اخونا كازا
وعليكم السلام ورحمة الله وبركاته
تقريبا المصروف الاسبوعي مابيقل عن 500 دولار من مأكل ومشروبات وزيد عليها اشوويه حق التنقل بين التاكسي تقريبا 600 دولار والهدايا وغيرها من امور تعتمد عليك شو بتشتري من هدايا ماركات عالميه ولا تقليديه هناك اشياء كثيرة تقدر تشتريها من الكترونيات ومواد تجميليه ونسائية وغيرها

طيب سؤال هل الاكترونيات خلينا نقول نفس السوني يقل اسعارها هناك ولا تبقى مثل ما اهي ولا تزيد؟؟
بالنسبة لو الواحد حاب يشتري اشياء غريبة وين ممكن يحصلها؟؟
واخوي تعددت اماكن اللي تنباع فيها الجناط ( الحقائب ) التقليد حضرتك من خبرتك وين احسن مكان في بانكوك و انظف شغل بالنسبة لبضائع التقليد؟
ولو حابين ناخذ جناط بس ماركات جديدة ماراكات تايلاندية ما تكون رخيصة ولا تكون غالية وين ممكن احصلها ؟ وشنو المجمع اللي يكون اسعاره متوسطة لا هو رخيص ولا هو غالي
عارف لك موضوع مخصص عن السوق لكن مالقيت شي مخصص كل شي يتكلم بشكل عام
اخر شي اخوي بالنسبة هل تعرف مكتب في بانكوك يأجر سيارات مع السايق ؟
ووين ممكن تحول فلوسك من اي صراف ولا بالبنك احسن؟

1. المعبد 15 د.ك للشخص


2. Safari World الي فيها النمور 27 د.ك

لو انا بسوي كل هالاشياء احتاج تقريبا 1500 د.ك حق الفتره كلها :d
اول شي التكسي + الاكل مرتين شامل العصائر و الفواكه و كل شي + مصرف احتياطي = 300 -350 د.ك انت راهي
الرحلات : سوق المراكب للشخص الواحد 24 د.ك و للشخصين ارخص طبعاا 13.500 د.ك
حديقة الورد 22 د.ك و حق شخصين 12 د.ك

المعبد 15 د.ك للشخص

Safari World الي فيها النمور 27 د.ك

( معبد النمور موجود في جزيرة كرابي و ليس في بانكوك و الذهاب الى كرابي عن طري بوكت ساعه في السياره ثم تصعد درج على الجبل مكون اكثر من 1000 درجة و هناك اتشوف الي انشوفهم بالتلفزيون .. كل الناس اتحسب انهم في بانكوك انا شخصيا عيزت ابي اروحلهم اخر شي تعرفة على فتاة تايلندية لديها مكتب رحلات و حجوزات و قالتلي هالشي وانه ايودون ناس حق هالتور بس محد يقدر يصعد الجبل فيرجعون .. و مرة وحده شباب كويتيين قدرو يصعدون .. خلتني مو بس اهون عنهم الا مافكر اني اروحلهم LOL )اسفه خربت عليك بس عشان ماتدور على الفاضي نفس ماصارلي
يعني 88 د.ك حق الرحلات وتلقا هناك ارخصص وايد وعروض حق القروبات بس هذي الاسعار من الكتلوجات ملوتهم 2008
الهدايه : تحتاج 500 د.ك
و الوزن بالمطار (((((((( من الهداييه جنك تشتري اقراضك مره ثانيه
واسفه على الاطاله

مشكور فديته و ماقصرت والله كان في بالي وايد اسئلة بس راحوا عن بالي ان شاء الله اذا تذكرتهم اكتبهم اذا ما اضايق احد فيهم

حياك الله اخوي و اي سؤال لا تتردد

طيب سؤال هل الاكترونيات خلينا نقول نفس السوني يقل اسعارها هناك ولا تبقى مثل ما اهي ولا تزيد؟؟
بالنسبة لو الواحد حاب يشتري اشياء غريبة وين ممكن يحصلها؟؟
واخوي تعددت اماكن اللي تنباع فيها الجناط ( الحقائب ) التقليد حضرتك من خبرتك وين احسن مكان في بانكوك و انظف شغل بالنسبة لبضائع التقليد؟
ولو حابين ناخذ جناط بس ماركات جديدة ماراكات تايلاندية ما تكون رخيصة ولا تكون غالية وين ممكن احصلها ؟ وشنو المجمع اللي يكون اسعاره متوسطة لا هو رخيص ولا هو غالي
عارف لك موضوع مخصص عن السوق لكن مالقيت شي مخصص كل شي يتكلم بشكل عام
اخر شي اخوي بالنسبة هل تعرف مكتب في بانكوك يأجر سيارات مع السايق ؟
ووين ممكن تحول فلوسك من اي صراف ولا بالبنك احسن؟
الالكترونيات نفس الاسعار انا لما شفتها ما تفرق عن الي عندنا . وفي مجمع عجيب كله اجهزه كهربائيه .
و بالنسبه للاشياء الغريبه ( التحف ) تحصلهم في MBK الدور الثالث او الرابع ما اذكر بالضبط بس في شغلات تحف تايلنديه و شموع و ابجورات وايد حلوين انا خذيت منهم .
و حق البضاع التقليد بالنسبه لي اشوف احسن مكان MBK اكثر شي مضبوط و مورخاص
رحت وايد اماكن يشترون منها العرب في شارع العرب و دواعيس بس شغلهم مو نظيف و مبين تقليد و نفسية الي يبيعون ((( X)))) يعني كله منفسين
مع ان الناس العرب وايد ايدورون هناك و يشترون منهم بس شغل MBK وايد انظف و ماتبين تقليد . ( من وجهة نظري )
في محل في MBK اسمه bangkok cool اصغير و في الدور الثاني لونه وردي من داخل اتبيع في عجوز تايلنديه اهي الي اتصمم الجناط و البواكه صناعه محليه والله حلوين واناشريت منها ..و وايد اسالوني شنو ماركة البوك او الجنطه لما اشيلهم ( هذا الوحيد الي اعرفه يبيع جناط صناعه محليه ) اعذرني
و المجمعات كلها اسعارها وسط و وايد حلوين مثل : بلاتينيوم - و السواق الصغيره الي جدامه - MBK - سينترال والله وايد في و كلهم حلوين
و بالنسبه للسياره : افضل لو انكم عايله تاخذون سيارتين اذا انتو وايد و اتواعدون في نفس المكان و لما اتوقف التاكسي اتقوله بالميتر وايد سواق مايرضون بس هم وايد يرضون بالميتر لانه بيطلع عليك ارخص وايد من الباص و السواق .. و اذا التاكسي بالميتر بيطلع عليك بالكثير اذا فندقك مو بعيد 50 او 100 و ان زاد 150 بات حده .. اذا ماقلتلهم بالميتر ياخذون منك 200 او 250 بات
و لتحويل لفلوس انا كنت اسحب من مكينة ال ATM المبلغ الي ابي لانه لو اشوف كل الفلوس بيدي ماوقف صرف .. و تسحب بالبات شكثر تبي و مايفرق وايد في التحويل اعتقد من البنك البات اب 8 فلوس (كويتي )
و البنك ياخذ عموله 1 دينار او 1.500 دينار (كويتي)
اتمنى اكون افدتك

مشكور اخوي وماقصرت يعطيك الف عافية اما بالنسبة للعوايل انا احتمال كبير نازل بروحي

سؤال you are a male or a femal?? اسف انا ما ادري؟

سؤال you are a male or a femal?? اسف انا ما ادري؟
لول
عادي انا F :P