بصراحة لايفوتكم مطعم كرمنا في السوليدير .. يقدم احلى كبسة سعودية ( لحم او دجاج) واللحم احلى والذ ( بالنسبة لي) طبعا المطعم يملكه مستثمر سعودي .. وقبل سنة تقريبا قام بشراء مقهى بلاس دي ليتوال اللي بجنب الكنيسة على الدوار بساحة النجمة ما شاءالله .. وكمان في الفترة الاخيرة قبل شهرين او اقل قام المستمثر بشراء مطعم (سيتا) اللي بجنب البيتي كافية في السوليدير .. يعني الأخ عمر صار يملك ثلاث مطاعم في منطقة السوليدير ( وانا اعتبرها افضل ثلاث مطاعم ) اول عمل قام به عند شراءه هذي المطاعم منع فيها بيع الخمور وانا اعتقد ان هذا هو السبب الحقيقي في نجاح مشروعة .. كمان عمل حركة حلوة وهي انه غير قائمة الطعام ( المينيو) بالنسبة لمطعم كرمنا وقهوة ليتوال او تقدر تقول انه اضاف عليها بعض الاكلات السعودية ( الشعبية) مثل الكبسة بانواعها والمرقوق والقرصان والسليق والسنبوسة (السنبوسة مسكته لاتفوتكم) طبعا هذي الاكلات يطبخها في مطعم كرمنا .. فكرته ممتازة وناجحة والدليل انه في ايام عيد الاضحى وخاصة بعد الساعة 10 مساء نادر ماتحصل طاولة فاضية في المطاعم الثلاثة ( كرمنا – ليتوال – سيتا) علما ان مطعم سيتا ماغير المينيو حقه خلاه زي ماهو بنظامة القديم فقط حذف منه المشروبات الروحية. وماشاء الله ماشاء الله خلال فترة العيد زي ماقلت لكم المطاعم الثلاثه نادر ماتحصل فيها طاولة بعكس المطاعم الاخري اما مشغول نصفها او انها تحب راسك وتترجاك تجلس عندهم ( وخاصة مقهى الجراند قدام الساعة) على قولة المثل الشعبي ( يكش ذبان) انا مريت من عنده ثاني يوم العيد لقيت 4 او 5 طاولات مشغولة وباقي الطاولات حاط عليها صحن فواكه يبين للناس انها محجوزة علما اني مريت عليه الساعة 10 مساء ثم 11 ونصف واخرة لما جيت اطلع على الساعة 1 والطاولات نفسها. ******************************************* .. واتمنى من الاخوان في منتدى لبنان اذا راحو بيروت ان يجربون كبسة اللحم وانا متأكد انكم راح تدعون لي وتذكروني بالخير.
تم تحرير جزء من النص