نبض المعاني
23-02-2022 - 07:12 am
السلام عليكم ورحمة الله وبركاته
شحالكم كلن بحاله؟
أنا اختكم من الإمارات وحبيت أعرض لكم الباكنج تبعنا حق النمسا وسويسرا
وابا رايكم فيه
السفر بيكون في يوم الأربعا 18-7 طيران الإمارات مطار دبي الدولي
ليلتين فيينا في لي مريديان والسعر 2040 درهم
ثلاث ليالي سالزبورج في رنساينس (renaissance) السعر 2385درهم
ثلاث ليالي زلامسي في فندق لاتيني السعر 2160 درهم
ثلاث ليالي زيورخ في فندق swissotel السعر 1440 درهم
حبيت اعرف اي رمز ل محطة القطار في فيينا وقرب لي مريديان يعني u شو؟
وشو هي اهم المناطق لي تستاهل الزياره في كل مدينه
طبعا المواصلات بتكون الباصات والاندروو
ويكفي مبلغ 10 ألاف لشخصين مصروف من أكل وتنقل بين المدن؟
واي محطه قريبه من فندق رنساينس في سالزبروج ؟
واذا عندي اسئله برد اكتبهن ومشكورين مقدما
والسموحه ع المغثه
اهلا وسهلا باهل الامارات وان شاء الله رحلة موفقة وسعيدة
اول شي بما انكم حجزتم وخلصتم ودفعتم فما راح اتكلم عن الاسعار اللي اخذتم فيها
بالنسبة لفندق ريساينس في سالزبورق هو فندق رائع بحق سكنت فيه العام الماضي محطة القطار تبعد خطوات منه
بالتحديد اول ما تنزلزن من القطار وتطلعون برا في الساحة الخارجية بتشوفون على يمينكم موقف الباصات اطلعو قدام ولفو يمين من اول لفه وبعدبن اول لفة يسار بتلاقو الفندق على يمينكم يعني خطوات بسيطة ما يحتاج سيارة ولا تاكسي ولا شي
بالنسبة لفندق لا تيني بعيد عن السنتر وسكنت فيه برضو العام الماضي لكن موقعه جميل جدا لمن معه سيارة بعيد ورايق عن الازعاج
واللي ما عنده سيارة في موقف للباصات قريم من الفندق خطوات بسيطة
اتمنى اكون افدتك تمنياتي بسفرة سعيده لكم ان شاء الله
ابوعبدالرحمن