محمد ابو نورة
21-04-2022 - 02:25 am
السلام عليكم
اسعد الله اوقاتكم بكل خير وصحة وسعادة
هذي اول مشاركة لي معاكم في هذا المنتدى الرائع
اخواني
احتاج مساعدتكم في بعض الامور
اولا :
ابغى اعرف كم اسعار خطوط الطيران من مدينة الرياض الى سنغافورة والعودة راح تكون من ماليزيا ( كوالالمبور ) الى الرياض ..
وتواريخ السفر
18/ 3 / 2013
والعودة
8/ 3 / 2013
يفضل الخطوط القطرية
ثانيا :
افضل طريقة تنقل بين سنغافورة وكوالالمبور .. الطائرة او القطار او الباص
؟؟؟؟؟
ثالثا :
ايهما افضل التسوق في ماليزيا او سنغافورة ... ؟؟
وايهما ارخص وافضل بضاعة شينا تاون ماليزيا او سنغافورة ؟؟؟
ولكم تحياتي
وعليكم السلام
هلا فيك ... بفيدك باللي اعرفه ..
بالنسبه للسؤال الاول ...
تختلف الاسعار باختلاف الوقت اللي بتسافر فيه .. مثال للتوضيح انا سافرت ماليزيا قبل خمس سنوات وقصيت التذاكر لشخصين قبل السفر باسبوعين ..!! ودفعت 8600 ريال على خطوط اتحاد الامارات علما انك ممكن تسافر شخصين بسعر 4600 على نفس الخطوط لو انك قصيت التذاكر بدري .. يعني باختصار عشان تبعد عن السوق السوداء لان بعض شركات الطيران يترك لنفسه كم تذكرة ويبيعها على شخص قرر السفر فجأه بدبل السعر .. وبالنسبه لافضل خطوط اتحاد الامارات .. ثم .. القطرية عيبها التنقل من الطياره الى الصاله بالباص ورحلات الترانزيت يوقف فيها الباص وينادي على الدوحه وبعدها يواصل على المطار .. لذلك نصيحه محب خذ خطوط اتحاد الامارات ويكفيها شهاده انها حاصله على المركز الثاني عالميا عام 2008 ولا زالت في تطور .السؤال الثاني :
افضل طريقه للتنقل بين سنغافورة وماليزيا ... ماعندي جواب شافي لكن اقترح عليك في حال بتسافر بعيالك تاخذ الطياره ولو شباب مو مشكله ان شاء الله بسيكل ^_^ امزح بس اقصد شباب ماتفرق كثير باختصار انا راعي ثرثرة .. والحقيقة ماعندي جواب .. خلنا نشوف السؤال الثالث يمكن اسهل هههالسؤال الثالث :
الافضل في التسوق من وجهة نظري ماليزيا جودة _ اسعار ثابته _ ماركات عالميه _ بضاعه جديدة تنزل عندنا بعد شهر من نزولها في ماليزيا _ سنغافورة حلوة بس مشكلتها انفتاحها الكبير على العالم يخليها تقبل البضاعه المقلده والبضاعه الاصليه فأحيانا تشتري شي على بالك انه اصلي وهو تقليد محترف جدا ... لذلك اعتقد ماليزيا افضل في التسوق .بالتوفيق ,,, واعذرنا على القصور