reemgis
22-10-2022 - 12:52 am
السلام عليكم ورحمة الله وبركاتة
اخواني ممكن مساعدة انا بزوج شهر 23 / 9 بعد العيد ان شاء الله ... وابي اسافر المالديف 4 ليالي
ممكن اعرف شو الافضل اني احجز عن طريق النت ولا اسوي بكيج عن طريق الرحلات السياحية .... خاصة الاسعار في النت اشوفها ارخص .
انا ابي مكان في البحر... عتقد اسمها water valli
شو الفرق بين water villa و water villa spa هل هو فرق كبير ولا عادي شو الافضل
بس ما اعرف اي فندق احجز وين المكان مناسب حقي انا وزوجي
شو عن المواصلات من المطار للفندق اذا حجزت عن طريق النت مثلا .... كيف اسعارهم
ابي اعرف هل مطاعمهم صج غالية مثل ما يقولون ولا لا
شو الاماكن سياحية موجودة هناك الي اقدر ازورها ... شو الانشطة سياحية الي اقدر امارسها
شو المكان مميز لازم ازورة هناكي
احنا ميزانيتنا حق المالديف 11 الف درهم ... تقدر نزيد الميزانية لين 14 الف هل تكفي ولا لا
واكون شاكرة لكم
طبعا انا متعودة احجز عن طريق النت دايما بس في بلادنا الامارات ... هل هو نفس الطريقة ناخذ رقم الحجز وخلاص
كيف اعطيهم معلومات انة انا في شهر العسل
ما اعرف اذا اسئلتي خلصت ولا لا بس بليز اذا نسيت شي مهم خبروني .... خاصة انا وايد احب ازور هذة البلاد وخاطري من زمان ازورها وزجي اصلا متعود على البحر ويحب يسبح دوو طبعا
وشكرا
في البداية بقولج الف مبروك
أنا انصحج بانج تشوفين المواضيع اللي حاطينها الاعضاء
من تجاربهم وسفرتهم هناك
وانا افضل لج ان تشوفين مكتب الامارات للعطلات وتختاروا روحكم الباكج اللي يناسبكم
طبعا حسب ميزانيتج
وطيران الاتحاد بعد منزل عروض صالحة لشهر ديسمبر تقدرين تتاكدي منها بنفسج
وأي استفسار أنا حاضر وفي الخدمة