دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في دبي

اخواني يليت اللي عنده فكره يفيدني عن شقق سيتي سنتر اختكم نونا الكويتيه

nona_q8

13-05-2022 - 01:08 am

مرحبا شباب شلونكم؟
انا بروح دبي بالربيع انشالله و ودي احجز شقق بسيتي سنتر لعايله كبيره واللي اعرفه انه اكبر شي ثلاث غرف وصاله وصراحه دخلت عالسايت مال سيتي سنتر مافيه توضيح للاسعار او الصور فاتمنى اي احد راح يقولي تجربته عن الشقق والاسعار اخر شهر يناير واذا في صور وهل اهو نفس بنفس السوق والا يحتاج سياره تدرون معانا صغار ونخاف عليهم والله يعطيكم الف الف عافيه مشكورين مقدما
اختكم نونا من الكويت

التعليقات (4)

*ريم*

13-05-2022 - 04:09 am

تقدرين تتصلين على إدارة الشقق وتستفسرين بنفسج وتحددين الفترة إلي بتحجزين فيها لأن الاسعار كما أعتقد غير ثابته وتتغير من موسم لموسم , أتمنى لج رحلة ممتعة في دبي

مهاجر

13-05-2022 - 05:10 am

شقق سوفتيل سيتي سنتر
موجوده في نفس مبنى سوق ديره سيتي سنتر
وصراحه لي أكثر من تجربه في هذا الفندق
وهو فندق نضيف ورائع واكثر ما يميزه وجوده في نفس مبنى السوق الشهير
أسعاره متفاوته
لكن سبق واخذت شقه 3 غرف 1300 درهم
عيب الفندق انه غالي
وللعلم هذا السعر في غير المواسم على ما أعتقد

cuccl_q8

13-05-2022 - 06:11 am

اختى هذه تشكيله من الشقق وانتى اختاري كلهم حلوين
الشقق الفندقية الضيافة 2
الخبيصى بلازا
الخالدية
الجوهرة
النخيل
الرحاب
تاج بالاس
البستان
سيتى سنتر
شقق آتريام سويت

seaface1

13-05-2022 - 07:12 am

شقق سيتي سنتر تعتبر من افضل الشقق الفندقية لكن اسعارها غالية جدا في نظري , خلال مهرجان التسوق سعر الشقة غرفتين حوالي 1830 درهم يعني الثلاث غرف اكثر شوي.
الشقق تقع بنفس السوق