بالنسبه للفندق في تاريخكم
ممكن تاخذون غرفتين
وتقسمون السعر المطلوب
يعني كحد اقصى الى فهمته
لايتجاوز 5500 ريال للغرفه في 11 ليله
اذا قدرتو تزيدون 1500 زياده
فندق الكمبرلاند
https://www.booking.com/hotel/gb/cumberlandhotellondon.ar.html?aid=1300939
التوتل 14000 ريال تقريبا
انصحكم فيه
موقعه ممتاز
وفي بداية جوان رود ( شارع العرب )
وبداية شارع التسوق الشهير اوكسفورد
الغرفه راح تطلع عليكم
0ريال ل 11 ليله
اخذو غرفتين متلاصقتين
فيما يتعلق بالسؤال الثاني
استخدمو الاندرقراوند والباص
وجمب الفندق الى ذكرته مسافة دقيقه محطه اندرقراوند
ومحطة رئيسيه للباصات
البطاقه الاسبوعيه تقريبا للشخص
7باوند او 29 مع بطاقة اويستر كارد
وانصحكم فيها
وابي ترتيب للرحله يكون حلو وانتو مومقصرين
بالنسبه للسؤال هذا يا اختي الفاضله في موضوع مثبت
جدول سياحي لمدة 7 ايام
تقدرون تستخدمونه
بس اهم شي الخطوه الاولى وهي الفندق
ولكل حادثا حديث
تحياتي

اشكرك اخوي بيبسي كولا وربي ماقصرت والفندق مبين انه حلو وسعره زوين بالنسبه لفخامته بس عندي استفسار عن الاندر قراوند لو خذيت البطاقه الاسبوعيه يعني استخدم المترو اكثر من مره في اليوم عادي؟
ولو بغيت اروح للاوت لت اقدر استخدمها ؟
وكيف بعد احصل على البطاقه انا قريت في مواضيع الاعضاء بس مافهمت فما استغني عن مساعدتك

يامرحبا بأختي
بخصوص البطاقه
تستخدمينها باليوم مليون مره
وتستخدمين الباص بنفس اليوم مليون مره
يعني لو تستخدمين بالاسبوع
4مليون مره
محد يكلمج )))
مفتوحه
بالنسبه للانتقال للاوت ليت
لا يا اختي ماله علاقه بالاندر قراوند
تاخذين قطار
وهذا تقرير كامل عن الاوت ليت
يبعد ساعه
والتقرير حاصل على خمس نجوم في البوابه
https://artravelers.com/p/re/347408
واذا حابه تعرفين اكثر عن القطارات
في بتوقيعي
تقرير مصور عن قطارات بريطانيا
القي نظره عليه
بالنسبه للسؤال الثالث
كيف تحصلين على البطاقه
انتي اول ماتطلعين من الفندق
راح تمشين ثلاثين ثانيه الى محطة الاندرقراوند
روحي لمكتب التذاكر
وقوليلهم هل الكلمه
Can I have oyster card for 1 week , zone 1 and 2 ?
وسلامتك )))

ههه الله يعطيك العافيه اخوي وانتضرني باساله قادمه
ادري اني بازعجك بس تحملني
ولك ودي واحترام

حياج الله
انا والاخوان والاخوات
جاهزين
بالتوفيق ان شاء الله

ماقصر مشرفنا بو سعد يعلة ذخر

aa05
السكن يفضل تحجزين من بدري عشان الاسعار تكون ارخص وشوفي بوكينج
اهم مناطق السكن بالاكسفورد والمايفير
الموصلات اقتصاديا طبعا الاندرجراوند والباصات سوي سيرتش عن الاويستر
https://artravelers.com/p/re/395938">https://artravelers.com/p/re/395938 https://artravelers.com"left">من الموبايل