز .. وأمامه محطة المونوريل ( إمبي ) ... ومنها تنتقل لأي مكان بكوالا
والأسواق في ماليزيا تعمل من ( 9 ص - 10 م ) ...
وبخصوص جدول سلانجور وكوالا ... تفضل :
اليوم الأول ( سلانجور )
الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك
اليوم الثاني ( سلانجور )
جولة على بوتراجايا لمدة أربع ساعات من ( 9 ص - 1 ظهرآ ) وبعدها زيارة ألعاب ( الصن واي
لاقون ) إلى 6 مساء ..
وفي المساء التوجه إلى ( الماينز وندر لاند ) أو الراحة في الفندق
اليوم الأول في ( كوالا )
الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك
اليوم الثاني في ( كوالا )
التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق
وعند العصر التوجه إلى حديقة بيردانا والجلوس هناك للمساء ...
وفي المساء التوجه لشارع العرب والتسوق والعشاء هناك ...
اليوم الثالث في ( كوالا )
زيارة شلالات ( تمبلر بارك ) من الساعة ( 10 - 3 عصرآ ) ...
وعند الرابعة عصراً التوجه إلى حديقة ( بيردانا ليك قاردن ) والجلوس هناك للمغرب
وبعدها التسوق من مجمع التايم سكوير بآخر شارع العرب ...
اليوم الرابع ( كوالا )
زيارة جنتنغ من ( 10 ص - 6 م ) والعودة لكوالا وتقضية بقية اليوم فيها
اليوم الخامس في ( كوالا )
جولة في باص ( الهوهو ) على أشهر معالم كوالا ... في الفترتين الصباحية والمسائية
وفي المساء التوجه إلى أحد مجمعات شارع العرب للتسوق

مشكور اخوي وماقصرت تم الحجز
انا حاليا بصن واي اليوم اول يوم وكان الجو في مجمع بيرميد ممتع بس الوقت شوي ماسمح لنا نتمشى وايد لانه المجمع يغلق الساعه 10
بغيت منك مساعدة بخصوص التنقل الداخلي غدا وخط سير الرحلة وشنو ائمن طريقة للتنقل لهالخط الرحلة بالنسبة للتاكسي وهل احجز التاكسي من الفندق يكون احسن وقالولي انه الاثنين عطلة ويمكن حديقة وندرلاندز مسكره فاتمنى تقولي ماهو انسب جدول للغد مع طرق التنقل
ومشكور وماقصرت مقدما

هلا وغلا حبيبنا الغالي ...
الحمد لله على سلامة الوصول ... ونورت ماليزيا والله
أنصحك بكرة تأخذ لك جولة خاصة لمدة ( أربع ساعات ) تزرو فيها بوتراجايا من ( 9 - 1 ظهرا )
وبعدها زيارة ( صن واي لاقون ) من 2 - 6 م ... وبعد المغرب زيارة ( الماينز ) ... وأنتهى