السلام عليكم ورحمة الله وبركاتة
كل عام والاعضاء بالف صحه وعافيه لقرب دخول رمضان ليتمه الله علينا بالمن والمسرات وقبول الحسنات
استفسارات وان شاء الله ما تطفشون منها لاني من جد ابي اجوبه عليها
ومن شهرين وانا اخطط للسفر شهر عسل الي هو في اكتوبر
ما خليت موضوع في هالمنتدى الا قريته وطلعت في بعض الاستفسارات
ولا ابي اجتهادات من ناس مو مجربه او قاريه مثلي ابي اجوبه من مجربين التجارب هناك
جدول الرحله ان شاء الله كالتالي
من الرياض على الخطوط الاماراتيه في واحد اكتوبر على دبي والانتظار في المطار ساعتين تقريباً
وبعد كذا على فيينا الموافق واحد اكتوبر والجلوس في فيينا من 1 اكتوبر - 4 اكتوبر
وبعد كذا الذهاب من فيينا يا بالقطار او استئجار سياره الى سالزبرغ من 4 اكتوبر - 7 اكتوبر
وبعدها الذهاب من سالزبرغ بالقطار او الباص او السياره الى زيلامسي من 7 اكتوبر - 11 اكتوبر
واخر مرحله من زيلامسي اما عن طريق القطار او الطيران الداخلي الى فينيسيا في ايطاليا من 11 اكتوبر - 15 اكتوبر
س1 متعلق بالفنادق من مواقعها هل هي مناسبه او لا وخدمتها حلوه او لا وسهل الوصول للاماكن السياحيه او لا
المدينة الاول في فيينا الفندق fleming's hotel wien-westbahnhof
المدينه الثاني سالزبرغ الفندق hotel guter hirte
المدينه الثالثه زيلامسي (زي لام سي) ومحتار بين شقق او فنادق
الاول appartement zell city
الثاني appartement neue post
الثالث hotel neue post
والمرحله الاخيره في ايطاليا ولا راح احطها في بوابة ايطاليا لاني عارف انكم كريمين وانا استاهل وهي مدينه وحده وبس
المدينه الرابعه فينيسيا القندق antony plaza hotel
س2 اذا سافرت من فيينا الى سالزبرغ تنصحوني استاجر سياره من فيينا ولا اروح بالقطار
واذا رحت بالقطار تنصحوني استاجر سياره اول ما اوصل في سالزبرغ وزيلامسي ولا اخليها باصات
مع العلم ان رغبتي بالسياره بس في نفس الوقت متخوف من التضييع وغير كذا جلستي في سالزبرغ وزيلامسي سبع ايام
(وراح اخذ قارمن معي اذا نصحتوني بالسياره لانه جاهز القارمن معي)
والتكلفه بالنسبه لزيارات الاماكن السياحيه بالسياره او الباصات ايهم ارخص واحلى
واذا قلتو سياره كيف استاجرها استاجره من سكست الي بالرياض واذا وصلت سالزبرغ اروح اخذها
لاني ابي السياره بس في سالزبرغ و زيلامسي اذا قلتو خذ سياره
ولا فهمت طريقة الدفع كيف ادفع هنا وادفع هناك (من المواضعي الي قريتها يدفع هنا واذا وصل دفع هناك ليه ما يصير ادفع هنا كل شي او تامين هناك وبس)
واخر استفسارتي
طريقة الحجز واستخراج الفيز
اذا حجزت من موقع بوكينق تنقبل الحجوزات اذا سويت لها طباعه ورحت لم السفاره النمساويه علشان اطلع فيز وحتى لو اعطيهم مكتب اطلع لي فيز تنقبل او يقولون لا
ما يقولون لا لازم الحجز من الفندق نفسه لاني قريت بعض المواضيع لازم احجز من موقع الفندق الرسمي
طريقة الدفع هل ادفع كامل المبلغ من هنا بالنسبه لحجز الفنادق ولا احجز واذا رحت هناك ادفع لهم المبلغ ولا يروح علي الحجز
بالنسبه طريقة الحجز مكتوب ضريبة الشخص الواحد واحد يورو تزيد وتنقص من فندق لاخر وش سالفتها هذي وكيف طريقتها
استخراج الفيز المطلوب
تعريف بالراتب وكشف حساب طيب كم يكون فيه او يشوفون حسابي ينزل فيه شي اولا وكم شهر اخذ كشف حساب
واخر شي الفيزه البنكيه عندي ثنتين وحده فيزه عاديه والارقام بارزات يعني طالعات على برا وهذي تنقبل
بس فيزة الشحن تنقبل اذا كانت الارقام بارازه يعني واضحت على برا او لا
اخر استفسار اذا ما تذكرت شي
كم اشيل معي كاش
عارف اني ابلشتكم وازعجتكم بس حاب يكون شهر العسل ما فيه اي منغصات
تحياتي واشواقي الحاره