السلام عليكم
شباب انا ناوي اروح اغادير ان شاء الله العيد ولمدة اسبوع
وطبعا فريت المنتدى وقريت كل المواضيع عن اغادير من عام 2004 الى اخر موضوع انكتب تقريبا
ذكرتوني بايام الاسهم يوم كان الواحد يفر المنتديات حقت الاسهم كلها عشان يدور موضوع عن
السهم اللي هو شاري فيه خ وواحد يطبل وواحد يرجف ههه ماعلينا ماودي اطول عليكم
بعد بحث وتقصي وتحفير في كل مايتعلق بالسفريات والتذاكر من شركات طيران ومكاتب سياحيه ومواقع نت
طلعت اخيرا بتصور نهائي وحجزت عليه التذاكر والاوتيل والسيارة
طبعا التذاكر موضوعها هين
الاوتيل ياطويلين العمر حصلت في اماديل بيتش الليله في غرفه دبل لشخصين مطله على البحر
مع فطور وعشاء لشخصين ب 775 درهم شامله الضرائب والخدمه ...الخ
وش رايكم بهالسعر احسه كثير على هالاوتيل وشكلهم لعبو علي ؟؟!!
نجي لسالفة الموتر
لقيت ياطويلين العمر
انفينتي 2009
بسعر 400 درهم شامل التامين لليوم
ووش رايكم بعد بهالسعر وهل احصل جي بي اس نظام ملاحه فيه خريطة اغادير
لاني والعياذ بالله من كلمة انا مادري وين الله حاطني ومدري هي مشرقه والا مغربه
وبعد ماتفتوني بالاستفسارين اللي فوق ودي اتبيثر عليكم شوي وانشدكم عن
المطاعم والكفيات الحلوه والاماكن اللي يصلح الواحد يتمشى فيها في اغادير
انا لقيت بلمواضيع اغلبها بس للاسف كانت المواضيع قديمه واخاف ان ذيك الاماكن اكل عليها الزمن وشرب وحلى
والسؤال الاهم والخطير مره جدا جدا ابدا لمالانهاية هو
رحلتي بتوصل اغادير 12 بالليل وودي قبل اوصل الاوتيل امر سوبر ماركت والا بقاله وين احصل احد فاتح بالليل
لاني قريت انك اذا دخلت الاوتيل تقدر تدخل معك اي شي بس ثاني يوم انسى انك توطوط عند الاوتيل ومعك حتى
لو قارورة ماء صغيره هع
معليش جدا على السحبه الطويله بس مالي الا الله ثم انتم
وفي الختام لايسعني الا ان اتقدم بخالص الشكر والعرفان لكل من سوف يساهم في فك شفرة
استفساراتي ورموز اسالتي ولافض فو من رد علي ولاتربت يدا من لايرد علي واخر دعوانا ان الحمد
لله رب العالمين