عليكم السلام ورحمة الله وبركاته
بما انكم شباب فأعتقد 4 ليال كثيره علي لنكاوي لو تشيلون ليله وتزودونه علي كوالالمبور
لأن ليلتين بكوالالمبور ماتكفي المفروض ماتقل عن 5 او اقل شي 4 ليال
بالنسبه لسيلانقور والصن واي لاقون ممكن تروحون له من كوالالمبور حدود 35 دقيقه بالتاكسي وفيه الثيم بارك الألعاب المائيه
اما بالنسبه لوصولكم 11 مساء ماعاد تقدرون تروحون إلي لنكاوي او بينانق لأن لنكاوي لازم طيران واخر طياره
تقلع تقريبا الساعه 09:15 مساء وبينانق ممكن الوصول لها بالتاكسي بس ماراح تحصلون اللي يوصلكم اخر الليل والطريق
تقريبا حدود 5 ساعات يعني بتصلون علي الفجر مايمديكم حتي تحجزون فندق فالدعوه تعب وإرهاق هذا إذا حصلتوا احد يوصلكم
نصيحه ريحوا في فندق المطار فندق ممتاز وفي نفس المطار ماهو بعيد واحجزوا الصبح بدري علي لنكاوي فيه رحلات
تقريبا الساعه 07:30 صباحا وفيه بعدها رحله الساعه 10:20 صباحا علي طيران آير آسيا
او تمشون بر بالباص او التاكسي إلي بينانق
المهم حاولوا تحجزون الرحلات الداخليه من اللحين
http://www.airasia.com/

هلا بك اخوي zazaza
واشكرك على تفاعلك وصبرك علي
اذا رحت طيران 7:30 للنكاوي ,, هل يمديني استفيد من الاثنين هناك ولا بيطير علي مثل ما طر السبت والاحد .؟؟
وش نخلي برنامجنا في لنكاوي في الثلاث ليال على حسب رايك ..؟؟؟؟

السلام عليكم
عادي خذ راحتك ماعند مشكله
الجدول الأفضل اول ليله فندق المطار ثم 3 ليال لنكاوي ثم 4 ليال بينانق ثم اخر شي كوالالمبور
الأفضل مثل ماقلت تريحون اول ليله بفندق المطار بان باسيفك
ومن الصبح علي لنكاوي 3 ليال وانا والله اتوقع كشباب بتكفيكم فيها ليلتين لكن ماودي اشوش علي برنامجكم
لأنها في الليل من بعد المغرب هدؤ مافيه شي إلا جلسه بالفندق
ولو رحتوا للنكاوي علي رحلة الساعه 07:30 الصبح بالعكس بتستغلون اليوم افضل إستغلال لأن المسافه 50 دقيقه بالطائره
تروحون للفندق اللي بتسكنوا فيه نزلوا شنطاكم عنده لأنه ماراح يسلمكم غرفه إلا بعد الظهر إلا إذا هي فاضيه
وبعدها تطلعون علي رحلة المانقروف النهريه لمدة ثلاث او اربع ساعات وترجعون للفندق تتغدون وتريحون وفي العصر
تروحون لميدان النسر و تاخذون جوله بالتاكسي علي الجزيره وتتعشون في احد السوقين القريبين من ميدان النسر
و في اليوم الثاني من الصبح الساعه 9 تروحون للقريه الشرقيه والتلفريك ويعده لو حبيتوا ممكن تزوروا عالم تحت البحار
و في كوالالمبور واحد افضل منه يعني واحد يكفي وفي لنكاوي حدائق مثل الفواكه اما البقيه الطيور والتماسيح مضيعة وقت
مالها اي داعي فأنت شوف دليل لنكاوي في توقيعي وشوف وش يناسبكم وعلي ضوئه حددوا هل تجلسون 3 او 4 او ليلتين
وإذا انتوا ناوين تروحون بدون ماتحجزون الفنادق والطيران الداخلي فأمركم في أيديكم تقدرون تتحكمون في وضعكم اعجبكم
الوضع اوكيه اجلسوا الليالي اللي تبون ماعجبكم ممكن تمشون إلي بينانق طبعا بالطيران او البحر بالعباره الفييري مافيه
مواصلات بريه تاكسي وغيره لأن لنكاوي جزيره داخل البحر
عموما شوف هالأماكن اللي تستحق الزياره
شوف انت شوف الرابط ومكتوب مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938

