- السلام عليكم ورحمة الله وبركاتة
السلام عليكم ورحمة الله وبركاتة
اخواني اخواتي اعضاء المنتدى بداية ابارك لكم الشهر الكريم جعلنا الله واياكم من صوامه وقوامه ومن المقبولين فيه وان يعتق رقابنا ورقاب والدينا والمسلمين اجمعين اللهم آمين , ارجوا منكم ان تقبلوني عضواً جديداً معكم وان افيدكم كما استفدت منكم
اخواني بداية اشكركم على المنتدى وانا من زمان وانا من رواد هذا المنتدى الرائع لكن لاحظة بعض الملاحظات من الإخوان على الشعب الفلبيني
1- الشعب الفلبيني شعب مبتسم وطيب وداج ( داقه الفقر ) الله يكفينا الشر وببخشيشك تمشي امورك هذا اذا ماكنت صاحب ابتاسمة مثلهم .
2- بالنسة لاغلب من تعالمت معهم من الشعب لاحظة عندهم تفهم فهذا احد المواقف مرة دخلت مطعم وكنت مااشوف من الجوع ومير اشوف ذيك الصورة وهي صورة المكرونة اللي تطير العقل ويوم طلبتها قالولي ماتصلح لك قلت افا قالوا اذا انت مسلم ماتصلح لك سويت نفسي دلخ قلت ليش تعرفون لقافة وحب تاكد قالو فيها Pork خنزير اجلكم الله وانا اللي تحول عيوني زيادة من الجوع ولكن شكرتهم جزيل الشكر على حرصهم وصرت من بعدها كل مادرعمت مع باب اي مطعم اساله ان كان عندهم اكل بدون خنزير اجلكم الله او لا ، علما ان المطعم شركة كبيرة ولها فروع عندنا بالهبل .
3- شعب خاصة اصحاب المحلات والفنادق لو سالته عن الأمان في اي منطقة حاب تسكن فيها يعلمك , تصدقون انا اراجع عند دكتورة فسالتها عن سوق بس مارايح اقولكم وشوله سالتها عن السوق قالت لي اسمه لكن والله نسيته قالت بروح معك ومعنا دكتورة ثانية عشان مايصير لك شي بس بشرط تفصخ ساعتك قلتها ليش عاد الساعة قالت هالمنطقة من يوم يشوفونك لابس ساعة حتى ولو ماكانت غالية ( احلى اخشك ساعتي غالية ) على طول يسرقونها تدرون وش تذكرت تذكرت اللي يسرقون النعال الله يعزكم والسامعين عند بيبان ......؟؟؟؟؟ ( مايحتاج اكمل واطلع الفضايح ) .
4- صحيح الحرص زين بس مو لدرجة ان الواحد يتشهد قبل يجي للفلبين ولكن ما اقول انه مافيه اماكن خطرة فيها بس لو سالتهم قالو لك .
عاد تصدقون لو قارنة الشغالة الفلبينية بغيرها بتلاحظ انها افضل وبمراحل لابالشغل ولا بالنظافة ولا من ناحية اللف والدوران بس الفلبينين مشكلتهم انهم مايبون قرقر كثير ونحة فوق راسه يعني علمه الخط واتركة لاتزن علية كل شوي ليش كذا سو كذا .
انا ماودي اطول عليكم لكن ممكن رجاء من اهل الخبرة في اماكن الترويح والتسليه والتمشي في مانيلا لاني ما اقدر اطلع منها بسبب هالسنون اللي هدوها لي ونفس الوقت تصدقون صرت مااكلم احد ماغير جالس على النت لأني لو ضحكت او سولفت طلعت ثرمتي وبصراحة استحي ، فانا أبي اماكن اتمشى فيها وتكون ماتسكر الا وقت متاخر من الليل مو الساعة 9 مثل الاسواق فبعد ذهاب اثنين من النشامى الشقردية اللي قابلتهم في الفلبين حسيت بطفش زيادة على وجع الاسنان الله يفيكم الشر والمشلكة عودتي توها يمنك بعد اسبوع تقريبا ٌ إن شاء الله .
آسف على الإطالة واشكركم
