السلام عليكم
هلا وغلا الغالي
انت تامر طال عمرك
لازم التاكس ..الفواتير الي عادها عندك تقدر تاخذ لها تاكس فري اما ألي راح فأبشر بالعوض ..
القطريه عندك خيارين ..الخيار الأول انك اتغير الحجز بالتلفون ويرسلون لك الحجز على الأيميل وإذا اطلبوا عليك دفع فلوس زياده ( ضريبة تغيير الحجز ) فأهنا لازم اتروح المكتب ..
مكتبهم كان في شارع ريجنت ستريت بس الحين غيروه راحوا مكان بعيد اشوي ..
اذكر جيته مره وحده وبالعافيه لقيت مكتبهم لأنهم امأجرين مكاتب داخل مبنى وهالمبنى ماتدخله إلا بأذن
بتأكد من عنوانهم وجايك ان شاءالله
ولي تامر فيه احنا تحت امرك الغالي

أخوي نواف
أنا حجزت السنة حق سفرة لندن من مكتب القطرية ، وسألت الموظفة ليش ع النت التذاكر أرخص ، قالت : لأنج ما تقدرين تغيرين الحجز ... (يعني لازم تسافر وترجع بحسب التاريخ المدون في الحجز بدون تغيير ).
أخوي دق على تلفون القطرية في قطر وانشدهم عن التغيير .

حبيبي اخ قطري والله ماتقصر وهذا العشم فيك
مو مشكله التكس انا حسبته تقريبآ 50 باوند
اهم شي ارجع انا كامتهم وقالو اقرب رحله لك في تاريخ 2710
وتدفع 50 دولا قلت مي مشكله بس اخ قطري انا داش على موقع القطريه عندهم ثلاث رحلات يوم 24 10
وكلها مفتوحه فيه امكانيه حبيبي هل اقدر ادفع الفلوس عند مكتبهم الى في المطار
ولا اروح ونخاهم وقولوهم تكفون صعدوني تتوقع فيه استجابه (لبنانيه على الكونتر )؟؟؟؟؟؟؟
وحبيبي مشكور على الجهود الى تقدمها لى انا شخصيا ولكافه الاخوان وانشاله في ميزان حسناتك
والله يشفي امك ويقومها في السلامه وماتشوف مكروه
والله انا دعينها من اول مانزل الموضع قبل لا نحتاجك

أم الحنايا https://artravelers.com
الله يعطيك العافيه والله مكلم اخواني يدق دقون عليهم
والله كريم انشاله ونرجع الانه والله الرحله قربت وانا الان شمال لندن
ماودي اجي واتبهذل واقعد كم يوم
على العموم الله يكثر من امثالك
وجزاك عنا وعن كل من قدمتيله مساعده خير جزاء

Qatar Airways
1 Cluny Mews, West Kensington,
London SW5 9EG, United Kingdom

• Closest underground station is

Earl's Court,the Warwick Road exit
http://www.qatarairways.com/global/e...nheathrow.html
هذا موقعهم و مبين لك اقرب اندر قراوند هو ايرلز كورت..
و بالنسبة لتغيير الحجز فسهود و مهود :)
انا زيك حجزت على القطرية من النت و كنت قبل سائلهم هل هي refundable و لا لا ..
قال لي ايه تقدر ترجعها و تاخذ فلوسك و تقدر تغير بحجزك. بس نخصم 50 دولار او اكثر او اقل و برضو تقدر تغير و ناخذ عليك 50 دولار او اكثر او اقل
ما اتذكر المبلغ بالضبط .. لكن بياخذون عليك مبلغ..
و صادق اخوي القطري بالنسبة للتاكس..
انا اللي سويته يا طويل العمر كل شي نشرية ناخذ فاتورته
و اذا كان المحل زحمة اجيه بعدين عشان اخذ التاكس
و قبل لا نمشي بيوم مريت على المحلات اللي معي فواتيرها و اخذت التاكس ريفند
و ابي انصحك عشان ما يجيك اللي جاني
انا كانت رجعتي في 28/9 جيت المطار قبل الرحلة تقريبا بساعتين و نص
تأخرت عند مكتب التاكس لانه كان مزحوم جدا .. و تأكد ان الاغراض تكون معاك
لأنو ممكن يسأل عن الاغراض
انا سألتني الموظفة و قلت لها هنا بهالشنطة و ما شيكت عليهم
بس اللي يشتغلون معها طلبو من بعض المسافرين انهم يشوفون الاغراض
يعني مو تقص البوردنق و تروح للتاكس ريفند
رح للتاكس ريفند و بعدين البوردنق...
و تعال بدري المطار لأنو ممكن تواجه زحمة...انا لحقت على الاخير لأني طولت عند البورندق
طلع عندي زيادة في الوزن s:
بس حبيت انبهك
و بالتوفيق ان شاء الله :)

قود مورنينق ,,
سؤال على الطاير يتعلق بالموضوع...... اذا كانت مشترياتي بالكردت كارد , اقدر استلم الضرايب كاش؟

بخصوص التاكس فري
عادي تقدر تجمع الفواتير ولكن بشرط ان يكون مجموع فواتيرك اكثر من 50 باوند لنفس المحل وبعدين تروح للمحل وتروح قسم التاكس فري وراح يجمعون كل فواتيرك اللي انت شاريها منهم في فورم واحد.
وبخصوص خطوط قطر ما ادري وينها

نواف411
تسلم الغالي
قبل ماأتروح المطار لازم تتصل واتأكد الحجز وبعدها روح مكتب المطار واستلم من هناك بس تأكد ان التغيير له مده محدده وفي الغالب يعطونك مجال يوم او يومين بالكثير عشان اتجي وتدفع الرسوم ..
انتبه حق هالنقطه واجد
اموفق الغالي

https://artravelers.com
الله يعطيك العاقيه واقصرت اخوى والله يكثير من امثالك على على الى سويته والله
عطيتني خوش رسم انشاله ما اضيع