لي شهر وانا احوس بها الموقع كل يوم لي برنامج الحمد الله والشكر كان قبل يقتصر على5 فينا-3سالزبورغ- 6زلامسي-3ميونخ
لكن من خلال تصفحي للمنتدى اكتشفت ان فينا اغلبها قصور وحدايق ومتاحف وانا ماحب التمشي فيهم احلا الي فيها الزحليق الصيفية بس قلت خلينا نشيلها من القائمة واعوضها بسويسرا
حلو انك تزور 3 دول اوربية في سفرة وحدة
برنامجي يتكون من 17 يوم
طيران الاتحاد من الرياض-ابوظبي-ميونخ
العودة من جنيف- ابوظبي- الرياض
3 ايام بمينوخ ثم بالقطار الى سازبورغ في النمسا بينهم ساعة
3 ايام بسالزبورغ ثم بالقطار الى زلامسي بينهم ساعة
5 ايام بزلمسي ثم اروح سويسرا
بس محتارة وين اروح مالي الا 6 ايام وزعوها لي بين مكانين لاتقولولي جنيف لان كل اللي سالته يقول مو حلوه فيه احلا منها انا بروحلها وقت الاقلاع فقط
وش رايكم اختار زيورخ ثم انترلاكن يكون
3 ايام بزيوخ 433كم 3 ساعات بالقطارتقريبا
3 ايام انترلاكن ساعة عن زيورخ 126كم ثم العوده الى جنيف ساعة 218كم لطيارة على طول
عندي عدة اسئلة افيدوني لاتبخلون علي ولو نص علومة
س1 وش رايكم ببرنامج الثاني مو احلا من الاول؟
س2 هل زيورخ وانترلاكن افضل مكانين في سويسرا واذا فيه غيرهم ايش هم وليه؟
س3 وش افضل فنادق 3 او4 نجوم في زيورخ اوانترلاكن او الي بتذكرونهم بشرط تكون السعار بين500الى600؟
س4كيف اروح لانترلاكن هل فيه قطار؟
س5 كم يساوي الفرنك السويسري بالريال؟
س6 هل تكفي مزانية 25 الف؟
وجزاكم الله الف خير بليز لاتنسوني ردوا علي لا تقولون تصفحي المنتدى وتنحل مشكلتك لان عيوني احولت