اخوي zazaza
اولا : الله يجزاك عنا كل خير وبيض الله وجهك على رحابة صدرك
ثانيا : اعتذر على تاخري بالرد ضيعت يوزر ( افليدفينت) واضطريت ارد بيوزر اخر
ثالثا : تم تغيير موعد الذهاب الى 12 ابريل والعوده ب 23 ابريل
خطة السير فجر 12 ابريل الساعه 5 موعد الاقلاع على الخطوط القطريه الوصول للدوحه 6:30صباح ثم الاقلاع الى كوالالمبور 8:05 صباح والوصول 8:45 الليل
ايضا بالنسبه للنكاوي سمعت كثير انها ما تستاهل ايام كثيره للشباب ,, تنصحنا نروح لها الصباح بدرري ونرجع الليل وانتهينا
ولا ننام فيها ليله ومن بكره نمشي ,, او نحذفها من البرنامج ونضيف منطقه ثانيه افضل بدالها ؟؟؟
نقظه احب اوضحها لك .. حنا مو راعين مولات وخرابيط نمر مول ولا مولين بكوالالبور اخر الايام عشان الهدايا ويكفينا ,, نبي الشلالات والبحيرات والشواطى والاكواخ

اي والله سلانجور تستاهل هي والصن واي
نصيحه ريح فيها يومين وبعدين ابداء برنامجك
لانك بتوصل وانت تعبان
وباقي الجدول برايي تمام

مستر كفي
اخوي مستر الله يسلمك
اولا شاكر لك تجاوبك معي ,,
لو تلاحظ البرنامج كلها 10 او 11 يوم ,, ما بين كوالا و بينينق ولنكاوي وجنتنق

السلام عليكم
معليش مانتبهت للموضوع من كثر المواضيع
بعد التعديل عندكم 11 ليله اول ليله ضايعه مامنها فايده بس لازم تحجزون فندق لهذي الليله
وانت تقول ماتبون مولات وتبون شلالات وبحيرات وشواطئ واكواخ وكل اللي تبيه في لنكاوي يعني لنكاوي
ماتقدر تكنسلها وماهو صحيح إنها تصلح بس للمعاريس تصلح للجميع إلا اللي يحب السهر والأسواق ماتصلح له
الجدول اشوف افضل شي
اول ليلتين سيلانقور اول ليله نوم وثاني يوم ملاهي الصن واي لاقون
ثم 3 ليال لنكاوي
ثم 3 ليال بينانق
3 ليال كوالالمبور دام ماتبون مولات واسواق فكوالالمبور اغلبها اسواق ومولات والأبراج
وتروحون يوم لجينتنق من الصبح للمساء
وفيه خيار ثاني لو حبيتوا تكثروا ايام كوالالمبور
اول ليله تنامون في فندق المطار وتحجزون من صبح اليوم الثاني علي لنكاوي
ويصير ليله المطار
3 ليال لنكاوي
3 ليال بينانق
واخر 4 ليال كوالالمبور تروحون يوم لملاهي الصن واي لاقون بسيلانقور ويوم لجينتنق وتستغلون الليل في كوالالمبور
واشوف الجدول الثاني مناسب جدا

ابوخلود11
معذور الله يسلمك ويعافيك ،،
من ناحيه البرنامج مثل ما تفضلت الاقرب والانسب الجدوول الثاني وهو مناسب مره من ناحيتي بس يوافقون الشباب عليه ونرتاح من هم البرنامج
بس فيه جزئيه هامه جدا ما جاوبت عليها سالفه الحجوزات ،،،
منتجع افاموسا شفت له تقرير رهيب تنصح نروح له وهل هو قريب ولا بعيد؟
واخر سؤال ( استحيت من كثر ما اسالك) سالفه السواق هناك ،،،
مثلا ( باندونيسيا السواق معنا يوميا من الفجر الى المغرب او العشاء لين يرجعنا للفله ) هل في ماليزيا كذا او على المشوار وبس
وارجع اقولك الله يعطيك العافيه وبيض الله وجهك