hyyami
17-01-2022 - 11:26 pm
الاخوة الافاضل ارجو الافادة .
انا حاب اسافر الى لندن ان شاء الله وابي اطلع فيزة سياحية انا وزوجتي لمدة خمسة ايام وبعدها ابي اطلع الى باريس بمشيئة الله .
السؤال ماهي الطلبات للتقديم على الفيزة البريطانية وكم تستغرق اذا كنت مقدم عليها من مكتبهم في مدينة الخبر وما هي اهم الشروط اللتي لابد من تقديمها .
دمتم بود وارجو التفاعل للاهمية
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
إذا كنتوا ناوين اتروحون على لندن وباريس فأنتوا محتاجين فيزتين ..
الفيزا الأولى حق بريطانيا
والفيزا الثانيه حق فرنسا
والمتطلبات تختلف لكل فيزا
فيزا بريطانيا محتاج صوره شخصيه وخلفية الصوره اتكون بيضا + تعريف من البنك بالأنجليزي + خطاب من العمل + الجوازات + تعبئة الطلب + الرسوم واقل شي يعطونك فيزا 6 شهور او 3 شهور
فيزا فرنسا تقدر تطلبها عن طريق مكتب سياحي لأنه راح ايوفر عليك الوقت والجهد وإذا حبيت اتوديها بنفسك فهذي هي متطلباتهم
1 - شهادة من جهة العمل يوضح فيها مقدار الراتب
2 - صورة من تذكرة الطيران
3 - تأمين صحي لمدة الاقامة في باريس
4 - صوره من حجز الفندق
5 - صورتين للوجه مقاس 3.5x4.5 وخلفية بيضاء للصوره وكاشف الراس
6 - اصل جواز السفر وصوره منه
7 - كشف حساب من البنك لاخر 6 شهور ويفضل انه يكون فيه مبلغ لا يقل عن 40 الف ريال في الحساب
واي خدمه احنا تحت امرك الغالي