متى رحلتكم اعطينا التواريخ ؟؟
دام معاكم سياره ان شاء الله نحصل سكن مناسب لكم
بس ممكن اعرف ليش حاطين 3 ليالي في فرانكفورت برايي اذا ماعندكم شي فيها الافضل مباشره الى رست وتخلون رست 4ليالي وانترلاكن 6 ليالي
او اذا ما لقينا سكن سعره مناسب نخلي انترلاكن 5ليالي ونضيف ليله في جنيف بحيث تسكنون بالريف الفرنسي اذا ماعندكم منقبات
انتظر التوارخي لان هي اللي تحدد الجدول

اخي بالنسبة لانترلاكن ابعد شوي عنها وبيرخص السكن كثير.
مثلا لو انت بتحجز من بوكينغ في قائمة منسدلة تحت اسم المدينة خليها مثلا 15 كيلو.
خيار اخر ممكن تختار grindalwald او jungfrau او bernies (مني متاكد من كتابة الاخيرة).
وبالنسبة لي جرندلفالد اللي هي اول واحدة اراها خيار جيد ومناسب خصوصا انها قريبة جدا جدا جدا من قمة first وقريبة ايضا من زحليقة صيفية, ومن الزحليقة الصيفية 5 دقايق بالسيارة وانت عند مكتب تذاكر قمة ينقفراو اعلى قمة في اوروبا.
اتمنى اكون افدتك.
بالتوفيق

مشكوره اختي دموع الوجد واخي lemonde اولا : تواريخ السفر صيف 2012 اخر شهر يونيو واول يوليو
اعرف الوقت بدري بس ابغى من الان علشان اوفر ميزانية السفر
ثانيا : فيها عندي شباب يحبون التطور والعمران لذا اخترنا نبقى في فرانكفورت 3 ليال يعني نبغى نرضي جميع الاذواق
ثالثا : زوجي متخوف من السواقه واقنعته باستجار سياره لذا ما يحب يسكن في اماكن وعره وانا اتمنى اسكن في انترلاكن نفسها
رابعا : السياره بنستاجرها من فرانكفورت ونسلمها في جنيف وعرفت انه فيه ضريبه اذا اختلف مكان التسليم فكم يكون المبلغ ؟
خامسا : انا وبناتي منقبات لذا نستبعد فرنسا
اسفه ع الاطاله وتحملوني جزاكم الله كل خير ...*

شوفي اختي فرانكفورت وجنيف السكن فيها غالي جدا جدا هالشي لازم تعرفينه
وحتى انترلاكن داخل المدينه لايتوفر شقق الافنادق وارح تاخذون غرفتين او ثلاثه وراح يكون السعر غالي
الحل الوحيد لكم انكم تبغون عن وسط انترلاكن وتسكنون بالقري القريبه منها ولو سكنتوا بالجبليه بتكون ابرد لكم

عزيزتي ياليت تدليني على شقق او فنادق قريبه من انترلاكن
وما رديتو علي كم ضريبة السياره

وش رايك اختي اغير على النمسا بدل سويسرا لانها غاليه
ويكون المخطط فرانكفورت - روست - ميونخ - زيلامسي - فرانكفورت
الحجز على الخطوط السعوديه لانها الارخص*

اكيد ارخص النمسا لكم وفيها شقق كثيره وتراها روعه وحلوه للعائله
اذا ماودكم تغيرون عن السعوديه يصير الوصول والعوده فرانكفورت
عندكم 14 ليله
فرانكفورت وصول فقط - 3ليالي رست - 7 ليالي زيلامسي - 3ليالي ميونخ - ليله فرانكفورت
ترى ميونخ احلى من فرانكفورت بكثير
ولو تدورون خطوط ثانيه يكون الوصول فرانكفورت والعوده ميونخ عشان تفتكون من الطريق من ميونخ الى فرانكفورت احسن واحسن
في النمسا متوفره الشقق والفلل وممتازه جدا اذا ناسبك املخطط بجيب لك خيارات للسكن في كل هالمناطق بميونخ ورست شقق روعه جربتها احنا عائله زيكم كبيره ماشاء الله وفي زيلامسي او كابرون فيلا او كوخ اللي نلقاه
بس لو عندكم توارخي ولو تقريبيه عشان ابحث لك واعطيك اياها

مثل ماقالو الشباب دام عندك سياره ابعد عن وسط انتر لاكن
وشوف ها الفندق احد اعضاء المنتدى يمدحه كثير ورخيص وقريب من انترلاكن
https://artravelers.com/p/re/611472