الفارسة العربية
03-04-2022 - 08:04 am
السلام عليكم
اخواني واخواتي الاعزاء
عزيزتي بنت الصقور
بحكم خبرتكم ارجو ان لا تبخلوا علي بنصائحكم وارشاداتكم والله يجزيكم كل خير
انا مبتعثة وجاية لسياتل الشهر الجاي انا وزوجي وعيالي
عندي استفسارات كثيرة بخصوص المعيشة في امريكا
ولا عليكم امر تجاوبوني عليها
1- هل تنصحوني اشحن عفشي والا عادة البيوت تكون مفروشة ؟ وايش الاشياء اللي تنصحوني اجيبها معاي بما فيها الاجهزة الكهربائية
2- كم يكفيني اقعد في واشنطن عشان افتح ملفي في الملحقية؟
3- كم المبلغ اللي اقدر ادخله امريكا وايش افضل طريقة لتحويل الفلوس من السعودية الى امريكا؟
4- ما هي افضل وارخص طريقة لشحن الاغراض عموما؟
5- بالنسبة لرخصة السواقة لزوجي, هل يحتاج يطلع رخصة دولية من السعودية قبل لا نروح؟
6- هل سنحصل على بطاقة تعريف I-d لي ولزوجي ولعيالي وما هي مميزاتها؟
7- تنصحوني اشتري ملابس من السعودية والا اقضي لعيالي من سياتل؟
الف الف شكر لكل اللي حيجاوبني وينصحني والله يوفق الجميع
1- ما يحتاج تشحنين كل شي متوفر هنا ... السكن فيه مفروش خالص و فيه بدون و يكون أرخص بس تقدرين تأجرين أو تشترين .. احلى و ارخص من الشحن
2- اجلسي يومين تريحون فيها شوي بس ما يكون ويكند
3- تقدرين تدخلين 10 آلاف كاش معاك بس الأفضل ما تشيلين كاش كثير معاك البطاقات الائتمانيه افضل و آمن ... أسرع طريقه للتحويل ويسترن يونيون Western Union توصل بنفس اللحظه و تقدرين تستلمين الفلوس حتى من السوبرماركت مثل السيفوي .. طبعا على حسب الولايه .. أو عندك عن طريق البنك
4- توجد شركات للشحن و مكاتب خاصه في كل ولايه .. أو الشركات زي UPS و Fedex
5- الرخصة الدوليه يقدر يستخدمها في البدايه و كحل مؤقت بس بعدين لازم يطلع رخصة امريكيه في الولايه اللي هو فيها ..
6- الآي دي تطلعينها من الجامعه لك انتي أو لزوجك اذا اثنينكم راح تدرسون بس الأطفال لا .. و تفيد في الخصومات الطلاب لهم اسعار مخفضه ..
7- مثل ما ذكرت عزيزتي كل شي موجود هنا و احلا .. بس يبيلك اللبس الشتوي الثقيل