- السلام عليكم ورحمة الله وبركاته ..
السلام عليكم ورحمة الله وبركاته ..
اشكرك على جهودكم المبذولة على افادة العرب المسافرون والصراحة حسيت اني حفظت الاماكن السياحية في بعض البلدان وكأني رحتها من تقاريركم الرائعة ..
اتمنى منكم الرد على بعض اسألتي لاني ولاول مرة مسافرة مع زوجي بروحنا الشهر الجاي شهر 5 الى ميونيخ 3 ايام ثم الى زيلامسي 3 ايام وبعدها الى فيينا 12 يوم ووايد متحمسين للسفر والمتعة ,,,انا طبعت بعض التقارير الي بتفيدني وايد في السفرة بس في بعض الامور مالقيتها ,,فاتمنى منكم الاجابة,,, والاسئلة هي :
1- مارأيكم في فندق الهيلتون (فيينا)..
2- شلون الاجواء في البلدان الي بروحها؟
3- كم ساعة من ميونيخ الى زيلامسي ؟
4- كم ساعة من زيلامسي الى فيينا؟
5- اذا بروح زيلامسي عن طريق الاندر قراوند من ميونيخ شلون اعرف المحطة المطلوبة وكيفية حجز تذاكر القطار وهل في درجة اولى في القطاروكذلك من زيلامسي الى فيينا؟
6- الحديقة الانجليزية والحديقة الاولمبية وشارع المارين بلاتز بروحهم خلال الثلاث ايام في ميونيخ يستاهلون اروحهم ولا في اماكن احلى بالنسبة لمدة اقامتي القصيرة؟
7- ابي اسواق قريبة من فندقنا في ميونيخ (الميريديان)واسعارها حلوة غيرشارع الماركات وشارع ماكسيمليان لاني ابيهم كهدايا ؟
8 - نفس السؤال بس في فيينا واهم شي الاسواق تكون قريبة من الفندق (الهيلتون)؟
9- بالنسبة للاكل هل في مطاعم عربية (حلال) في المناطق المذكورة ؟
10- تنصحوني اخذ اغراض معينة من الدوحة ممكن تفيدني هناك؟
وسلامتكم ادري طولت عليكم بس سامحوني مالي الا انتو... وتحياتي للجميع
