اخواني واخواتي كما تعودنا ان نسأل ونجيب بعضنا البعض في آمور سفرنا والمناطق التي سوف نزورها
حبيت اليوم ان نتشارك الآراء والإقتراحات حول سفري إلي تايلاند
انا بصراحة سافرت اول مرة لوحدي وحسيت بالطفش والمرة الثانية سافرت ومعي زوجتي وكانت رحلة موفقة جداً والحمد لله
وهادي المرة الثالثة إنشاء الله وما ابغى اسافر تاني إلا ومعي احد
وكنت مخطط اروح مع واحد من الشباب لأن زوجتي حامل ...وقبل شراء التذاكر سار لصاحبي ظروف منعته من السفر
وبعد بحث طويل في مكاتب السياحة وجدت رحلة على الخطوط الكويتية ب 2450 ريال جدة - الكويت - بانكوك
ورحلة تانية على الخطوط الماليزية من جدة - كوالالمبور - بانكوك بقيمة 2680 ريال لكني قررت اشتري تذكرة الخطوط الماليزية
وبعدها قلت خليني اخد زوجتي لكن ما يسير تسافر وهي حامل
قلت خلاص نسأل الدكتورة سآلناها وقالت ما في مشكلة بس ما تجهد نفسها
وكنت خايف ما احصلها حجز وفعلا لقيت لها حجز واشتريت التذكرة بزيادة 50 ريال عشان ارتفعت الضرايب في مليزيا واصبحت تذكرتها ب 2730 ريال
فأصبحت رحلتنا في تاريخ 20 / 12 / 2007 على الخطوط الماليزية وكدا تغيرت خطتي وهسافر مع زوجتي يعني رحلة عائلية
عشان كدا لا تبخلون عليا بأي شي يفيدني من ناحية الفنادق والرحلات الغير مجهده
ويا إخواني احتاج مساعدتكم في اختيار المناطق إلي هزورها علما انا في السفرات الماضية زرت كل من ( بانكوك - بتايا - كوشانج )
وحابب اغير واشوف مناطق جديدة وما ابغى اروح فوكيت
ولفيت في المنتدى ادور واستكشف مناطق جديدة ورشحت مناطق كثيرة منها ( كوسوميت ) ووتقع بين بتايا وكوشانج لأن احد السياح
إلي قابلتهم هناك نصحني فيها وقلي منطقة جميلة ايش رايكم ؟
وكمان رشحت مدينة ( شانج ماي ) و ( كاشنبوري ) واخي كوشانج رشحلي منطقة اسمها (Hua Hin ) ايش رايكم يا اخوان ؟
وإذا في مناطق تستاهل الزيارة يا ريت تدلوني عليها مع ذكر رابطة للمواضيع المتعلقة إن امكن وماتزيد عن 3 مناطق
مع العلم ان زوجتي حامل وابغى المناطق تكون قريبة من بعضها عشان تسهل عملية التنقل
ارجوا من اهل الخبرة ان يفيدوني
تحياتي للجميع