- أسف جدا للاطالة...بس الموضوع خاص بمستقبلى وخايف جداً
أسف جدا للاطالة...بس الموضوع خاص بمستقبلى وخايف جداً
انا من مصر ووجدت اعلان على الانترنت بخصوص عمل فى احد الفنادق الشهيرة جدا بامريكا وتحديداً نيويورك وكان موجود الايميل بتاعهم للمراسلات وهو ايميل عادى عادى معمول على الجى ميل..وفعلا ارسلت السيرة الذاتية وقاموا بالرد (طبعاً كله بالانجليزى) بأنى يجب ان اجيب على بعض الاسئلة وهى: انت بتدخن؟ متزوج؟ تتعاطى مخدرات؟ ماهى هواياتك وايه اللى بتحبه وايه اللى بتكره؟ وفعلاً جاوبت عليهم.وتم الرد منهم تانى بانى ساكون جاهز للسفر الى امريكا والعمل فى هذا الفندق الشهير..ولكن يجب ان يتعرفوا على شخصيتى اولاً وبعتولى اسئلة كثيرة تشبه اسئلة الانترفيوهات.وبالفعل جاوبت عليهم كلهم وارسلت الرد بالاجابة على اسئلتهم..تم الرد بانه تم اطلاع صاحب الفندق على بياناتى وتم الموافقة على للعمل وانى مناسب للسفر والعمل هناك وانهم محتاجين عمال كتير وبسرعة لانهم بيفتحوا فرع تانى..وطلبوا منى رقم البطاقة وصورة للطباقة ورقم الباسور وصورة منه ايضاً مع تحديد كافة الاجراءات فى هذا الايميل زى ان عليهم كل حاجة مثل السكن والمواصلات ومصارف الاوراق الخاصة بالعمل اللى هى وثائق التصريح و وثائق السفر والتأشيرة والجرين كارد اللى هحتاجه للعمل هناك كعامل وعقد العمل و رقم التأمين الوطنى وعنوان الفندق الذى ساعمل فيه وعنوان السكن اللى هسكن فيه هناك ورقم الدور والمبنى ورقم الشقة وهو بالمناسبة بعد البحث فى خرائط جوجل فهو تابع ليهم ايضاً مع تحديد المرتب والبدلات وهو بالمناسبة مرتب محترم بالنسبة لاى مصرى ويمكن مش موافق المرتبات هناك اطلاقاً ده برده بعد البحث هو اقل بكتير بس بالنسبة لينا مرتب محترم.مع ذكر بيانات عن صاحب الفندق وانه يعمل فى احدى فى منصب مهم جداً فى احدى السفارات الافريقية ومكان اقامنه فيها وعنوان السفارة المتواجد فيها...المهم بعتلهم بيانات البطاقة وعلى الفور استخرجت باسبور وارسلت بياناته..تم الرد بانهم يريدون ان اقوم تحويل مبلغ 500 دولار كتأمين وسأستردها على الفور بعد الذهاب الى العمل هناك وتبرير ذلك بانهم ارسلوا الى 5 عمال من قبل ولم يكونوا جادين فى العمل وذهبوا الى امريكا بالفعل بعد استخراج الاوراق اللازمة لهم ولكنهم لم يذهبوا للعمل المقصود ولم يظهروا مرة اخرى بعد السفر لامريكا مباشرة وصاحب العمل يريد التأكد من انى جاد فى العمل عن طريق هذا التأمين اولا وارسلوا البيانات اللازمة للتحويل وهى بالمناسبة فى العنوان المذكور لصاحب العمل فى احدى الدول الافريقية والمستلم من اسمه فهو افريقى ايضاً والتحويل عن طريق ويسترن يونيون...تم الرد منى بانى مستحيل ارسل اموال على هذا الوضع وبانى فعلا لا املك الاموال الكافيه لهذا..وانى لا استطيع الهرب منكم هناك.تم الرد بانى استطيع ان اكلم صاحب العمل رأسا على رقم تليفونه فى الدولة الافريقية لانه موجود هناك لعمله فى السفارة او انى ممكن اقابله عبر الاسكاى بى...وقبل ان ارد على هذا الايميل جائى اتصال هاتفى على رقمى الارضى الموجود فى السيرة الذاتية..تحدث معى عن العمل هناك واذا كنت جاهز ام لا...مع ملاحظة نطقه وطريقة كلامه فهو امريكى فعلاً
ورديت على الايميل فعلاً بحسابى فى الاسكاى بى عشان عاوز اكلم صاحب العمل رأسا..وتم الرد بانه طلب اضافتى على الاسكاى بى..وبدأت مع صاحب العمل المغامرة اولا عرفنى بنفسه وهو يبقى مين ومنصبه ايه..هو مدير أحد السفارات الافريقية وبلغنى بأنه لازم يتأكد الاول بأنى جاد فى العمل عن طريق التأمين لانه هيصرف على الاوراق بتاعتى مبلغ 4500 دولار وقبل ما اطلب منه ضمان انا كمان بعتلى صورة من الباسبور الدبلوماسى بتاعه للتأكد من شخصيته قبل ارسال اى اموال والباسور سليم ومظبوط فعلا وصورة الباسور واضحة جداً وكل البيانات اللى فيه واضحة وسألته ممكن اروح السفارة الامريكية بالقاهرة للتأكد من الباسبور قالى اكيد..عادى جداً...روح وأسال براحتك..
