سلامة الوالد
عداه الشر ياربي
الافضل في وضعكم هذا هو انكم تحاولون تريحونه بكثر ما استطعتم
حاولوا تتجنبون مشقة وعناء السفر
اطلبي تاكسي ياخذكم لمحطة قار دي ليون
من هناك مفترض انكم شارين من قبل تذاكر القطار السريع لجنيف
مدة القطار بحدود 3 ساعات
الجزء الاخير من رسالتك مبهم وعجزت افهمه زين
لكن محتاجه قبل ماتطلعين من فندق باريس تكونين عاملة حجوزات القطار والفنادق في سويسرا ومنتهية منها
سواء في جنيف او منترو او اي وجهة محددينها اهم شيء لا تنتظري وصولك جنيف
انا اللي فهمته من استفسارك
انه عندكم6 ايام ممكن توزعينها كما يلي
الوصول جنيف والاقامة فيها 3 ايام
و 3 ايام في منترو
ما انصحك بزيارة أنسي في مثل هذا الوقت من السنة لانها مو موسمها ابد
شامونيه جميلة لكن احلى منها مجيف وممكن تروحون لها من جنيف عن طريق شركة السياحة كي تور وانتبهي لا تصعدين لقمتها لانها متعبة جدا جدا
ليون ما اعرف سبب زيارتكم لها واذا كانت الزيارة ضرورية فاقترح انكم تطلعون من باريس لها (لأانها على الطريق) وتجلسون فيها ليلة ومنها تكملون لجنيف
باقي الايام اقترح عليكي تقيمين في منترو لعدة اسباب من اهمها سهولة المواصلات منها وراحتها النفسية على البحيرة هذا بالضافة انه منها ممكن تطلعون الى عدة رحلات مثل
قشتاد
زيرمات - الرائعة
قرية غريير
هذا غير لوزان وساحلها - اوشي الرائع
استبعدت انترلاكن لانها بعيدة وممكن تكون مشقة عليكم وعلى الوالد بالذات
والا لو انا منكم كان قضيت الست ايام في منطقة انترلاكن وفي خرينديفالد بالتحديد
الاقامة هناك ترد الروح بكل ماتعنيه الكلمة
السكن في هذي المنطقة عباة عن شاليهات وشقق موجود رابطها في الدليل
واي استفسار لا تترددين

يعطييك الف عاافيه
حمدلله مددنا يوم بباريس لما نرتب لرحلة بكره
طيب ترتيبك عجبني ولليون الوالد يبيها بشغل بس قال كنسلوها الحين
يعني تشوف اخلي الرحله من هنا لجنيف ومن جنيف نطلع منترو على طول ونجلس فيها 3 ايام وبعدين ارجع لجنيف ونجلس فيها يومين يوم نطلع شامونيه ويوم نطلع لميجيف ؟؟
صراحة منترو مااعرف عنها شي بس بأقرا من تقاريرك لكن شامونيه وميجيف مرره ودي نزورها
او تنصحناا نخليها كل ال 5 اياام انترلاكن ؟؟
بس فيها امااكن كثير عشان ما نحس بطفش او اجلس ع الترتيب اللي قلته قبل ؟

walaa.h
من ناحية الاماكن فثقي انه مافي الكثير في مثل هذا الوقت من السنة
معظمها بتكون رحلات توصولن للقرية تتجولون لو الجو يسمح لانه الجو لنا كما يوم ماطر بارد
اقتراحي هو الوصول لجنيف النوم بها 3 ليالي او ليلتين
اليوم اللي تروحون فيه لشامونيه هو نفس اليوم لمجيف لانهم على الطريق وغالبا يومها محتاجين تستاجرون سيارة بسائق لليوم بحدود 700 فرنك مع ان السيارة بدون سائق بحدود 120 فرنك للسيارة الفان
باقي الايام في منترو كما ذكرت لي وكما اقترحت عليكم من مناطق ممكن زيارتها من منترو
اخر يوم من منرو للمطار بالقطار بحدود ساعة فقط
ما اقدر انصحك او اقنعك لاني بالفعل ما عندي اي فكرة عن هوية المسافريم وطبيعتهم
لكن لو ترك لي الخيار فبك تأكيد راح اقضي كل يوم باقي في خرينديلفاد في احى الشقق المفروشة هناك واللي موضحها في الدليل
واي استفسار لا تترددين

حبيت اشكرك على مجهودك
واقولك المكان اللي قلت لي صار محجوز كامل حجزنا بمكان قريب منه وحلو مره وزرناا الى قمة اليوم وباقي لنا بكره كاامل لانو الخميس بنطلع لجنيف المهم
بكره نقول بنروح لنفس انترلاكن نتفرج فيها بس ودي بشي فيه زحاليق فيه هذا الوقت او لا ؟

وبعد لو ينفع نروح اي مصنع شوكلاته بس لازم له قطار لانو ما معنا سياره ؟
او ساعدني باي شي لجدول بكره
ان شاء الله راح اصحى بدرري وافتح الصفحه واللاقي اجوبه ق1