بسم الله الرحمن الرحيم
السلام عليكم جميعا
ذهبت البارح الى مكتب سيكست القابع في طريق خريص
ودخلت للمسئول الهندي وصيف
وقلت له ابي سياره من 31اغسطس الى 14 سبتمبر
الاستلام من فيينا والتسليم في زيوريخ المطار
شوي ويقول لي
لقيت لك ب4547
قلت له انا لاقي في موقعكم على النت اقل من هذا السعر بالضبط لاقي بأقل من اربع الاف
قال التامين يختلف ومشمول فيها ضريبة التسليم في بلد اخر 220يورو
واحنا هنا التأمين شامل ......ومن هالكلام
قلت له طيب
شف لي الاستلام من فيرسلاينق والتسليم في كونستانس
نفس التواريخ
عشان نفتك من ضريبة التسليم
جلس يطقطق على الكمبيوتر شوي
وانا جالس انتظر
شوي ويقول لي السعر 2700
قلت له ممتاز واحجز لي عليه
قال معك الجواز قلت ايه
قال الدفع هنا وعند استلام السيارة ياخذون تأمين من الفيزا
قلت له انا عندي مسبقة الدفع من الاهلي قال
مانقبلها وعليها مشاكل كثيرة وناس رجعوا مااستلموا سياراتهم وهذي اوراقهم (الظاهر يقصد الالكترونية الغير بارزة)
قلت له انا مستاجر منكم السنة الماضية ومشت اموري تمام
قال لي هو طيب خلني اشوف بطاقتك الماستر كارد قلت له في البيت وبكرة باجيبها
عندي عدة استفسارات
1هل هناك مستجدات في نظام الفيزا والماستركارد يعني فيه احتمال مايقبلون الماستر كارد اللي معي؟
2هل كونستانس هي اقرب مدينة المانية لزيوريخ ؟
3كم تكلفة القطار من فيينا الى سالزبورغ +تكلفة التاكسي من سالزبورغ الى فيرسلاينق(تقريبا) + تكلفة التاكسي من كونستانس الى مطار زيوريخ (تقريبا) ؟
4هل هناك قطار بين كونستانس وزيوريخ ؟
5هل فيه احد سافر قريب وجرب بطاقة الاهلي مسبقة الدفع؟
بحثت في موقع سيكست
عن السيارة الاستلام من فيرسلاينق والتسليم في كونستانس
طلع لي السعر 2000ريال الدفع عند الاستلام وليس مسبقاً (اذا مسبقا1900) وش رايكم ؟
وشكرا لكم مسبقا