اذا هي صغيره .. وفي من يرعاه من اهلك او اهل المدام .. رأيي الشخصي تركها لانها بتعبكم وانتم بتعبونه بالرحلات واالتنقلات
والرأي لكم

شكرا اخي ali_q8_77 على هذه النصيحة والله يكتب ما فيه الخير

هلا أخوي أبو دينار
أنا شخصياً عكس أخوي https://artravelers.com ماقدر أسافر ألا وعيالي معاي لأن في نظري ماتحس بطعم السفرة ألا تشوف الأطفال ينططون يلعبون والفرحة في عينهم حتى لو كانو صغر(رغم يجنوننا أشوي
بس لما أشوف أعيال الناس معاهم أحمد ربي أني جبتهم معانا ومابخلنا عليهم بسفرة حلوة نستانس فيها كلنا )
وانت ماشاءالله بنتك همرها 3 سنوات يعني شايلة شوي عمرها وعربانة الأطفال ماتقصر بعد ولا راح تشيل هم الأكل لأنها راح تاكل من نفس أكلكم
.
وللعلم ولدي عمره 1 ونص لما أخذتة لسوسرا وألمانيا العام الفائت + توأم 4 سنوات الله يحفظهم
ولك القرار

مشكور اخوي سحر الليل ما قصرت الله يعطيك العافية بس عندي لك سؤال بحكم انك أخذت عيالك معاك أقدر احصل على شقق نظيفة وبسعر معقول وبيكون في ميونخ وسالزبورغ وزيلامسي ولك مني كل الشكر

أولاً أخوي بو دينار أنا أختك
مو أخوك
و في سفرتنا أعتمدنا على الفنادق لأن أعيالنا صغار وبغرفة وحدة بس نبلغهم قبل (بس في ميونخ كان حجزنا غرفة وصارت لنا حادثة بسيطة وعطونا شقة وهي الوحيدة إلي بالفندق............شوف تقريري) ، وعن تجربة مانصحك بشقق لأنكم عائلة صغيرة مش كبيرة ، واشوف الفندق أريح عشان الفطور يكون جاهز مثلنا نلبس وتزل للفطور وما نشيل هم من بيغسل أغراض المطبخ ونطلع والغداX عشا برع
( على فكرة ناخذ معانا فرن أو جولة صغيرة أحتياط لو حبينا نطبخ شي خفيف أذا في وقت)
وبخصوص زيلامسي وسالزبورغ ليش ماتقعدون في وحدة وتزورون الثانية ليوم واحد وتخلون باقي الأيام في مكان ثاني

أولا :آسف أخت سحر الليل على الغلطة ما كنت أعرف بس الأمر بسيط
ثانيا: اذا بدوي بنتي باخذ اختها الكبيرة على شان كذه قلت أدور على شقة
ثالثا: بالفعل رأيك سديد اذا باخذ بناتي راح الغي زيلامسي
أكرر أسفي مرة اخرى واشكرك على التواصل المستمر

بو دينار
مسموح أخوي مو مشكلة
وخذو أختها وطولو بالكم عليهم الله يحفظهم وأن شاءالله تستانسون برحلة أذا رتبتو جدولكم عدل ،وقلت لك قبل المدينتين أقراب من بعض فعوضو اليومين أو 3 إلي مخلينها حق زيلامسي أو سالسبورغ تكون في أوروبا بارك (ويفضل الأولى هي مقركم لوجود البحيرة )
وأي أستفسار أنا حاضرةةةةةةةة