أشكرك أخي على المعلمات الاكثر من رائعة .......

جزاكم وا اقل من جزاكم ليش ماتخبروني عن عنوان الشقه في سويسرا
اهلين اختنا هداوه اشحالج وشحال العائله الكريمه ، الصراحه احنا العرب نييب السبب حق عمارنا ، شالله
كالفنكم اتضيقون على عماركم ويحبكم حق الرصه واليوله ومذلة الناس اللي فيهم جشع وطمع ، صبري
علي عقب ارمضان بنزل موضوعي وتقريري وبتكلم فيه عن كابرون والسكن فيها ، كابرون مب امحضه كل
شي فيها لكن شو بتقول وانا على فكره قبل سفركم ترى نصحتج ابكابرون لكن مايابتج الرمسه قلتيلي نبا
اليوله ووين الزحمه والعرب ، رديتي تتشكين ، انا ساكن في بيت عندهم شقتين في كابرون الشقه
اللي فيها غرفتين وصاله تنقلب الى غرفه ثالثه يبغونها ب80 يورو وبلكونه مطله على اليبل .
يالله ان شاء الله هاي الحرمه النمساويه تطلع لها اخت سويسريه عندها بنايه فيها مساحه للعب اليهال
وقريبه من المكادونالدز

هيمان سفر
ماعرفت شو ارد عليك ، ماعليه ياأخوي هيمان شمتان فينا :112: ، لكن بعد مابقولك عنوان شقتنا وانا كنت اقول حرام بعطيه العنوان لكن الحين لا والف لا :112:
وانا وصيت صاحبنا يشيل الالعاب بشوفك كي بطلعها
وبالنسبه لكابرون صدقني ما أقدر اسكنها وابعد عن زيلامسي ، ولو استوتلي سيره مره ثالثه بسكن في زيلامسي بس في شقق افضل من اللي سكناها ( طلعت ملقعه وشفت الشقق اللي حوالينا ونشنت على كم وحده ) ومابعطيك عنوانهم

احذروا تسكنون في هاي الشقه
http://www.stjernholm.at/
هذي العماره قبل سنتين انا سكنتها وايامها كانت صاحبة الشقه وايد لطيفه ، اما الحين فصارت شريره ولو رجعت مره ثانيه زيلامسي مابختار هذي العماره مره ثانيه ، للاسباب اللي بخبركم ياها :
1- العماره مافيها لفت ( مصعد ) .
2- الشقق اغلبيتها ضيقه خصوصا للعوائل الكبيره .
3- في العماره كلها وهي3 طوابق و9 شقق غساله وحده ونشافه وحده ، وفي الغالب بتلقونها هي اللي تغسل فيها وتحجزها عنا ، لدرجة انه مره كلمناها وقلنا لها هاي مب حاله نحن نبا نغسل وانت دايما حاطه غسيلج وبعدها خففت شوي ، وغير هذا الغساله تحاسبنا عليها يعني في الغسله الوحده ندفع 50 درهم تقريبا لان الغساله ب 6 يورو والنشافه ب4 يورو ،واحيانا ماأدري شو تسوي فيها وتسكرها عنا.
.
:smile001:[/Q
الملاحظات الثلاث هذي كان ممكن تكتشفينها من اول سنه
ومشكوره على التحذير بس اللي اعرفه انه كل شقة تاخذ رسوم تنظيف نهائي يتراوح من 30 الى 100

الملاحظات الثلاث هذي كان ممكن تكتشفينها من اول سنه
ومشكوره على التحذير بس اللي اعرفه انه كل شقة تاخذ رسوم تنظيف نهائي يتراوح من 30 الى 100
السنه الاولى ماكانت هاي قوانينها ، ورسوم الغساله كانت أقل ، اما رسوم التنظيف في السنه الاولى ماحاسبتنا على التنظيف لما شافت شقتنا نظيفه وكان هذا شرطها والسنه هاي وبعد مادفع زوجي قالت هذا قانون يديد والمشكله ماطبقته على الجميع ، والمصيبه الاكبر هي دخولها شققنا ونحن مموجودين وما أعتقد انه هذا متعارف عليه.
تحياتي لك

1. 2- الشقق اغلبيتها ضيقه خصوصا للعوائل الكبيره .


2. نعم يجب ان يتناسب العدد مع حجم الشقة !!


3. ما سبق لي ان جربت الغسيل في اي من الشقق اللي سكنتها ..


4. ومن عيوب صاحبة الشقه وهذا اللي كرهناه في سكنها :

مرحبتين أختي , انا سكنت في هالعمارة هذي السنة , و الاخ "راي" من الكويت سكن فيها العام الماضي و نصحني فيها ..
1- العماره مافيها لفت ( مصعد ) .
اغلب العمائر و الاكواخ في الريف بلا مصاعد ...