عملت معاه مفاوضات حتى وصل المبلغ الى 50 دولار واول ما استلم الاوراق واوثقها وقبل السفر مباشرة ساحول باقى ال 500 دولارلانى لا املك المال الكافى لهذا واخيراً وافق على هذا الاجراء..وبعد البحث عنه فى جوجل وجدته فعلا رجل مسئول امريكى كبير ومازال فى منصبه وله سجل حافل ومسجل فى ويكبيديا...ولكن قبل ان اقوم بالتحويل بحثت عن الفندق الشهير وملكيته وجدتها شركة هى التى تملك هذا الفندق واسمه غير مذكور اطلاقا...سألته على هذا رد بانها متوزعه حصص واسهم وطبيعى بحكم عملى لا استطيع الظهور فى الصورة فيما معناه..طلبت منه ان يظهر لى اوراق اى عامل هو قد وظفه فى الفترة الاخيرة فعلا ارسل لى فى نفس التوقيت اوراق تأشيرة وعمل ووثائق لعامل من ايطاليا سيغادر اخر الاسبوع... قمت بتحويل ال 50 دولار فعلاً وارسلت له صورة من ايصال الايداع... قال لى سأوصلك بالسفارة الامريكية ( السفارة التى يعمل بهاوليست السفارة الامريكية بالقاهرة) لانهاء الاجراءات اللى هى اولا التأشيرة وتصريح العمل ولاحقا تذاكر الطيارة و تصريح الاقامة بعدا انهاء التوثيق للتأشيرة وتصريح العمل... وارسل لى الايميل الخاص بالسفارة لاراسلهم لطب الفيزا والتصريح مع ذكر انى سأعمل لديه مع ملاحظة انه ايميل عادى ايضاً جى ميل ودخلت على السفارة الامريكية فى هذه الدولة (الموقع الرسمى)لأقارن الايميل المذكور وجدتهم فعلا لا يعرضوا اى ايملات ليهم باستثناء الدعم الفنى للموقع او الروابط التى لا تعمل فقط ولا يجوز ارسال اى ايميل خاص بأى استفسار او طلب .. وطبعاً بلغنى بموضوع كشف الحساب اللى هيطلبوه منى والرد على بعض الاسئلة اللى هيسألوها...وبلغنى انى لازم يكون معايا كشف حساب متغطى بمبلغ لا يقل عن 10 الاف دولار..طبعا ده بالنسبالى مستحيل...بلغته بكده وقلتله ممكن استعير المبلغ ده من احد اقاربى واطلع عليه كشف حساب ثم اسحبهم تانى قالى مينفعش لازم تحولهم لحد ما تيجى كضمان انها اموالك وقالى أسال اى حد سافر لامريكا فبل كده لو عاوز تتأكد ثم قالى خلاص انا هخلصلك الموضوع الخاص بكشف الحساب بس عاوز ضمان وهو انك تبعتلى 200 دولار كتأمين لانى هغطيلك الحساب بتاعك ب 10 الاف دولار...انا فعلا مش معايا ال 200 دولار دول...وعرضت عليه انه بس يخلص الحاجت دى واول ما استلم الورق واوثقه هحوله المبلغ كاملاً ساعتها هقدر استلف فلوس بما انى مسافر امريكا خلاص ومعايا عقد واقامة...رفض طبعاً وقالى لازم تحولى الاول ال 200 دولار عشان اقدر اساعدك فى الاجراء ده...اتفاوضت كتير معاه قالى بلهجة حازمة ابعتلى بيانات حسابك وهردلك ال 50 دولار اللى انت دفعتها وشكلك كده مش جاد فى طلب العمل...ودى فرصة كتير اوى من الناس بتتمناها العيش والعمل فى امريكا...
افيدونى يا أهل الخبرة....أعمل ايه.....استلف المبلغ ده واحولهم ليه ولا ده نصب...
ملاحظة: انا كلمته على رقمه الموجود فى الاسكاى والذى ابلغنى بيه ايضا الموظف بتاعه...والكود فعلا لنفس الدولة الافريفية الموجود بيها السفارة التى يعمل فيها...بس هو بلغنى انه رجع امريكا فى اجازة لمدة اسبوعين او ثلاثة لزيارة الاهل ولما كلمته المفروض انه كان فى امريكا مش فى الدولة الافريقية ولا ده رقم دولى يتحرك بيه فى احته بنفس الرقم والكود؟؟؟؟؟
نصيحه ... خد بالك ... حاسس ان الموضوع نصب