هلا اخوي اموت بالسفر
للاسف مااقدر اساعدك ماعندي اي معلومات

مدينة بورتلاند متوسطة الحجم وتعد من أجمل مدن الشمال الغربي للولايات المتحدة , فهي تمتاز بجمال طبيعتها وبلطافة جوها ,كما أنها بدون ضرائب 0 تحوي على ( داون تاون ) جميل وهادي نسبيا , كما تمتاز بخضرتها وأشجارها الضخمة , مدينة سياتل ليست بعيدة عنها , كما يمكنك زيارة مدينة ( فانكوفير ) الشهيرة عالميا بكندا,الجالية العربية متنوعة وتلتقي بهم إن رغبت في المطاعم العربية 0 باختصار لقد وفقت في اختيارها 0أتمنى لك إقامة طيبة 00ولاتنس أن تقوم برحلة على طريق (101)السياحي 0

اخوي الغالي والعزيز والعضو الجديد ( khalid3m3 ) بصراحه عطيتني دفعة قويه وانا من جد ابيك تعطيني معلومات اكثر عن طريقة السكن مع العائلات وهل في اعتقادك 3 شهور انجليزي ممتازه ( مع العلم اني اطقطق شوي ) وبالنسبة للمدينه هذي ( بورتلاند ) هل يكثر فيها عرب ( لاني بصراحه ماودي عشان اتعلم اكثر ) وهل فيها مساجد وهل اهلها طيبين ؟ وأبثقل عليك شوي بالنسبة لفنكوفر الكندية وبتحديد جزيرة فاكتوريا هل اخذ التأشيره من الرياض او من بورتلاند ( اذا فيه ملحقية سعودية ) ومشكورر على طول

الغالي ( أموت في السفر ) الله يعطيك طولة العمر00 الجالية العربية متوسطة مقارنة ببعض المدن الأخرى , وأماالسكن مع العائلات فاطلب من المعهد الذي تنوي الدراسة به أن يتدبر أمره , وبالنسبة لمدة الدراسة أعتقد أنها قليلة نسبيا , أما أهل المدينة فكانوا قديما يرفعون شعار ( مرحبا بك زائرًا , ولكن لاتقم ) أمافي السنوات الأخيرة فتعاملهم جيد مع الأغراب 00ولكن بعد 11سبتمبر تغير كل شيء00 وبالنسبة لتأشيرة كندا فكانت قديما غير مطلوبة لمن حصل على تأشيرة الولايات المتحدة ، والآن لاأعرف ، أنصحك بالا تصال بالسفاره الكندية والاستفسار منهم0 كما أنه لا يوجد ملحقية سعودية في بورتلاند 00

لازم فيزا عشان تروح فانكوفر .... و أسهل إذا تطلعها من السعوديه من كلام الأعضاء

كلكم مشكورين وماقصرتوا لكن بالنسبة لكلامك اخوي khalid3m3 ( أمافي السنوات الأخيرة فتعاملهم جيد مع الأغراب 00ولكن بعد 11سبتمبر تغير كل شيء00 ) من قال هالكلام هل هو الإعلام؟ فهذا الكلام غير صحيح اما اذا انت رحت بنفسك او احد من زملائك او اللي تعرفهم راحوا هناك فهذا شي ثاني لكن ياأخوان تراني اقول الإعلام هو سبب 70% من المشاكل ..
ومشكوره اختي بنت الصقور وشكل ابسمع نصيحتك وأطلعها من هنا ؟
بس هل يطلعون فيزة سائح ؟

أخى أموت بالسفر
يعطون فيزا سائح ليش لا ..... خصوصا إذا كانت عندك فيزة أمريكا بسهوله بيعطونك إياها ... بالنسبه للوضع هناك مستقر و مافى خوف ان شاء الله ... توكل على الله و ان شاء الله تنبسط هناك

مشكوره اختي بنت النسور على هذا الدعم الممتاز ...
وعلى طاري فيزة كندا توني جاي من صديقي مطلع فيزة امريكا واتصل على السفاره الكندية بالرياض وسألهم يحتاج اني اطلع فيزة لكندا وانا مثلا جالس( بسياتل ) وابطلع (ويك اند ) يومين( لفنكوفر ) وجاي قالت له الموظفه لا لا لا مايحتاج اذا كانت زيارة قصيره ... ( هو بنفسه يقولي قلت له بنت الصقور تقول : لازم فيزا عشان تروح فانكوفر .... و أسهل إذا تطلعها من السعوديه من كلام الأعضاء) قال بنت الصقور او السفاره ( انحرجت حبتين وقلت بنت الصقور معاها حق والسفاره معاها حق لكن الأحتياط احسن وأنشاء الله اذا طلعت فيزة امريكا اطلع فيزة كندا ) ومشكوره