2- الشقق اغلبيتها ضيقه خصوصا للعوائل الكبيره .

نعم يجب ان يتناسب العدد مع حجم الشقة !!

3- في العماره كلها وهي3 طوابق و9 شقق غساله وحده ونشافه وحده ، وفي الغالب بتلقونها هي اللي تغسل فيها وتحجزها عنا ، لدرجة انه مره كلمناها وقلنا لها هاي مب حاله نحن نبا نغسل وانت دايما حاطه غسيلج وبعدها خففت شوي ، وغير هذا الغساله تحاسبنا عليها يعني في الغسله الوحده ندفع 50 درهم تقريبا لان الغساله ب 6 يورو والنشافه ب4 يورو ،واحيانا ماأدري شو تسوي فيها وتسكرها عنا.

ما سبق لي ان جربت الغسيل في اي من الشقق اللي سكنتها ..

4- صاحبة العماره صار لسانها وايد طويل ومعاملتها زفته الا للي تباه ، وبعد صارت ماديه وايد .
انا سكنت عندها اسبوع و من ثم ذهبت الى سويسرا , ورجعت مرة اخرى لاربع ايام .. ما وجدت منها الا كل اهتمام و تعامل جيد , اما بخصوص المادية اذكر اننا مددنا اخر يوم و اعطتنا النت مجاني لمن شافتنا حريصين عليه !!

ومن عيوب صاحبة الشقه وهذا اللي كرهناه في سكنها :

1- اكتشفت بشاكرتي انها تقدر تغسل ب2 يورو وتنشف ب 1يورو ، ولان صاحبة العماره دايما تشيك غرفة الغسيل كنا نترياها تروح وبعدين نغسل
2- اكتشفنا بعد انها مب استغلاليه بس لكن بعد حراميه لان اول مره كنا بنغسل في غسالتها وقفت مع صاحبة العماره عشان تعلمني كيف اشغلها وطلبت مني 6 يورو فقمت وعطيتها وبعد ماحطتهم لاحظت انه في ايدها 2 يورو فسألتها انتي حاطيتيهم كلهم قالت هيه وانا صدقت .
وهي ماصرقتني بس هي بعد عاملتني بغباوه لانها شافت في ايدي 2 يورو صحيح وسألتني اذا ابا اخردهم وانا على ويهي عطيتها ، وبعد ماسارت خبرتني خدامتي انها حسبت الفلوس اللي حطتهم في الغساله وكانوا 4 يورو وال2 يورو اللي خردتهم لي كانوا اصلا لي ( حراميه :112: )
3- نحن نأجر منها الشقه حسب مواصفاتها اذا غرفه وصاله او غرفتين ، لكنها الحراميه قالت لصديقتي قبل مايروحون انه لازم تدفعون 200 يورو عن خدامتكم وصديقيتي ماتوقعتها حراميه ودفعت المسكينه ، وطلعة انها مدفعه ناس ثانيين 100 يورو عن خدامتهم ونحن مادفعتنا شئ عن خدامتنا ( تبا تستغلنا بأي طريقه )
كلها مواقف ما مرت فيني .. سواء من زيادة عدد الافراد او الغسيل ..
4- نحن نعرف قانونها انها تدفعك مبلغ اذا تركت الشقه مب نظيفه وهذا قانون يتبعونه الكثير من اصحاب الشقق ، وتفاجأت انها دفعت ريلي رسوم التنظيف 70 يورو ونحن منظفين الشقه وقلت لزوجي ليش
تدفع ؟ فرد انها قالت سواء نظفتوا ولا لأ هاي الرسوم انا باخذها :112: والغريبه انها ما خذت هاي الرسوم من اصدقائي ( كل واحد تستغله على كيفها )
رسوم End Cleaning يجب دفعها في أي شقة حتى لو كانت نظيفة وهي منصوص عليها في العقد , هل اشترطت عليكم دفعها فقط عندما تكون الشقة غير نظيفة؟ بالعكس انا احب ان اسلم الشقة نظيفة تماما كما استلمتها , من مبدأ ان يأخذوا فكرة حسنة عنا نحن المسلمين .. اما ما نص عليه العقد فهو شيء نظامي و في كل الشقق و في اغلب الدول الاوربية ...
5- وهاي اخطر سلبيه في الموضوع اننا اكتشفناها تدخل شققنا ونحن مموجودين، كيف عرفت ؟
مره طلبت من اكلنا ونحن طبخنا وتركنالها منه ولما تأخرت تاخذه طلعنا ولما رجعنا اكتشفنا انه الاكل مموجود ، وصديقتي خبرتني انه الاثيوبيه اللي تشتغل عند صاحبة العماره كانت نازله من شقتنا وشاله الصحن ، طبعا نحن حرجنا وقلنالها كيف تتدخلين شقتنا بدون استئذان وهي طبعا اعتذرت بس جذابه ، طلعت هاي من عوايدها تدخل الشقق .
مره بعد صديقتي طلبت تشوف شقه من عمارتها اللي في منطقه ثانيه وركبت معاها السياره ولما وصلوا العماره فتحت لها شقه واكتشفت صديقتي انه الشقه مأجره وفيها ناس خليجيين وحرمة الريال راقده
( تخيلوا لو مدخله ريال والحرمه في غرفتها نايمه في امان الله ) قالت لها صديقتي هذا مايستوي كيف تدخليني شقه فيها ناس ، تعرفون الخايسه شو ردت ؟ قالت هاي عمارتي وانا حره ادخل اي شقه اباها ، ، ردت صديقتي عليها وقالتلها انتي ماتخافين انه يكون حد موجود ويحرج عليج ، فردت انها تشيك الباركنات وتعرف من السياره اذا اصحاب الشقه موجودين ولا لأ :112: شفتوا الخبيثه شو تسوي.
لا ادافع عنها , ولكن لم الحظ طوال فترة اقامتي ان شيئا تحرك من مكانه او دليلا على ان الشقة دخلها احد في غيابنا ..
اختي الكريمة ارجو ان لا تفهمي كلامي على انه دفاعا عنها , ولكنه ابداء لوجهة نظر من اقام في الشقق و تعامل مع هذه المرأة , خصوصا انها كانت تسألنا عن اماكن زياراتنا و تصنحنا بامكان رائعة خصوصا عن زيارتنا لقمة غروس لوكنر و غيرها .. أرجو ان تتقبلي ما قلته بصدر رحب , لك خالص مودتي

