maramaj
20-07-2022 - 12:28 am
السلام عليكم ورحمة الله وبركاته
ابغى منكم مساعدة لو سمحتوا
ابغى فرعتكم
الله يوفقكم ويسهل عليكم
أنا بسافر سويسرا 20 يوم
الجدول اول 3 ايام جنيف وحجزت سكن وش الأماكن المقترحة الي اروح لها وتستحق الزيارة ؟
انترلاكن 9 ايام وحجزت سكن وش الأماكن الي اروح لها وتستحق الزيارة ؟
لوقانو 4 ايام وحجزت سكن وش الأماكن الي اروح لها وتستحق الزيارة ؟
يبقى 3 ايام محتاره اروح ميلانو او لوسيرن مع العلم ان لوقانو افكر اروح ميلانو اتسوق هناك بس اخاف ماتكفيني 4 ايام ..
وش افضل الأماكن للتسوق في ميلانو ؟
الف شكراً لكم
ويعطيكم الف عافيه
تكفون محتار واحتاج مساعدتكم وانا قرأت بس ماطلعت بنتيجة ..
الله يجزاكم خير
ليه ما تحطوا اليوروب بارك في الخطة ؟؟ اكيد قريتي عنها هي وبادن بادن ومدينة الاوتلت ميتزينقن..ولا ننسى بحيرة كونستانس وشلالات الشافهاوزن...(تطلعون شمال يعني)..ترى تستحق الزيارة.
العشرين يوم تقدري تستغليها افضل استغلال وتزوري اكثر من مكان بكل اريحية...لكن بالنسبة لمخططكم ...ايام كثير بتروح كذا...
وفي اقتراح انكم تحطون باريس في الخطة.
بالنسبة للاماكن المقترحة والانشطة امرها هين ان شاء الله...لكن الاهم تحديد اماكن السكن وكم المدة .
انا بقترح اقتراح بسيط والامر راجع لكم ..يعني لو كنت مكانكم وعندي عشرين يوم: وهي ذهاب جنيف - عودة باريس
الوصول الى جنيف والسكن في لوزان او في الريف الفرنسي لمدة أربعة ايام (استئجار السيارة من الجانب الفرنسي) (وزيارة انسي وشامونيه وايفيان ومونترو وتواريه وديفون )
انترلكن سبعة ايام ومنها يوم لزيارة لوزيرن
بادن بادن خمسة ايام ..وزيارة مدينة الالعاب يوروب بارك ومدينة الاوتلت ميتزينقن وستراسبورغ (تسليم السيارة في ستراسبورغ )
وبالقطار الى باريس أربعة ايام.
او فيه مخطط ثاني اذا كان نفسكم تزورو ميلانو: ذهاب جنيف عودة جنيف
الوصول الى جنيف والسكن في لوزان لمدة ثلاثة ايام (استئجار السيارة من الجانب الفرنسي)
زيارة مدينة الالعاب اليوروب بارك يومين
انترلكن سبعة ايام
لوقانو أربعة ايام ومنها زيارة لميلان
جنيف والسكن في الريف الفرنسي أربعة ايام
أوممكن تخلو العودة من ميلان للمخطط الثاني.. بس لازم تسلمو السيارة في لوقاانو..وبالقطار الى ميلان ..يعني تصير لوقانو يومين ..وأربعة ايام في ميلان.
وبالتوفيق..