1. عدم علمي انه فيه مطارين هو اللي خسرني


2. شريت تذاكر جديده بستمية ريال

الحمدلله على سلامتي >> امس الخميس واصل من تايلند
حبيت انوه على بعض الاخطاء اللي يجب على الواحد يتنبه لها قبل يروح لتايلند لاني خسرت الكثير بسببها والغريب اني على كثر ماقريت في المنتدى محد ذكرها وهي مهمة
أبدأها :
1- في بانكوك مطارين دوليين مو واحد والمسافة بين الاول والثاني ( ساعة كاملة ) يعني لازم تتاكد حجزك وين
اللي حصل لي اني ركبت مع تاكسي وقلت له المطار قال وين تبي تروح قلت شنغماي ورحنا المطار
يوم وصلنا باقي على الاقلاع ساعه وربع ادور الخطوط اللي ابيها ( nok air ) مالقيتها سألت عنها قالوا هذي بالمطار الثاني ولا فيه امل يمديني

عدم علمي انه فيه مطارين هو اللي خسرني

شريت تذاكر جديده بستمية ريال

2- في المطارات التايلنديه يمنعون تركب معاك في الحقائب اليدوية في الطيارة سوائل اكثر من ( 100 مل ) طبعا انا طلعوا من شنطتي الشامبو وشريت غيره وطلعوا ( علاج للمعده كنت بعد معاناه وبحث شهرين لقيته وغالي ) ورمونهم بالزباله شاريه 220 ريال ولا بعد استخدمته
3- اذا جاك احد للفندق اول ماتسكن وعرض عليك اسعار رحلات ووراك الاسعار في اوراق الشركات لا تاخذ منه ورح لمكاتب الرحلات والحجز
اول ماسمنت في بوكيت وتكلم علي وحده وتجيني للفندق وتعرض علي اسعار رحلات وتوريني بالكاتلونج فعلا توجد الاسعار زي ماقالت ولاني ( ذيب ) كاسرتها وخفضت لي سعر رحلة ( جمس بوند ) من 2400 بات للشخص الى 2000 بات ودفعت لي انا وزوجتي 4000 بات وراحت يوم طلعت بالشارع واروح لمكتب وثاني وثالث والقى رحلة جيمس بوند سعرها 799 بات للشخص يعني ناصبه علي 2400 بات
4- لا تصدق احد يقول لك ما اقدر انزل هذي تسعيرة شركة ويوريك السعر على نفس البضاعه
هذي حركه يسوونها عشان تقتنع
اي شي تبي تشريه قارن بين السعر اللي عندك في السعوديه وبين سعرهم اذا مافيه فرق لاتشريه
5- اذا حجزت عن طريق النت لازم تطبع الحجز بورقه وتاخذه معك لانهم يتعبونك اذا مالقوا اي بيانات لك متى رحلة العودة
.
.
اذا تذكرت الباقي كتبته