1. السلام عليك أخوي k.f.u.p.m


2. أما النت اذا هي عطتكم مجانا نحن دفعتنا 30 يورو لمدة اسبوع بالضبط .


3. اما من ناحية الغسيل فأنت معذور لانك ماغسلت عندهم .

السلام عليك أخوي k.f.u.p.m

اول شئ انا احترم رآيك ، وكلامك مايزعلني لانك تقول اللي انته عشته ، لكن يا اخوييه انا الكلام اللي قلته والله هو اللي صار وياي وصار ويا صديقتي ونحن ناس في حالنا ومش من النوع اللي يحب يسوي مشاكل ويا حد وهي فعلا ماكانت زينه ويانا.

أما النت اذا هي عطتكم مجانا نحن دفعتنا 30 يورو لمدة اسبوع بالضبط .

اما من ناحية الغسيل فأنت معذور لانك ماغسلت عندهم .

اما من ناحية المصعد بعد كلامك صحيح معظم العمارات مافيها مصاعد ومب هذا السبب اللي خلاني اقول انه العماره مب زينه كان هذا من ضمن الاسباب وياريت السبب هذا جان ماتكلمت ، عيل في عيب ثاني في العماره انا ماقلته وهو انه لما يعدي الليل وخصوصا في الايام اللي فيها حفلات ماكنا نقدر ننام من الحشره وصوت السكارى وفي نفس الوقت ماكنا نقدر نسكر الشباك لانه يكون حر .
ومن ناحية النظافه الحمدالله نحن ناس نحب النظافه ومثل ماقلت نحن مسلمين ويجب ان نترك سمعه زينه ، ولكن هي تعاملت ويانا من هذا المنطلق اذا نظيفه مابتدفعون واذا وسخه بتدفعون وعقب غيرت رآيها عند الدفع ، واحب اقولك انه لما كنا في انترلاكن صاحب الشقه ماحطلنا هذا الشرط ورغم هذا تركناله الشقه مثل ما استلمناها وافضل وبعد كتبناله رسالة شكر لما شفنا منهم من حسن معامله واخلاق.
بالنسبه لدخولها الشقق انا ماتبليت عليها ولاسمعت من الناس وقلته، لكن هذا هو اللي صار وياييه وويا صديقتي وهذا الموضوع بالذات هو اللي خلاني اكتب في المنتدى عنها وابعد الناس عن شقتها ولو ماكان هذا السبب ماكنت كتبت موضوع منفصل عنها وكنت كتبت عن سلبياتها في تقريري عن النمسا.
في النهايه مع احترامي لرآيك اقولك انه من الامانه كنت لازم انبه اهل ديرتي وناسي وعربي اللي يهموني سواء من بلادي او من بلاد الاشقاء وخصوصا انا نحن عاداتنا ودينا مايسمح انه حد يتعدى على حرمتنا .
وجزاك الله خير

مشكوره على التحذير ما قصرتي