غموض-
25-09-2022 - 03:25 am
السلام عليكم ورحمة الله
حبيت استفسر عن نيويورك واجراءات المطار هناك
انا اول مره ازور امريكا بعد زياره لي كان عمري فيها سنتين مع اهلي
الان انا مسافره انا وزوجي شهر عسل
ابي اعرف وش المطلوب مني اول مااوصل المطار
وايش نوع الاسئله وهل الجوالات مثل الاي فون وغيره ضروري يطالبون بكل البرامج الاصليه فيها
والحين انا عندي اكثر من ولايه رايحه لها وراح اجلس في نيويورك 5 ايام
طبعا غير اني اكون مجهزه الاوراق الي عبيتها بالطياره والجواز ايش المطلوب مني اعطيهم
لو اسألوني عن العنوان هل اعطيهم ورقة الفندق الي انا طابعتها وفيها العنوان والرقم ومكتوب عدد الايام الحجز 5 ايام بالفندق
طيب يسألون باقي الايام وين بتكونين ولا مو شرط اذكر لهم الولايات الثانيه الي بروح لها علما ان التذكره مبين فيها ان جلستي في امريكا بتكون شهر وشوي
وهل فعلا الي رايحين اول مره امريكا يطولون بالاجراءات وكم ممكن اخذ وقت بالمطار
و ايش الاجراءات اللي راح اسويها بما اني اول مره
واذا كان معي علاج حبوب هل يمنعونه ولا شلون
وبالنسبه للكريمات واستشوار وغيره بحطه بالشنطه الكبيره مع الملابس هل ضروري اعطيهم خبر ان هالاشياء معي او عادي وهل هي ممنوعه علشان مااجيبها وافك نفسي
واسفه على الاطاله واتمنى تجاوبوني بأسرع وقت لأن سفري بعد 10 ايام
