وعليكم السلام ورحمة الله وبركاته
مرحبا فيك اخوي ساهر الليل
للأسف ماعندي فكرة عن مكان شركة مشرف , وعن ايجار الشقق فهو يختلف من مكان لأخر , وفي المتوسط الأسعار في حدود ال2500ريال لشقة غرفة وصالة (غير مفروشة) وتقدر تفرشها وبأسعار متوسطة من محلات سوق نجمة أو مايسمى سوق الحراج , وطبعاً أسعار الإيجار قابلة للزيادة على حسب المنطقة ويفضل انك تجد شقة مشتركة , اي أن أكثر من شخص في الشقة , بتطلع عليك أرخص بكثير , والكهربا والماء في المتوسط من 300 الى 400 ريال في الشهر , وعن الأكل يفضل أنك تعتمد على نفسك في الطبخ , لأنك لو أعتمدت على المطاعم راح تصرف كل راتبك على الأكل ويفضل أنك تشتري أغراضك من الجمعيات التعاونية او الهايبرماركت ( اللولو او كارفور ) .
والبنزين عندنا نوعين , سوبر 97 أوكتين ب85 درهم , وممتاز 90 أوكتين ب75درهم .
وأحسن شركة أتصالات فعندك شركة فودافون , أرخص بكثير وعروضهم مميزة وخصوصاً للمكالمات الخارجية .
أتمنى أخوي أني أفدتك وأي أسئلة ثانية أنت آمر وان شاء الله مب مقصرين معاك .
وبالتوفيق أخوي ...

أخوي عيد ماقصر
بس جنسيتك اماراتي ولا تقولي شلون عرفت عرفت وخلاص ههه