الميزانيه و الصرف و التذاكر و السكن كله يعتمد علي الوقت اللي تسافر فيه و المصروف الشخصي يعتمد علي كل شخص غير ..
لو تاخذ لفه باستفسارات و مواضيع و تقارير الاعضاء بتكون فكره عن السفره ككل .. بعدين تسال عن اشياء معينه اسهل
بالنسبه للتذاكر و السكن ممكن تحدد انت من وين ووقت السفر و تقارن اسعار التذاكر من expedia.com

نعم مثل ماقالت خبيرتنا الكويتيه
صعب تحدد كم الميزانيه
الا اذا كانت تقريبيه
واي خدمه

بطلع من الدمام والسفر الشهر الجاي 4 او 5 قبل الزحمه
وانا قصدي يعني مسكن وماكل عادي متوسط يعني من غير شوبينغ ولاشي
ميزانيه شامله التذاكر والسكن والمصروف اسبوع لو تقريبيه

مثل ما قالوا الاخوان التحديد صعب
بس ممكن الليله تكون 120 باوند وطبعا في ارخص وفي اغلى .
الوجبات اليومية/شخص واحد تقريبا 30 باوند واحيانا مع التحليه .
تذاكر الاماكن السياحية على حسب المكان ,, اسعار تختلف .
بالنسبة للتنقل بطاقة اويستر تقريبا 28 باوند للبالغ والصغير اتوقع مجانا .
تذاكر الطيران اسعارهم من 2000 ريال وانت طالع .
والفيزه للشخص ما اعرف في السعوديه كم سعرها ,, بس في عمان تقريبا ب400 ريال .
وتأمين على حسب الشركة بس من 100 ريال وانت طالع .
هذي الحسبة مجرد توقع ,, في ارض الواقع ممكن تحصل اغلى من الاسعار الي ذكرتهم وممكن اقل

لك وحشة المسافر الصغير

السلام عليكم
هلا وغلا الغالي
التذاكر حاول اتشوف القطريه والأتحاد فهم الأرخص ولكنهم اترانزيت
اما الدايركت فشوف السعوديه وال bmi ..ودايما السعوديه اتسوي عروض هالفتره اذكر العام كان العرض 999 من المملكه لين لندن ..
اما السكن فخذ لقك شقه غرفتين وسعرها مابين 550 الى 750 باوند في الأسبوع ويعتمد السعر على الموقع والنظافه..
المصروف اليومي لكم كلكم حوالي 350 باوند للتمشي مع وجبات خفيفه ..
واي خدمه احنا تحت امرك الغالي

موادع1
وانت اوحش ,, وعسى ما يوحشك غالي

هالله هالله فينا. لا تخلينا.

موادع1
ان شاء الله راح اتواجد دائما